JOSHUA 4:9 - Navajo Bible

⁹ Áádóó Jáshowa éí tsé naakits'áadahgo Jórdan tooh nílį́į́ nít'éé' yę́ę ałníi'gi ałk'i dziztł'in; nááda'iiłniihii éí tsits'aa' dílzinii éí bee aha'deet'áanii bii' sinilii deí'aahígíí naazínígi niinínil, áko éí díí jį́į́góó t'ahdii t'áá ákwii sinil.

JOSHUA 4:9 ပူးပေါင်းရင်းမြစ်များ

GENESIS 26:33

Áko ákwe'é Shííba yee hóozhi'; éí bąą kin haal'áhígíí díí jį́į́góó Bíyer-shííba hoolyé.

GENESIS 28:18

Áko Jéíkab t'ah abíínígo nízhdii'na'go tsé hatsii'áál ájiilaii nízhdii'ą́ągo ajíítsih, índa bílátahgi ak'ah yadziiziid.

II SAMUEL 4:3

áádóó Biyérathdóó dine'é éí Gíteiyimgóó adahineezhchą́ą́', áko áadi díí jį́į́góó t'óó átsééd kéédahat'į́.)

I KINGS 18:31

Áko Jéíkab éí Bóhólníihii bich'į' haadzíi'go Ízrel yinílyée doo, biłnínígíí éí biye'ké bits'ą́ą́dóó dine'é hazlį́'ígíí bik'ehgo Iiláíjah éí tsé naakits'áadahgo néidiinil,

II CHRONICLES 5:9

Áádóó tsits'aa' dílzinii tsin níyizii bee na'at'áhígíí éí ch'íní'áago biniinaa wóniidi ts'ídá aláahgo diyingo haz'ánígíí bidááhjígo hodiyingo haz'ánídóó yit'į́, nidi tł'óó'dę́ę'go éí doo yit'į́į da. Áko éí dííshjį́įjį' t'áá ákót'é.

EXODUS 24:12

Áko Bóhólníihii éí Mózes yich'į' haadzíi'go áyidííniid, Dziłghą́ą'jį' shich'į' hasínáahgo ákwii shiba' nanináa doo; ákwii tsé bik'e'ashchínígíí áádóó bee haz'áanii índa bik'eh ó'oo'níiłii t'áá shí bee ak'e'shéłchínígíí naa dadeesįįł, áko éí bee na'nítin doo biniyé.

EXODUS 28:21

Ízrel biye'ké dabízhi' éí tsé naakits'áadahgo bii' nida'ashk'aazhgo bee ak'eda'ashchį́į doo; tsé bii' na'ashk'aazhgo bee yízhí bik'i sinilígíí nahalingo Ízrel dine'é dabízhi' bik'i sinil doo.

MATTHEW 27:8

Éí bąą éí kéyah dííshjį́į́góó Kéyah Diłii hoolyé.

MATTHEW 28:15

Áko siláo béeso nídeidiinilgo, t'áá ádabi'doo'niidígi ádaadzaa, áádóó kót'éego hane'ígíí éí bijį́į́dóó díí jį́įjį' Jew dine'é bitahgóó nidadidlaad.

DEUTERONOMY 34:6

Áádóó Mó'ab kéyah yíldzisgi Bóhólníihii yóó'áhoolaa; Beth-píyor hoolyéhígíí binaashiijí yíldzisgi yóó'áhoolaa, nidi díí jį́į́góó hojishcháá' doo ła' bił bééhóziní da.

JOSHUA 24:26

Áko Jáshowa ak'e'jishchį́įgo díí saadígíí t'áá át'é naaltsoos bikáá' ájiilaaígíí Diyin God bibee haz'áanii át'é, áádóó tsé ayóo da'át'éé léi' néidii'ą́ągo chéch'iltsoh biyaagi Bóhólníihii bihodiyingo haz'ą́ągi ayíítsih.

JOSHUA 4:10

Háálá nááda'ii łniihii éí tsits'aa' dílzinii deí'aahígíí Jórdan tooh nílį́į́ nít'éé' yę́ę ałníi'gi naazį́įgo Bóhólníihii éí Jáshowa yich'į' yee haadzíi'ii diné bich'į' ałtso bee hazdoodzih biniyé, Jáshowa éí Mózes hach'į' yee haadzíi'ii t'áá át'é bik'eh ádziidzaa. Haneetehee diné tsé'naa niildee'.

JUDGES 1:26

Áádóó éí diné dah diináago Het dine'é bikéyahgóó ííná; áadi kin haal'áago áhoolaago Luz hoolyée doo, dííniid; díí jį́į́góó ákóhoolyé.

I SAMUEL 30:25

Áko íídą́ą́' ákódzaago nee'nijį' yee nihoní'áanii áádóó bik'ehgo hoogáałii Ízrel dine'é bá ájiilaago díí jį́į́góó bá ákót'é.

I SAMUEL 7:12

Áko Sámuel éí tsé néidii'ą́ągo Mízpeh kin shijaa' áádóó Shen tsé yadiit'ąhí bita'gi ayíítsigo Ében-íízer hoolyée doo, dííniid, háálá ájíní, Kónízahjį' Bóhólníihii nihíká eelwod.