JOSHUA 5:6 - Navajo Bible

⁶ Háálá Ízrel dine'é éí honoojíidi naaldeehgo dízdiin nááhai; éí diné anada'ał'íinii t'áá ałtso Ííjip kéyahdę́ę́' ch' ídahaaznánígíí t'áá ałtso ádadzisdįįdjį' tádííná, háálá Bóhólníihii bizaad doo bik'eh dahojíł'į́į da nít'éé'. Bóhólníihii éí kéyah doo deizdoołtsééłgóó yich'į' yee ádee hadoodzíí'; t'áá éí kéyahígíí dahazhé'é yę́ę yich'į' yee ádee hadoodzíi'go nihaididoo'áłígíí bikáá' abe' índa tsés'ná bitł'izh bee áda'azįįd.

JOSHUA 5:6 ပူးပေါင်းရင်းမြစ်များ

PSALMS 107:4

Ła' kin haal'áagi kéédahat'į́į dooleełgi ch'ééh hadeintáago honoojíidi doo naagháhídi tádadookai.

EXODUS 3:17

Áko haasdzíi'go bee nihoní'áanii; éí Ííjip kéyahdi ti'hoo'nííh bits'ą́ą́dóó ch'ínihideesh'ishgo Kéínan dine'é áádóó Het dine'é áádóó Ámor dine'é áádóó Píírez dine'é áádóó Háíva dine'é índa Jííbas dine'é bikédaayahjį', kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́ąjį' ánihideesh'ish.

EXODUS 3:8

Éí bąą Ííjip dine'é bílák'ee hááhodeesh'nił biniyé hadahóóle' áádóó kéyahdóó yá'áhoot'éehjį' áádóó hótsaa haz'ą́ąjį' ch'íhodeesh'ish; éí kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́ąjį', Kéínan dine'é áádóó Het dine'é áádóó Ámor dine'é áádóó Píírez dine'é áádóó Háíva dine'é índa Jííbas dine'é dabikédaayahjį' yah ahodeesh'ish.

JEREMIAH 2:2

Nílááh, Jerúsalem kin haal'áagi kéédahat'íinii bijaayi'jį' dah díníit'aahgo kódíníigo bich'į' handziih, Bóhólníihii kóní, Ániid nanináádą́ą́' na'ahódlíí nít' éé' yę́ę áádóó bá'doogehiigi át'éego ayóó'áshííní'nínígíí índa honoojíidi t'áadoo k'idoolyáagi shikéé' tádííníyáhígíí éí bénáshniih.

EZEKIEL 20:15

Áádóó kéyah agháadi ayóó áhonoolninii bikáa'gi abe' índa tsés'ná bitł'izh bee áda'azįįdii, Éí kéyahígíí doo biih danihideesh'ish da, hodishníigo honoojíidi bee hach'į' ádee hadeesdzíí',

EZEKIEL 20:6

Ííjip kéyahdóó ch'íhodeesh'ishgo kéyah agháadi ayóó áhonoolnindi bikáa'gi abe' índa tsés'ná bitł'izh bee áda'azįįdii há hanítą́ą'go há shóisíłt'e'ii éí biih hodeesh'ish, hodííniidgo hach'į' ádee hadeesdzíí'.

JOEL 3:18

Áko éí bijį́ dził naaznilígóó wáin ániidíii nídahodoodleeł, índa dah daask'idę́ę́' abe' danílį́į doo, áko Judíya kéyahdóó dabikoohgóó tooh danílį́į doo áádóó Bóhólníihii bikin bii' sohodizindóó tó hadaazlį́į doo índa Shíttim yíldzis góyaa adaazlį́į doo.

NUMBERS 14:23

Dabizhé'é yę́ę kéyah baa dideesh'áałgo bee bich'į' ádee hadeesdzí'ígíí ts'ídá doo deizdoołtséeł da índa éí shá nídahojiłchįįh yę́ę doo ła' kéyahgi hwiizdoołtséeł da,

NUMBERS 26:63

Díí daho'déélta'ígíí éí Mó'ab kéyah dzígai Jórdan tooh nílíní bíighahgi Jériko binaashiijí Ízrel dine'é dajílíinii Mózes áádóó náá'iiłniihii Eliyéízar hóółta'.

DEUTERONOMY 1:3

Nít'éé' dízdiin náhááh góne' áádóó ła'ts'áadah nídízííd binih índa ła'a jį́į́ góne' Mózes éí Bóhólníihii t'áá bí bibik'eh ó'oo'níiłii haidiní'ánígíí bik'ehgo Ízrel dine'é t'áá ałtso bich'į' bee hadziisdzíí'.

DEUTERONOMY 2:14

Kéídesh-barníya hoolyéédóó dah dii'náago Zííred yíldzis góyaa tó nílínígóó t'áá yii'néełgo tádiindóó ba'aan tseebíí nááhai. Oonéłígíí bitahgi diné nidaabaahii ałtso daneeznáajį' díigi át'éego naasdee'; Bóhólníihii ábidííniidígi ádahoodzaa.

DEUTERONOMY 2:7

Háálá Bóhólníihii nihiDiyin God éí baa nidasoohkaígíí t'áá át'é yik'ijisdli', áádóó díí ayóó át'é honoojí biyi' wohnéełgo bił bééhózin; nihił hólǫ́ǫgo dízdiin nááhai; t'áadoo bídin danohłínígóó hoolzhiizh.

DEUTERONOMY 8:4

Nihi'éé' t'áadoo nídadíít'óódgóó, índa nihikee' t'áadoo daniichaadgóó dízdiin nááhai.

HEBREWS 3:11

Áko t'óó báhádzidgo até'ésh'íinii binahjį' ádee hadeesdzíi'go ádííniid, Háá'áyį́į́h bee hooł'a'ígíí ts'ídá doo biih dazhdookah da.

JOSHUA 1:6

Nidziilgo í'díí'nílzin áádóó chánah í'díí'nílzin, áko díí diné éí kéyah íí' dooleełii bá aháhidíízoh; éí dabizhé'é yę́ę bich'į' bee ádee hadeesdzíi'go baa diní'ą́ą ni'.

JOSHUA 24:7

Áádóó Ízrel dine'é éí Bóhólníihii yich'į' hadadeeshghaazhgo, nihí áádóó Ííjip dine'é nihita'gi chahałheełgo áyiilaa, áko Ííjip dine'é tónteel bik'i diilkǫ' índa Ííjip kéyahgi atí'iishłaa yę́ę t'áá nihí danóoł'į́į́', áko honoojíidi kéédahoht'į́įgo nízaadgóó nihoolzhiizh.

JOSHUA 5:5

Diné t'áá ałtso Ííjipdę́ę́' ch'ídahaaznánígíí éí bąąh nídahineeshgizh, nidi diné t'áá ałtso Ííjip kéyahdę́ę́' ch'ídahaaznáádóó bik'ijį' honoojíigi oonéełgo nidabi'diizhchínígíí éí t'ah doo bąąh nídahinilgish da nít'éé'.

JOSHUA 5:7

Áko hada'áłchíní dahatsásk'ehgi Bóhólníihii hainínilígíí éí Jáshowa t'áá bí yąąh nídeineeshgizh, háálá oonééłdę́ę́' t'ah doo bąąh nídahinilgish da nít'éé'.