JOSHUA 6:12 - Navajo Bible

¹² Áko Jáshowa t'ah abínídą́ą́' nídii'na'go nááda'iiłniihii éí Bóhólníihii bitsits'aa' dílzinii nídeidii'ą́.

JOSHUA 6:12 ပူးပေါင်းရင်းမြစ်များ

GENESIS 22:3

Áádóó Éíbraham t'áá íiyisí abínígo nízhdii'na'go hatélii bik'i dah adziznil áádóó hatsíłkéí naaki ádíjii'nil; haye' Áízak ałdó' bił bee adidlidgo náá'iiniih biniyé chizh ahizhdííłkaal. Diyin God doohkah hałnínę́ęgóó dashdiikai.

DEUTERONOMY 31:25

Mózes éí Líívai dine'é bich'į' díí bee hadzoodzíí'; Bóhólníihii bitsits'aa' dílzinii éí bee aha'deet'áanii bii' sinilii yaa ádahalyą́ągo nidei'áii ábijiní,

JOSHUA 3:1

T'ah abíínídą́ą́' Jáshowa nídii'na'go Shíttimdóó dah náádadii'ná, áko Jórdan toohjį' Ízrel dine'é t'áá ałtso bił jiníná, índa t'ah doo ha'naa niinééhgóó t'áá ákwii dabiiską́.

JOSHUA 6:11

Kót'éego Bóhólníihii bitsits'aa' dílzinii éí kin haal'áhígíí t'ááłáhídi binídadziz'ą́, índa dah oonéłíjį' níjíkaigo áadi dahwiiską́.

JOSHUA 6:13

Nááda'iiłniihii tsosts'id yilt'éego éí deenásts'aa' bidee' bee í'dílzoołí deíjáahgo Bóhólníihii bitsits'aa' dílzinii bilą́ąjį' t'ááłáhígi át'éego náásgóó yikahgo deenásts'aa' bidee' bee í'dílzoołí yee ádaaní, áko diné nidaabaahii éí bilą́ąjį' yikah áádóó akéé'dóó hada'ídíl'į́'ígíí éí Bóhólníihii bitsits'aa' dílzinii yikéé'dóó yikahgo nááda'iiłniihii náás yikahgo t'ááłáhígi át'éego adee' bee í'dílzoołí yee ádaaní.

JUDGES 20:19

Ákohgo Ízrel dine'é t'ah abínídą́ą́' nídiijée'go, Gíbiyah dine'é yik'iidoojah biniyé niníná.