JOSHUA 5:9 - Navajo Bible

⁹ Áko Bóhólníihii éí Jáshowa áyidííniid, Díí jį́ Ííjip kéyahgi bee i'déédzíi'go baa yáhóósįįdígíí nihits'ą́ąjį' yóó'ííłmááz. Díí jį́įjį' éí haz'ą́ągi yízhí bee wójíigo Gílgal hoolyé.

JOSHUA 5:9 ပူးပေါင်းရင်းမြစ်များ

GENESIS 34:14

áko ádahodííniid, Díí doo ádao'nééh át'ée da; doo bąąh náhineeshgizhígíí nihideezhí doo baa daoltééł át'ée da; éí diné baa daniiltį́įgo baa yáhásingo nihidi'níl'į́į dooleeł.

II SAMUEL 19:15

Áko aláahgo naat'áanii náádáałgo Jórdan toohjį' níyá. Nít'éé' Júdah dine'é éí Gílgal haz'ánígi jíkai; aláahgo naat'áanii bidááshdookah áádóó aláahgo naat'áanii éí Jórdan tooh ha'naa bił nizhdookah biniyé jíkai.

NEHEMIAH 12:29

Gílgal kin shijaa'dę́ę́' índa Gííba áádóó Azméíveth binaa kédaayahdę́ę́' ałdó' áłah daazlį́į́', háálá sin yee dahataałii Jerúsalem binaagi kin dah naazhjaa'góó ádá ádayiilaa.

PSALMS 119:39

Yee shá nidahałt'i'ii binásdzidígíí shá nahjį' kónílééh, háálá nibik'eh hoogáa łii yá'ádaat'ééh.

JEREMIAH 9:25

Shoo, bąąh nídanihineeshgizh lá nidi, biyi'di doo bąąh nídahineeshgizhii t'áá ałtso atídeeshłíłígíí beidoołkááł, ní Bóhólníihii.

EZEKIEL 23:3

éí Ííjip kéyahdi ałjiłnii nilį́į́ nít'éé'; t'áá ániid naa'aashdą́ą́' ałjiłnii nilį́į́ nít'éé'; áadi lą́ą diné habe' há nídeineeznii' ni; áadi lą́ą bízháán naagháii jílį́įgo diné habe' há nideizhch'id ni.

EZEKIEL 23:8

Ííjip kéyahdi hóyoołkááł yę́ędą́ą́' ajiłjiłgo baa hajííyáii éí t'áadoo nahjį' nizhdiní'ą́ą da, háálá ch'ikę́ę́h bízháán naagháii jílį́į́dą́ą́' diné éí habe' nideich'idgo áádóó yídin danilíinii yee haa naakaigo hoł nídabiilkááh nít'éé'.

HOSEA 4:15

Ízrel dine'é nohłíinii, azhą́ da'ołjił nidi, Júdah dine'é ádił da'oolziih lágo. Kin shijaa' Gílgal góyaa doo doohkah da índa Beth-éíven góde ałdó' dooda. Ts'ídá t'áá aaníí Bóhólníihii hiná; doo t'áá ádzaagóó ádee hadidoohdzih da.

LEVITICUS 24:14

Éí diné éédzíi'ii níbaal haal'á bits'áhwiiní'ą́ądi nidanohłóosgo t'áá ałtso dahodiizts'ą́ą'ii éí hatsii'káa'gi dah dadidoolnihgo t'áá dah oonééł nít'éé' hoł nidazdoołniił.

AMOS 5:5

Nidi Béthel kin shijaa'góó, doodaii' Gílgal kin shijaa'góó, doodaii' Bíyer-shííba kin shijaa'góoda t'áadoo nidaahkaí, háálá Gílgaldóó dine'é yisnááh biniyé abidi'niit'áah doo índa Béthel t'áadoo nídoodleełí da.

MICAH 6:5

Shidine'é nohłíinii, Mó'ab dine'é aláahgo binanit'a'í Béílak yinahazgizii áádóó Bíyor biye' Béílam hach'į' t'ą́ą́' yee hanáádzíi'ii índa Shíttim haz'ánídóó Gílgal kin haal'áajį' áhoodzaii béédaałniih, áko Bóhólníihii bit'áá ákogi át'éii nihił béédahodoozįįł.

ZEPHANIAH 2:8

Mó'ab dine'é ándahałt'i' áádóó Áman dine'é da'ódziih; shidine'é yá nidahałt'i'go t'áá bí ayóó át'éego ádaa daha'niihgo dahakéyah yik'ijį' ádá nidahalchįįhgo diséts'ą́ą́'.

JOSHUA 24:14

Éí bąą k'ad Bóhólníihii dadíínóhsin, áádóó ts'ídá t'áádóo nídí índa t'áá aaníígóó ádaaht'į́įgo bá nidaał'a', áko tooh nílínígíí wónaanídi áádóó Ííjip kéyahdi diyin dabidi'níinii éí danihizhé'é yę́ę deidísin nít'é'ígíí nahjį' kódaahłééh, áádóó Bóhólníihii t'éí bá nidaał'a'.

JOSHUA 4:19

Átsé nídízídígíí binih, neeznáá jį́į́ góne' Jórdan tooh ha'naa ninínáago Jériko bihoodzo ha'a'aahjígo Gílgal hoolyéegi niníná.

JOSHUA 5:8

Ałtso diné t'áá át'é bąąh nídahineeshgizhgo, éí nídadzoodzíi'jį' dahaghangi t'óó nidadzíiztą́ą́ nít'éé'.

I SAMUEL 14:6

Jánathan éí dinééh habee na'abaahí há neijaahígíí ábizhdííniid, Hágo, doo bąąh nídahineeshgizhii dah yinéłígíí baa nihidiit'ash. Bóhólníihii nihá nidoolnishgo da'át'é, háálá Bóhólníihii t'áadoo binółtł'ahígóó lą'ígo, doodaii' t'áá díkwíhí nidi choyooł'į́į doo biniyé yisdáyiinííł.

I SAMUEL 17:26

Áko David éí diné hwíighahgóó naazínígíí ábizhdííniid, Díí Filístiya dine'é dziisxį́įgo Ízrel dine'é bee nabé'ét'įįhii nahjį' kójiilaaígíí ha'át'íí bee bik'ihojidlíi doo? Filístiya diné doo bąąh náhineeshgizhii jílíinii ha'át'íísh jílį́įgo Diyin God hináanii bisiláo nabé'ésh'įįhgo bohónéedzą́ jinízin?

I SAMUEL 17:36

Ná naal'a'í éí náshdóítsoh bitsiijį' ditł'oii yiyiisxį́ áádóó shash ałdó' yiyiisxį́, áko díí Filístiya dine'é doo bąąh náhineeshgizhii ałdó' ákwíidoolííł, háálá Diyin God hináanii bisiláo yódziih.

I SAMUEL 7:16

Áádóó t'áá nináháhááh bik'eh Béthel haz'ánígi áádóó Gílgal kin shijaa'gi índa Mízpeh kin shijaa'gi Sámuel tázhdígháahgo éí Ízrel dine'é bá nihozhdiyii'aah nít'éé'.