JOSHUA 5:2 - Navajo Bible

² Ákwii nahalzhiish yę́ędą́ą́' Bóhólníihii éí Jáshowa áyidííniid, Tsé deeníinii ádadííliiłgo naakidi aleeh góne' Ízrel dine'é bąąh nídahidínííłgish.

JOSHUA 5:2 ပူးပေါင်းရင်းမြစ်များ

EXODUS 4:25

Ákohgo Zipórah éí tsé deeníinii nízhdii'ą́ągo hayáázh yee alizhígíí bikágí bílátah ahéézhníłgizhgo Mózes bikétsį́įjį' ajiyííłhan, áko ázhdííniid, Ni éí shá ahastiin diłii nílį́.

ROMANS 2:29

Nidi t'áá aaníí Jew dine'é jílíinii éí t'áá aaníígóó ąąh náhinilgish bee hajéí tł'áahdi Níłch'i Diyinii nahwiiłnáanii, éí doo bee haz'áanii bik'ehgo da. Áko éí bee haa ha'niihii doo diné bits'ą́ą́dę́ę́' át'ée da, nidi Diyin God bits'ą́ą́dę́ę́' át'é.

ROMANS 4:11

Éíbraham t'ah doo hąąh náhinilgish yę́ędą́ą́' ajoosdląądgo aijólíhígíí binahjį' t'áá ákogi ájít'éego Diyin God hwééhósin, áádóó índa ajoosdląądgo aijólíhígíí binahjį' t'áá ákogi ájít'éego Diyin God há haadzí'ígíí bee hwééhózin dooleeł biniyé hąąh náhineeshgizh. Áko doo bąąh nídahineeshgizhii nidi, da'oosdląądgo ada'ólíigo t'áá Éíbraham át'éhę́ęgi át'éego t'áá ákogi ádajít'éego hwéédahózinii t'áá ádzíłtso Éíbraham hazhé'é nilį́.

DEUTERONOMY 10:16

Éí bąą ąąh náhinilgishiigi át'éego nihijéí diyingo ádaolne' áádóó ák'eha'į́ bee nabída'didzilii t'áadoo danohłíní.

DEUTERONOMY 30:6

Bóhólníihii nihiDiyin God éí ąąh náhinilgishiigi át'éego danihijéí índa niha'áłchíní náás ahoolchíiłii dabijéí diyingo íidoolííł, áko Bóhólníihii nihiDiyin God ayóó'ádeínóh'níigo nihijéí t'áá át'é bee índa nihii' sizíinii t'áá át'é bee ákónóht'éego dahinoh'náa doo.

COLOSSIANS 2:11

Hoł łá'í nohłį́įgo nihąąh nídahineeshgizhígíí éí doo yílá bee nihąąh nídahineeshgizhii át'ée da, nidi ts'ísee k'ehgo bąąhági ádanoht'éhígíí nahjį' kóyiilaago Christ bee nihąąh nídahineeshgizhii át'é.

JOSHUA 5:3

Ákohgo Jáshowa éí tsé deeníinii ádajiilaa, áko ąąh hadaalgizh dah yisk'id hoolyéegi ákwe'é Ízrel dine'é bąąh nídahizhneeshgizh.