JOSHUA 5:1 - Navajo Bible

¹ Ákódzaago Ámor dine'é aláahgo bindanit'a'í t'áá ałtso Jórdan tooh biláahdi e'e'aahjigo kéédahat'ínígíí índa Kéínan dine'é aláahgo bindanit'a'í t'áá ałtso tónteel bíighahgóó kéédahat'ínígíí Bóhólníihii éí Jórdan tooh ha'naa niiníłtseiigo Ízrel dine'é binááł tsé'naa ałtso ninii'nánígíí yaa dahodiizts'ą́ą'go éí yik'ee bijéí nitsidaastłah índa doo bił chodahóó'įįd da, háálá Ízrel dine'é biniinaa ákódadziidzaa.

JOSHUA 5:1 ပူးပေါင်းရင်းမြစ်များ

GENESIS 12:6

Éíbram éí kéyah bii'góó Shííkem hoolyéego chéch'il sikaadgo Móreh hoolyéegi nizh'níná. Íídą́ą́' éí kéyahgi Kéínan dine'é kéédahat'į́.

GENESIS 48:22

Índída kéyah ła' nik'isóó biláahdi t'ááłá'í bee aláahgo naa diní'ą́; éidí shidiltłish bee índa she'ałtį́į́' bee Ámor dine'é bighadinisht'ą́.

II SAMUEL 21:2

Áádóó aláahgo naat'áanii éí Gíbiyan dine'é hágo yidííniidgo ííłní; (áko Gíbiyan dine'é éí doo Ízrel dine'é danilį́į da, nidi Ámor dine'é t'áá ayáhígo yidziihígíí danilį́. Azhą́ Ízrel dine'é éí Gíbiyan dine'é bich'į' ádee hadazdeesdzíí' nidi Saul éí Ízrel áádóó Júdah dine'é yá yínéésdlįįdgo Gíbiyan dine'é ałtso nideestsił niizį́į́':)

I KINGS 10:5

áádóó bikáá' adání bikáá'dóó ch'iyáán, índa yił nidaha'áago bá nidaal'a'í dah nídinibįįhígíí, áhą́dígo bá nidaal'a'ígíí, áádóó dabi'éé', índa bibee adlání yaa ádahalyáanii áádóó Bóhólníihii bikin bii' sohodizin bich'į' háá'ádáhígíí dziiłtsą́ągo t'óó bik'ee hoł ahayóigo t'áadoo ájóne'í da.

EZRA 9:1

K'ad díí ákódaadzaadóó bik'ijį' naat'áanii danilíinii shaa daaskaigo ádaaní, Ízrel dine'é áádóó nááda'iiłniihii índa Líívai dine'é danilíinii éí Kéínan dine'é, Het dine'é, Píírez dine'é, Jííbas dine'é, Áman dine'é, Mó'ab dine'é, Ííjip dine'é índa Ámor dine'é, díí kédaayahgi kéédahat'íinii ts'ídá nádį́'ídi t'óó baa'ihígi át'éego naaldeehii doo bits'ádahóni' da.

PSALMS 135:11

Sáíhan éí Ámor dine'é binanit'a'í nilį́į́ nít'éé' yę́ę, áádóó Ag éí Béíshan dine'é binanit'a'í nilį́į́ nít'éé' yę́ę, índa Kéínan kéyahgi bee ídahólnííh nít'éé' yę́ę t'áá ałtso t'áá yił áhásdįįd ni'.

EXODUS 23:28

Áko tsésnáłtsoí nihilą́ąjį' bi'deeshnih; éí Háíva dine'é áádóó Kéínan dine'é índa Hét dine'é nihilą́ąjį' hadeidínóołkał.

ISAIAH 41:5

Tónteel bibąąhgóó kéyahgi kéédahat'ínígíí da'iiłtsą́, áádóó bił yéé' dahazlį́į́'; nahasdzáán nidahonees'ą́ą́dę́ę́' nídaasdzíidgo áháníjį' niikai.

EZEKIEL 16:3

áko ábidiní, Jerúsalemgi kéédahoht'ínígíí, Bóhólníihii Diyin God kónihiłní, Kéínan dine'é bikéyahgi nidanihi'diizhchį́įgo áádóó haodéél; nihizhé'é éí Ámor dine'é nilį́į́ nít'éé'; nihimá éí Het dine'é nilį́į́ nít'éé'.

EZEKIEL 21:7

Ha'át'íísh biniyé ádił hahídzooł? daniłníigo ábididííniił, Jó, hane' doo yá'át'éehii nihich'į' ályaa: ajéí t'áá ałtso doo dahiidoonaał da, ála' t'áá ałtso bitah doo dahináa da doo; t'ááłá'í jinítínígo hąąh nidahodookał índa t'áá ádzíłtso hagodta' gónaa t'óó nidanil'eeł doo; shoo, baa hodoogáałgo bohodoolnííł, ní Bóhólníihii Diyin God.

DANIEL 5:6

Áko aláahgo naat'áanii éí yik'ee tsídinoolyizgo łahgo ánoosníí' áádóó bik'ee bił yée'go tsídeezkééz; bitah hoditłidgo bigod ahídínídahgo bitah doo hwiina' da.

AMOS 2:9

Shí t'éí dahanááł Ámor dine'é ádeeshdįįł; éí gad alááh áníłnéezii nahalin índa chéch'il nahalingo bidziil, nidi bineest'ą' wódahdę́ę́' yaa nihideeshtih áádóó behétł'óól wóyahdę́ę́' hadeests'ǫł.

NUMBERS 13:29

Ámalek dine'é éí kéyah shádi'ááhjígo kéédahat'į́; Het dine'é, Jííbas dine'é áádóó Ámor dine'é éí dziłghą́ą́'góó kéédahat'į́ índa Kéínan dine'é éí tónteel bibąąhgi áádóó Jórdan tooh nílíní bibąąh góyaa kéédahat'į́.

JOSHUA 17:12

Ákondi Manáseh dine'é éí kin hadaas'áagi kéédahat'ínígíí haa ch'ídahidoojahígíí doo bídazhneel'ą́ą da, nidi éí kéyah biyi' Kéínan dine'é t'áá kéédahat'į́į́ nít'éé'.

JOSHUA 17:18

nidi díí dziłgo nahaz'ánígíí nihíí' dadooleeł; jó, tsin yíl'á, áádóó dah hidoohtsxiłgo bee hasht'edadidoohnííł, áádóó biláahdi hoodzooígíí bíighahgo ts'ídá t'áá át'é nihíí' dooleeł, háálá Kéínan dine'é nihaa ch'ídahidoojah; azhą́ tsindaabąąs bijáád naakiígíí béésh bee ádaalyaii bee dahólǫ́ǫ nidi áádóó dabidziil nidi ákódadoohłííł.

JOSHUA 24:15

Ákondi Bóhólníihii bá nidaał'a' dooígíí nihił t'óó badaa'ihgo, díí jį́ háidíígíí bá nidaał'a' dooleełígíí nidadinoh'aah; tooh nílínígíí wónaanídi diyin dabidi'níinii danihizhé'é yę́ę deidísin nít'é'ígíí daats'í, doodaii' Ámor dine'é bikéyah bii' kéédahoht'ínígíí bidiyin dabidi'níinii daats'í, nidi shí éí índa shighandóó danilíinii bił Bóhólníihii bá nideiil'a' dooleeł.

JOSHUA 3:16

áko íídą́ą́' tooh wódahdę́ę́' nílínígíí Záretan t'áá áyídígi Ádam kin haal'áhídóó nízaadi i'nool'ąądgo áhodiilzee'go doo nílį́į da índa nihidii'á silį́į́'; dzígaigi tónteel siyínígíí, éí Tónteel Dók'ǫ́ǫzhii hoolyéii, bich'į'go tó nílínígíí íígo', índída Ízrel dine'é éí Jériko bich'ijigo tsé'naa niníná.

JOSHUA 3:17

Áádóó nááda'iiłniihii éí Bóhólníihii bitsits'aa' dílzinii éí bee aha'deet'áanii bii' sinilii deí'aahgo ni' hóółtseigi Jórdan tooh ałníi'gi naazį́į́ nít'éé'; Ízrel dine'é t'áá ałtso ni' hóółtseigóó tsé'naa yikahgo diné ałtso Jórdan tooh ha'naa niikai.

REVELATION 18:10

Éí bee atího'diilyaaígíí yéédaaldzidgo ayóó ánízáádę́ę́' naazį́įgo kódaaní, Héi'! Héi'! Bábilan ayóó át'éego kin haal'á nílíinii! T'ááłáhídi ahéé'ílkidjį' atíńdiilyaa!

JUDGES 1:1

Jáshowa daaztsą́ą́dóó bik'ijį' Ízrel dine'é éí Bóhólníihii nideídééłkidgo ádaaní, Háishą' nihá alą́ąjį' Kéínan dine'é yich'į' anaa' ádahodoolíiłgo yił da'ahidoogą́ą́ł?

JUDGES 11:23

Áko Ízrel dine'é biBóhólníihii Diyin God éí bidine'é Ízrel wolyéii binááł Ámor dine'é bikéyahdóó Ámor dine'é nahjį' hainííłkaadgo, ákoósh éí kéyah danihíí' dooleeł?

JUDGES 3:3

Díí lą́ą: Filístiya dine'é éí binanit'a'í ashdlalt'éego yił bikin hadaas'á áádóó Kéínan dine'é t'áá ałtso kéyahgi kéédahat'į́į́ nít'éé' áádóó Sáídan dine'é índa Háíva dine'é Dził Lébanangóó éí Dził Béíyal-hérman si'ánídóó Héímath kin haal'áii yah ahóót'i'jį' kéédahat'į́į́ nít'éé'.

JUDGES 4:2

Bóhólníihii éí Kéínan kéyahdóó aláahgo naat'áanii Jéíbin wolyéii yílák'ee hodíí'ą́; éí Héízor kin haal'áadi nant'á; Sísera éí Heirósheth-hagóyiim kin shijaa'di kééhajit'íinii éí hasiláo yinanit'a'í nilį́.

I SAMUEL 25:37

Ákódaadzaadóó biiskání hoos'įįdgo Néíbal hasht'e'ninádzáago, hwe'asdzą́ą́ díí t'áá ałtso yee hoł hoolne'go bik'ee hajéí niiltłah áádóó tségi ájít'é dzizlį́į́'.