JOSHUA 5:13 - Navajo Bible

¹³ Ákódaadzaadóó Jáshowa éí Jériko kin haal'áii bíighahgi nijigháago, hajííghalgo jidéé'į́į́' nít'éé'; jó, diné léi' sizį́įgo bidiltłish hayíítą́ągo dah yootį́įłgo jiiłtsą́, áko Jáshowa éí bich'į' nizhníyáago ábizhdííniid, Da' nihich'ijíísh nílį́, doodaii' nihi'ana'í daats'í bich'ijí nílį́?

JOSHUA 5:13 ပူးပေါင်းရင်းမြစ်များ

GENESIS 18:1

Áko Bóhólníihii hach'į' yit'íní í'diilyaa; Mámre bichéch'il naazkaadgi honíbaal bich'é'étiingi dzizdáago hwee honiigai.

GENESIS 18:2

Áádóó hajííghal, nít'éé' jó'akon, diné táa'go hanaashii naazį́įgo dziiłtsą́, áko honíbaal bich'é'étiindóó nízhdii'na'go bidááh jílwodgo ni'jį' yaa ádziidzaago

GENESIS 28:16

Áko Jéíkab ch'éédzídzidgo ázhdííniid, T'áá aaníí Bóhólníihii kwe'é hólǫ́ǫgo doo shił bééhózin da lá.

GENESIS 33:1

Áádóó Jéíkab hajííghalgo jidéé'į́į́'; nít'éé' Íísa aadę́ę́' diné dį́įdi neeznádiin yił yinééł. Áko áłchíní ałts'ájíínilgo Líyah áádóó Réíchel ła' baazhnínil, índa asdzání naaki á naal'a'í ałdó' ła' baazhnínil.

GENESIS 33:5

Áádóó Íísa hajííghal, nít'éé' asdzání índa áłchíní yiyiiłtsą́ągo ání, Eiishą' bił yíkahígíí háí ádaat'į́? Áko ájíní, Ná naal'a'í ba'áłchíní éí Diyin God jooba'ii beinínilígíí ádaat'į́.

I CHRONICLES 12:22

Íídą́ą́' t'áá ákwíí jį́ David yíká áńdaajah biniyé yaa dahakááh; wónáásóó Diyin God yee bóhólníihgo dah deínéhígi át'éego t'óó ahayóí silį́į́'.

I CHRONICLES 21:27

Áádóó Bóhólníihii éí diyingo naal'a'í bidiltłish iih néidootį́įł go yee haadzíí'.

I CHRONICLES 21:30

Nidi David éí Bóhólníihii nabízhdíłkid doo biniyé bikáá' náá'iiniihí bit'áahjį' doo jidigháah da, háálá diyingo naal'a'í bidiltłish yinásdzííd.

EXODUS 23:23

Jó, shidiyingo naal'a'í nihilą́ąjį' yigáałgo Ámor dine'é áádóó Hét dine'é áádóó Píírez dine'é áádóó Kéínan dine'é áádóó Háíva dine'é índa Jííbas dine'é yich'į' nihidoo'ish, áko éí ádahodeeshdįįł.

DANIEL 10:5

Áko háíghal, nít'éé' shoo, diné léi' éí áłts'óózígo yisdizígíí bee na'at'ą́hí łigaii dits'idgo ályaii éé' yee hadít'éego Yúfazdę́ę́' óola sis yee ákászaazgo sizį́.

DANIEL 8:3

Ákohgo háighal nít'éé', shoo, tooh nílínígíí bibąąhgóó deenásts'aa' léi' sizį́įgo yiiłtsą́. Bidee' naakigo t'áá ałch'ijí nineezgo yaa'á; t'ááłá'í éí atisgo yaa'á, nidi éí akée'di haníísą́.

ZECHARIAH 1:8

Tł'ée'go shił áhoodzaago diné léi' łį́į́' łichíí' léi' bił yildloshgo yiiłtsą́, jó'akon. Bokooh góyaa mértal naazkaadígíí bitahgi łį́į́' bił sizį́. Bikéédę́ę́' łį́į́' daalchíí' áádóó daastł'inii índa daalgaii naazį́.

NUMBERS 22:23

Áko télii éí Bóhólníihii bidiyingo naal'a'í diltłish dah yootį́įłgo atiingi sizį́įgo yiyiiłtsą́, áko télii éí atiin k'ee'ąą haaldloozhgo t'áá áhoodzaajigo hoł niheeldloozh, nít'éé' Béílam éí atiinjį' télii bił anídooldloosh biniyé télii yijaat'ah adziisxaal.

NUMBERS 22:31

Nít'éé' Bóhólníihii éí Béílam bináá' yee iidoołtséełgo áyiilaa índa Bóhólníihii bidiyingo naal'a'í diltłish dah yootį́įłgo atiingi dáádinízį́įgo jiiłtsą́, áko ni'jį' tsé'yaa jineeshjool.

ACTS 1:10

De hooleełgo yá biyi' góde hazhó'ó dazdéez'į́į́' nít'éé', jó'akon, diné naaki algaigo hadít'éego hwíighahgi yiizį',

JOSHUA 6:2

Bóhólníihii éí Jáshowa áyidííniid, Shoo, Jériko kin haal'áii áádóó aláahgo naat'áanii índa bisiláo dahayóii t'áá bił nílák'edíí'ą́.

REVELATION 1:13

áádóó bee hool'iní bá yadaa'áhígíí bitahgi ła' Diné Dzizlį́į'ii nahojílingo hoołtsą́, t'áá hazhdiil'ée'go óola sis hajéíts'iin gónaa binázt'i'.

JUDGES 13:11

Áko Manówah nídii'na'go t'áá áko be'asdzą́ą́ yikéé' dah diiyáago diné yaa níyáago áyidííniid, Da' niísh díí asdzání bich'į' yáníłti' nít'éé'. Áko ání, Éí lá shí ásht'į́ ni.

JUDGES 13:22

Áko Manówah hwe'asdzą́ą́ ábizhdííniid, T'áá aaníí díníi'nééł lá; jó, Diyin God níil'į́į́'.