JOSHUA 5:10 - Navajo Bible

¹⁰ Ízrel dine'é éí Gílgalgi ninínáago éí átsé nídízídígíí binih, dį́į́'ts'áadahgóó yoołkáałgo i'íí'ą́ągo Jériko honíteelgi atis'adeesdzá bee bééhániihii bee nidahojisá.

JOSHUA 5:10 ပူးပေါင်းရင်းမြစ်များ

II SAMUEL 15:28

Shoo, honoojíidi dah nídzílgaígi ádeeshníłígíí bee shił hodíílnihígíí biba' ánísht'ée doo.

EXODUS 12:11

Kót'éego dadoohsį́į́ł: t'áá áká dasoołzaazgo, t'áá kééh nisoo'eezgo áádóó danihigish nihílák'ee naaztą́ągo dadoohsį́į́ł áádóó tsį́įłgo da'doohsį́į́ł; éí Bóhólníihii bi'atis'adeesdzá át'é.

EXODUS 12:18

Átsé nídízídígíí dį́į́'ts'áadahgóó yoołkáałgo i'íí'ą́ągo díík'ǫsh t'áágééd bááh ályaii nídaodį́įh doo; éí naadiin ła'góó yoołkáałjį' i'íí'ą́ąjį' ákót'ée doo.

EXODUS 12:6

T'áá éí yiziłígíí dį́į́'ts'áadah ayííłką́ąjį' baa ádahołyą́ą doo. Áko Ízrel dine'é t'áá ałtso i'íí'ą́ągo dibé yázhí nideidoołtsił.

JEREMIAH 39:5

Nidi Kaldíya dine'é bisiláo dabidínéeshchą́ą'go Jériko binaagi dzígaidi Zedekáíyah yił dadeezdéél, áko dahoołtsoodgo Héímath kéyahdi Ríblah kin haal'áagi Bábilan dine'é aláahgo binanit'a'í Nébukadnézzar yaa dahazlóozgo ákwii há nihoní'ą́.

EZEKIEL 12:3

Éí bąą diné nílíinii, yisnááh biyéél hasht'enilééh, áko jį́įgo yisnááh nílį́į dooleełgóó binááł díínááł; t'áá dabinááł jį́įgo dah didíínéełgo náánáłahdi nidíínééł; azhą́ nidaalteeh nidi, ákwíindzaago t'áá daats'í yaa nitsídadookos.

LEVITICUS 23:5

Átsé nídízííd binih dį́į́ts'áadahgóó yoołkáałgo i'íí'ą́ągo Bóhólníihii bi'atis'adeesdzáii bee bééhániihii hahalzhíísh.

MICAH 6:5

Shidine'é nohłíinii, Mó'ab dine'é aláahgo binanit'a'í Béílak yinahazgizii áádóó Bíyor biye' Béílam hach'į' t'ą́ą́' yee hanáádzíi'ii índa Shíttim haz'ánídóó Gílgal kin haal'áajį' áhoodzaii béédaałniih, áko Bóhólníihii bit'áá ákogi át'éii nihił béédahodoozįįł.

JOSHUA 4:19

Átsé nídízídígíí binih, neeznáá jį́į́ góne' Jórdan tooh ha'naa ninínáago Jériko bihoodzo ha'a'aahjígo Gílgal hoolyéegi niníná.

JOSHUA 5:11

Áádóó atis'adeesdzá baa na'asdee'dóó biiskání kéyahgi nínádant'į́hígíí ła' dayííyą́ą́'; t'áá éí bijį́ díík'ǫsh t'áágééd bááh ályaii índa tł'oh naadą́ą́' sit'éhígíí dayííyą́ą́'.

JOSHUA 9:6

Áko Gílgaldi dah oonéłígóó yíkaigo Jáshowa áádóó Ízrel dine'é ádeidííniid, Kéyah doo deeghánídę́ę́' niikai, áko k'ad bee aha'deet'áanii bee nihił ahadadi'diit'ááł.

I SAMUEL 7:16

Áádóó t'áá nináháhááh bik'eh Béthel haz'ánígi áádóó Gílgal kin shijaa'gi índa Mízpeh kin shijaa'gi Sámuel tázhdígháahgo éí Ízrel dine'é bá nihozhdiyii'aah nít'éé'.