JOSHUA 7:1 - Navajo Bible

¹ Nidi Bóhólníihii bich'į' nideet'ánígíí Ízrel dine'é doo ákǫ́ǫ́ ádayííł'įįd da; jó, Éíkan éí Kármii biye' éí Zábdai biye' éí Zíírah biye' éí Júdah dine'é jílį́įgo, díí Bóhólníihii bich'į' nideet'ánígíí ła' nízhdiinilgo Bóhólníihii ts'ídá doo hasht'é'égóó Ízrel dine'é yich' į' báhóóchįįd.

JOSHUA 7:1 ပူးပေါင်းရင်းမြစ်များ

GENESIS 34:27

Áko Jéíkab biye'ké éí diné nideistseedígíí yaa yíkaigo kin haal'áhígi diné binaalye'é deisná, háálá dabideezhí t'óó baa yáhásingo áál'įįd.

II SAMUEL 24:1

Náá'áłdó' Bóhólníihii éí Ízrel dine'é yich'į' bánááhóóchįįdgo David hak'ijį' náádiildził áyiilaago ání, Nílááh, Ízrel dine'é índa Júdah dine'é deínółta'.

II KINGS 5:24

Nít'éé' yílk'id léi'gi jíkaigo bílák'ee hajíínilgo kin góne' yah ajííjaa', áádóó diné béézhníłnii'go dah nídiit'áázh.

I CHRONICLES 21:7

Áko díí Diyin God doo bił hóshǫ́ǫ́góó biniinaa Ízrel dine'é atíyiilaa.

II CHRONICLES 24:18

Áko dahazhé'é yę́ę biBóhólníihii Diyin God bikin bii' sohodizin bits'ájíkaigo áádóó asdzání be'elyaii áádóó eda'alyaii bich'į' nidahojiłáá nít'éé', áádóó Júdah dine'é índa Jerúsalem dine'é díí doo ákǫ́ǫ́ ádáát'įįdígíí biniinaa bee atí'él'į́ hak'i hoole'.

EZRA 9:6

Áko ádíshní, ShiDiyin God nílíinii, ts'ídá t'óó ádaa yánísdzin áádóó bik'ee nich'į' shinii' deichxii', shiDiyin God, háálá nihidoo ákwii ádaat'éii nihitsiits'iin bilááh danées'ąąd, áádóó nihidoo ákǫ́ǫ́ é'ét'éii yádiłhił bídanées'ąąd.

JOB Naaltsoos Biyi' Job Baa Hane'ii 35:8

Doo yá'áshǫ́ǫ́góó ááníłígíí t'áá éí bee diné t'áá nigi át'éii atíní ł'į́, áádóó t'áá ákogi ááníłígíí bee éí diné nilíinii bá í'iideeł.

ECCLESIASTES 9:18

Bee na'abaahii biláahgo hódzą́ yá'át'ééh, nidi diné t'ááłá'í ádił ni'iilzíhígíí t'óó ahayóí yá'ádaat'éehii áyoołdįįł.

DANIEL 9:7

Bóhólníihii nílíinii, t'áá ákogi át'éii nílį́. Nidi nihí Judíya kéyahdóó diné daniidlíinii índa Jerúsalem kin haal'áádóó diné daniidlíinii áádóó Ízrel dine'é daniidlíinii t'áá áníiltso áhą́dí áádóó nízaadi kédaayahgóó tanihinííníłkaadii díí jį́ t'óó nihaa yádahóósįįdgo nihił dahalą́, háálá nik'ijį' dasiidlį́į'go ádił da'siilziih.

LEVITICUS 10:6

Áádóó Mózes éí Éran índa biye'ké Eliyéízar áádóó Íthamar ííłní, Nihitsii' t'ááká bik'i da'doołtsóós lágo, danihi'éé' t'ááká ák'indaołdlaad lágo, áko doo dadínóohnéeł da índa diné t'áá ałtso doo atíbidi'doolníił da biniyé ákódadoohnííł. Nidi bíni'dii danihik'isóó Ízrel dine'é t'áá ałtso éí Bóhólníihii ahodííłk'ą́'ígíí yaa atínídadindleeh.

JONAH 1:7

Áádóó áda'ahidoo'niid, Hágo, haa'íshą' yáá'iilt'e' ádadiilníiłgo díí doo yá'áshóonii nihik'i hoole'ígíí baa ákodadíníidzįįł. Áko yáá'iilt'e' ádayiilaa, nít'éé' Jónah bik'i hodiit'ą́.

JOSHUA 22:16

Bóhólníihii bidine'é áłah silį́'ígíí t'áá ałtso ádaaní, Ha'át'íí lá bee Ízrel dine'é biDiyin God bich'į' doo ákǫ́ǫ́ ádaot'įįdgóó Bóhólníihii bikéé' deínóhkááh nít'éé' yę́ę díí jį́ bits'áhisoohkaigo bikáá' náá'iiniihí ádá ádaahłaa? Jó, éí bee díí jį́ Bóhólníihii bich'į' nidasoołtee'.

JOSHUA 22:18

Ákoósh díí jį́ Bóhólníihii bikéé' deínóhkááh nít'éé' yę́ę bits'ánóhkááh lá? Áko kót'ée doo: díí jį́ Bóhólníihii t'áá bich'į' nidasoołtee'go yiską́ągo Ízrel dine'é dah yinéłígíí t'áá ałtso yich'į' báhodoochįįł.

JOSHUA 22:20

Zíírah biye' Éíkan wolyéii Bóhólníihii bich'į' nideet'áanii yee doo ákǫ́ǫ́ áátįįdígíí biniinaa doósh Bóhólníihii yee hashké nídzinii yee Ízrel dine'é dah yinéłígíí t'áá ałtso atíyiilaa da? Áádóó éí doo ákwii áát'įįdígíí t'éiyá biniinaa diné náánáła' ałdó' ádabi'disdįįd.