JOSHUA 5:5 - Navajo Bible

⁵ Diné t'áá ałtso Ííjipdę́ę́' ch'ídahaaznánígíí éí bąąh nídahineeshgizh, nidi diné t'áá ałtso Ííjip kéyahdę́ę́' ch'ídahaaznáádóó bik'ijį' honoojíigi oonéełgo nidabi'diizhchínígíí éí t'ah doo bąąh nídahinilgish da nít'éé'.

JOSHUA 5:5 ပူးပေါင်းရင်းမြစ်များ

MATTHEW 12:7

Nidi, Aa a'ááh hasin t'éí nisin, nááhániihii éí dooda, díí ááhyiłníinii nihił béédahózin nít'ée'go, t'áadoo ádąąh dah dahool'a'ii doo bá nidahosoo'ą́ą da doo nít'éé'.

ROMANS 2:26

Éí bąą doo Jew dine'é jílíinii éí bee haz'áanii t'áá ákogi át'éego áníinii bik'ehgo ájít'éego, doo hąąh náhineeshgizh da nidi, t'áá bąąh náhineeshgizhii jílį́ nahalingo Diyin God haa nitsíkees.

I CORINTHIANS 7:19

Ąąh náhinilgish éí t'áadoo nilíní da, índa doo ąąh náhinilgish ałdó' t'áadoo nilíní da, nidi Diyin God yee has'áanii bik'eh hól'į́ t'éiyá ílį́.

GALATIANS 5:6

Háálá Christ Jesus bił łá'í niidlį́įgo éí nihąąh náhinilgish, doodaii' doo nihąąh náhinilgish éí t'áadoo biniyéhí da, nidi Christ deiniidlánígíí nihe'ayóó'ó'ó'ni' bee bééhózinii éí ílį́.

GALATIANS 6:15

Ąąh náhinilgish t'áadoo nilíní da índa doo ąąh náhinilgish ałdó' t'áadoo nilíní da, nidi Christ bee diné ániidí ánályaii t'éí ts'ídá ílį́.

JOSHUA 5:4

Díí bąą Jáshowa ąąh nídahizhneeshgizh: éí diné danilínígíí t'áá ałtso Ííjip kéyahdę́ę́' ch'íná'nánígíí diné anaa' da'ał'íinii t'áá ałtso honoojíigi oonéełgo daneeznánígíí éí Ííjip kéyahdę́ę́' ch'íná'náádóó bik'ijį' bikéé' ádahasdįįd.

JOSHUA 5:6

Háálá Ízrel dine'é éí honoojíidi naaldeehgo dízdiin nááhai; éí diné anada'ał'íinii t'áá ałtso Ííjip kéyahdę́ę́' ch' ídahaaznánígíí t'áá ałtso ádadzisdįįdjį' tádííná, háálá Bóhólníihii bizaad doo bik'eh dahojíł'į́į da nít'éé'. Bóhólníihii éí kéyah doo deizdoołtsééłgóó yich'į' yee ádee hadoodzíí'; t'áá éí kéyahígíí dahazhé'é yę́ę yich'į' yee ádee hadoodzíi'go nihaididoo'áłígíí bikáá' abe' índa tsés'ná bitł'izh bee áda'azįįd.