JOSHUA 6:3 - Navajo Bible

³ Diné anaa' da'ał'íinii danohłíinii t'áá ánółtso, díí kin haal'áhígíí t'ááłáhídi binínáhkah doo. Ákódaaht'į́įgo hastą́ą́h jį́ adooleeł.

JOSHUA 6:3 ပူးပေါင်းရင်းမြစ်များ

II CHRONICLES 4:3

Bidáá' gónaa biyaadóogo éí dóola bida'alyaago ashdla'áadah ké silá bíighahgo ahéénízį́. T'ááłá'í béésh łitsoii éí dóola bééda'alyaago naakigo ałnaashiijí nít'i'.

NUMBERS 14:9

Áko t'áadoo Bóhólníihii bich'į' nidaałteehí, doodaii' díí kéyah yii' kéédahat'íinii t'áadoo bik'ee nihił daayé'í, háálá éí nihibááh dajílį́; ádích'ą́ą́h nideilyéé nít'éé' yę́ę bits'ą́ąjį' kódzaa; nihí éí Bóhólníihii nihił hólǫ́; t'áadoo nihi'ana'í bik'ee nihił daayé'í.

II CORINTHIANS 4:7

Nidi hashtł'ish łeets'aa' nahoniidlingo díí t'áá íiyisí ílíinii nihii' hólǫ́, éí ts'ídá aláahdi át'éego adziil nilíinii Diyin God bits'ą́ą́dę́ę́' át'éego bééhózin doo biniyé, t'áá nihí nihits'ą́ą́dóó éí dooda.

JOSHUA 6:11

Kót'éego Bóhólníihii bitsits'aa' dílzinii éí kin haal'áhígíí t'ááłáhídi binídadziz'ą́, índa dah oonéłíjį' níjíkaigo áadi dahwiiską́.

JOSHUA 6:14

Áko naaki jį́ aleeh góne' kin haal'áhígíí binínáádzískaigo dah oonéłíjį' t'ą́ą́' nínáájíkai. Ákódajit'į́įgo hastą́ą́h jį́ azlį́į́'.

JOSHUA 6:2

Bóhólníihii éí Jáshowa áyidííniid, Shoo, Jériko kin haal'áii áádóó aláahgo naat'áanii índa bisiláo dahayóii t'áá bił nílák'edíí'ą́.

JOSHUA 6:4

Áko nááda'iiłniihii tsosts'id yilt'éego éí deenásts'aa' bidee' bee í'dílzoołí éí tsits'aa' dílzinii yilą́ąjį' deíjáah dooleeł, áko tsosts'id jį́ aleeh góne' kin haal'áhígíí tsosts'idi binídoohkah, áádóó nááda'iiłniihii éí deenásts'aa' bidee' yee ádadidooniił.

JOSHUA 6:7

Áádóó Ízrel dine'é ábizhdííniid, Nihílááh, díí kin haal'áhígíí bináhkááh, áko diné nidaabaahii éí Bóhólníihii bitsits'aa' dílzinii yilą́ąjį' yikah doo.