JOSHUA 6:1 - Navajo Bible

¹ Íídą́ą́' Ízrel dine'é biniinaa Jériko kin haal'áhígíí yéego dá'deelkaal; doo ła'da ch'ígháhí da, doo ła'da yah iigháhí da.

JOSHUA 6:1 ပူးပေါင်းရင်းမြစ်များ

II SAMUEL 10:5

Nít'éé' David hoł hóóne'go ła' ákǫ́ǫ́ bidááhgóó i'jííł'a', háálá díí hastóí t'áá íiyisí ádaa yádandzin. Áádóó aláahgo naat'áanii áhodííniid, T'áá Jériko kin haal'áadi nahísóotą́ągo nihidághaa' nídadínóoyééł, áko índa nídoohkah.

II KINGS 17:4

Áko Asíriya dine'é aláahgo binanit'a'í éí Hoshíya naha'áhígíí haiideel'į́į́'; jó, Ííjip dine'é aláahgo binanit'a'í Só wolyéii yich'į' hane' yił i'ííł'a', áko Asíriya dine'é aláahgo binanit'a'í t'áá nináháhááh bik'eh naalyéhé bich'į' ajíł'į́į́ nít'é'ígíí doo baa jíníił da; éí biniinaa, Asíriya dine'é aláahgo binanit'a'í hoołtsoodgo awáalyaa góne' hadádi'níłkaal.

II KINGS 2:4

Áko Iiláíjah áháłní, Iiláísha, t'áá kǫ́ǫ́ sínídá, baa nánooshkąąh, háálá Bóhólníihii Jériko kin haal'áágóó shííł'aad. Áko ání, Ts'ídá t'áá aaníí Bóhólníihii hiná índa hiníná; ákót'éego ts'ídá t'áá aaníí doo nits'ádeesháał da. Áko Jérikogóó jiní'áázh.

PSALMS 127:1

Bóhólníihii doo kin íílééhgóó éí kin ádajiléhígíí t'áadoo biniyéhígóó bindajilnish; Bóhólníihii éí kin haal'áhígíí doo yaa áhályą́ą́góó t'áadoo biniyéhígóó ha'asíidii ha'dzisííd.

JOSHUA 16:7

índa Janówahdóó Átarath kin shijaa'jį' índa Néíyarah kin shijaa' góyaa hodeesdzo, áádóó Jériko kin haal'áajį' índa Jórdan toohjį' hodeesdzo.

JOSHUA 18:21

Bénjamin dine'é ahii' háá'ahiyoolchíiłii bik'ehgo dabikin hadaas'áhígíí éí kódahoolyé: Jériko, Beth-hágla, Kííziz yíldzisii,

JOSHUA 2:1

Áádóó Nan biye' Jáshowa éí Shíttim hoolyéédóó diné naalchi'í nidilt'éego dashdiił'a'go ábijiní, Nihílááh, nahont'in nahaz'ą́ą́dóó Jériko kéyah hazhó'ó hadoohsiłgóó doh'aash. Áádóó ákǫ́ǫ́ jiní'áazhgo ałjiłnii asdzání léi' Réíhab wolyéii bighan góne' yah ajíí'áazhgo ákwii dzizkéé nít'éé'.

JOSHUA 2:24

Áádóó Jáshowa ábizhdííniid, T'áá aaníí Bóhólníihii éí kéyah t'áá át'é nihaidiní'ą́ą́ lá; jó, kéyahgi t'áá át'é kéédahojit'ínígíí nidi t'áá ádzíłtso nihik'ee hatah doo dahwiina' da.

JOSHUA 2:7

Áko diné akéé' ííjé'ígíí Jórdan tooh áłt'ą́'ą́jį' tsé'naa nideetiiníjį' akéé' niníjéé', áádóó éí diné t'óó ch'íníjé'égo t'áá áko dání'deetą́.

JOSHUA 5:15

Áádóó Bóhólníihii bisiláo dah deínéehii binanit'a'í éí Jáshowa áyidííniid, Nikee' hadiidlé, háálá sínízínígi hodiyingo haz'ą́. Áko Jáshowa t'áá ákódziidzaa.

JOSHUA 6:2

Bóhólníihii éí Jáshowa áyidííniid, Shoo, Jériko kin haal'áii áádóó aláahgo naat'áanii índa bisiláo dahayóii t'áá bił nílák'edíí'ą́.