JOSHUA 6:7 - Navajo Bible

⁷ Áádóó Ízrel dine'é ábizhdííniid, Nihílááh, díí kin haal'áhígíí bináhkááh, áko diné nidaabaahii éí Bóhólníihii bitsits'aa' dílzinii yilą́ąjį' yikah doo.

JOSHUA 6:7 ပူးပေါင်းရင်းမြစ်များ

JOSHUA 1:14

Nihe'asdzą́ą́ áádóó nihada'áłchíní áádóó danihilį́į́' bíni'dii t'áá Mózes éí kéyah nihaidiní'ánígi Jórdan tooh wóshch'ishdi nidaakai doo, nidi nihí éí nihik'isóó bilą́ąjį' dohkáahgo anaa' biniyé hasht'e'ádadołnééh; ayóó át'éego diné nidaahbaah danohłíinii, t'áá ánółtso bíká adoohjah.

JOSHUA 4:13

Diné dízdiindi míilgo anaa' yiniyé hasht'e'ádadólzinígíí ha'naa nidahaaznáago Bóhólníihii binááł Jériko honíteeljigo adahaazbaa'.

JOSHUA 6:3

Diné anaa' da'ał'íinii danohłíinii t'áá ánółtso, díí kin haal'áhígíí t'ááłáhídi binínáhkah doo. Ákódaaht'į́įgo hastą́ą́h jį́ adooleeł.

JOSHUA 6:6

Áko Nan biye' Jáshowa éí nááda'iiłniihii hágo bizhdííniidgo ábizhdííniid, Tsits'aa' dílzinii éí bee aha'deet'áanii bii' sinilii nídadooh'aah áádóó háni' nááda'iiłniihii tsosts'id yilt'éego éí Bóhólníihii bitsits'aa' dílzinii bilą́ąjį' deenásts'aa' bidee' bee í'dílzoołí tsosts'idgo dayíjáah doo.

JOSHUA 6:8

Áko Jáshowa éí diné bich'į' hadzoodzíi'go nááda'iiłniihii tsosts'id yilt'éego éí deenásts'aa' bidee' bee í'dílzoołí tsosts'idgo dayíjáahgo Bóhólníihii binááł náásgóó yikahgo éí adee' bee í'dílzoołí yee ádaaní, áádóó Bóhólníihii bitsits'aa' dílzinii éí bee aha'deet'áanii bii' sinilii t'áá bikéé' yit'ááł.