JOSHUA 6:2 - Navajo Bible

² Bóhólníihii éí Jáshowa áyidííniid, Shoo, Jériko kin haal'áii áádóó aláahgo naat'áanii índa bisiláo dahayóii t'áá bił nílák'edíí'ą́.

JOSHUA 6:2 ပူးပေါင်းရင်းမြစ်များ

II SAMUEL 5:19

Áádóó David éí Bóhólníihii áyidííniidgo ání, Da' Filístiya dine'éésh bich'į' deeshbah? Da' shílák'ee didíí'ááłísh? Áko Bóhólníihii éí David áyidííniid, Ákóde bich'į' díbááh, háálá doo naaki nilį́į́góó Filístiya dine'é nílák'ee dideesh'ááł.

NEHEMIAH 9:24

Áko Ízrel dine'é éí kéyah yiih yínáago bíí' daazlį́į'go éí kéyah yii' kéédahat'į́į́ nít'éé' yę́ę Kéínan dine'é bik'eh dínídlį́į́', áko t'áá hó daznízinígi át'éego ádazhdoolííł biniyé éí kéyahdóó aláahgo naat'áanii danilíinii índa dadine'é hálák'ee dadííní'ą́.

DANIEL 2:21

Dahwéelzhíishii áádóó ahééhwiidáahii ałtah ánáyoodlííł; aláahgo naat'áanii dah náhidinoobįįłgo ánáyoodlííł; dahóyáanii bee hódzą́ yeidii'aah áádóó ak'idadi'yiitįįhii ił ééhózin yeidiyii'aah.

DANIEL 2:44

Áko aláahgo naat'áanii danilíinii bídayéełkaah bijį́ yá'ąąshiidę́ę́' Diyin God éí bee óhólníihgo bił haz'áanii chánah íidoolíiłii ts'ídá doo wóchxǫǫh át'ée da doo. Ts'ídá doo ła'da bee hóhólníih da doo; díí bee óhólníihgo bił dah nidahaz'áanii ałtso bił nihoníyáa doo, nidi éí bee óhólníihgo bił haz'áanii hool'áágóó hólǫ́ǫ doo.

DANIEL 4:17

Hada'ídées'į́'í yee hadaasdzíi'ii binahjį' áádóó diyingo nidaal'a'í bizaad binahjį' yee nihoní'ą́, áko diné dahináanii díí bił béédahózin doo: Aláahgo Ayóó'át'éii éí diné yee bóhólníihgo bił nahaz'ą́ą́góó yinant'á áádóó t'áá bí íinízinígíí bik'ehgo t'áá háiida yeididoo'ááł índa ts'ídá diné a'ohgo át'éii yeidiyii'aah.

DANIEL 4:35

Nahasdzáán bikáa'gi kéédahat'íinii t'áá ałtso t'áadoo nídandlínígóó yaa nitsíkees. Áko yá'ąąshdę́ę́' dah deínéehii índa nahasdzáán bikáa'gi kéédahojit'íinii hatahgóó t'áá bí nízinígi áyoolííł; doo ła'da t'ą́ą́' áhósin le' át'ée da, doo nidi kóbidi'doo'niił da, Ha'át'íishą' baa naniná?

DANIEL 5:18

Aláahgo naat'áanii nílíinii, Aláahgo Ayóó'át'éii Diyin God éí bee óhólnííh bił haz'áanii áádóó ts'ídá ayóó át'éii áádóó bee ayóó é'ét'éii índa ił ídlíinii nizhé'é yę́ę Nébukadnézzar yeidiní'ą́.

DEUTERONOMY 7:24

Áádóó aláahgo binanit'a'í danilínígíí nihílák'ee yidii'aahgo yádiłhił biyaagi yízhí bee béédaho'dílzinígíí dadoołchxǫǫł, índa nihinááł diné ła' na'abaah doo yíneel'ą́ą́góó ałtso ádasoołdįįdjį' ákót'ée doo.

JOSHUA 12:9

Jériko dine'é aláahgo binanit'a'í t'ááłá'í, Béthel bíighahgiígíí Éí'ai dine'é aláahgo binanit'a'í t'ááłá'í,

JOSHUA 2:24

Áádóó Jáshowa ábizhdííniid, T'áá aaníí Bóhólníihii éí kéyah t'áá át'é nihaidiní'ą́ą́ lá; jó, kéyahgi t'áá át'é kéédahojit'ínígíí nidi t'áá ádzíłtso nihik'ee hatah doo dahwiina' da.

JOSHUA 2:9

Áádóó diné ábijiní, Díí shił bééhózin: Bóhólníihii éí kéyah nihaididoo'ááł áádóó nihik'eda'íyée'go bik'ee nisiniikai, áádóó kéyah bikáa'gi diné kéédahat'ínígíí t'áá át'é nihik'ee bitah doo dahwiina' da.

JOSHUA 20:1

Bóhólníihii éí Jáshowa áyidííniid,

JOSHUA 6:1

Íídą́ą́' Ízrel dine'é biniinaa Jériko kin haal'áhígíí yéego dá'deelkaal; doo ła'da ch'ígháhí da, doo ła'da yah iigháhí da.

JOSHUA 6:3

Diné anaa' da'ał'íinii danohłíinii t'áá ánółtso, díí kin haal'áhígíí t'ááłáhídi binínáhkah doo. Ákódaaht'į́įgo hastą́ą́h jį́ adooleeł.

JOSHUA 8:1

Bóhólníihii éí Jáshowa áyidííniid, T'áadoo nił yé'í; t'áadoo ádił nisindáhí; nídiidáahgo diné nidaabaahii t'áá ałtso dah dii'éeshgo nihílááh, Éí'ai kin haal'áágóó dohkááh; jó, Éí'ai dine'é áádóó aláahgo binanit'a'í áádóó bidine'é áádóó bikin haal'áhígíí índa bikéyah nihílák'eidíí'ą́.

JUDGES 11:21

Áko Ízrel dine'é biBóhólníihii Diyin God éí Sáíhan áádóó bidine'é t'áá ałtso Ízrel dine'é yílák'eidíí'ą́ągo hak'eh dadeesdlį́į́'. Áko Ámor dine'é bikéyah t'áá át'é Ízrel dine'é bíí' daazlį́į́'.

JUDGES 11:24

Da' doósh nihidiyin bidi'níinii Kíímash wolyéii nihaa yiiníłígíí t'éí nihíí' nidahaleeh da? T'áá ákót'éego nihí Bóhólníihii nihiDiyin God nihinááł kéyah bits'ą́ąjį' ch'íhoniiłkaadígíí éí nihíí' nidahaleeh doo.