JOSHUA 4:8 - Navajo Bible

⁸ Áko Ízrel dine'é éí Jáshowa yee haadzí'ígíí yik'eh ádaadzaa; Jórdan tooh nílį́į́ nít'éé' yę́ęgi ałníí'dę́ę́' tsé naakits'áadahgo hadeizhjaa'; Bóhólníihii éí Jáshowa áyidííniidígi át'éego Ízrel dine'é éí ał'ąą dóone'é bik'ehgo dahwiidoołkáłíjį' tsé deizhjaa'go ákwii nideiznil.

JOSHUA 4:8 ပူးပေါင်းရင်းမြစ်များ

EXODUS 12:28

Ízrel dine'é dah diikaigo ákódaadzaa. Bóhólníihii éí Mózes áádóó Éran yich'į' yee haadzí'ígi ádaadzaa.

EXODUS 24:4

Áko Mózes éí Bóhólníihii bizaad t'áá át'é bee ak'e'jishchį́, áádóó t'ah abínígo nízhdii'na'go dziłtsį́įgi bikáá' náá'iiniihí ájiilaa, áádóó ákwii tsé naakits'áadahgo yadazhdíníishinígíí Ízrel dine'é naakits'áadahígíí bá ájiilaa.

JOSHUA 4:20

Áko tsé naakits'áadahgo Jórdan tooh nílį́į́ nít'éé' yę́ędóó hadajiizhjaa'ígíí Gílgalgi Jáshowa ałk'i yiztł'in.

JOSHUA 4:9

Áádóó Jáshowa éí tsé naakits'áadahgo Jórdan tooh nílį́į́ nít'éé' yę́ę ałníi'gi ałk'i dziztł'in; nááda'iiłniihii éí tsits'aa' dílzinii éí bee aha'deet'áanii bii' sinilii deí'aahígíí naazínígi niinínil, áko éí díí jį́į́góó t'ahdii t'áá ákwii sinil.