JOSHUA 4:7 - Navajo Bible

⁷ Áko éí bee bił nídahołne' dooleeł, Bóhólníihii bitsits'aa' dílzinii éí bee aha'deet'áanii bii' sinilii bidáahgi Jórdan tooh dah néísk'ol; éí Jórdan tooh ha'naa niit'aahgo Jórdan tooh ał'ąą niilk'ol. Áko díí tséhígíí éí Ízrel dine'é bee ééhániihii át'éego ahóyéel'áa dooleeł.

JOSHUA 4:7 ပူးပေါင်းရင်းမြစ်များ

PSALMS 111:4

T'óó bik'eda'ayóii béédahaniihgo áyiilaa; Bóhólníihii jooba' áádóó bił hadlee'go aa a'ááh nízin.

EXODUS 12:14

Áko éí t'áá ła'a jínígo néit'aahígíí nihá bééhániihii át'ée doo, áádóó Bóhólníihii bich'į'go hodílzingo áłah náhdleehígíí náás da'ahíínółchííhgóó nídaoł'aah doo; díí hodílzingo áłah náhdleeh nídaoł'aahígíí bik'eh hoogáałgo ahool'áa doo.

EXODUS 28:12

Índa éí tsé naakiígíí Ízrel biye'ké bee bééhániih doo biniyé íífad wolyéii bikáa'gi awostisgi t'áá ałch'ijí sinilgo ádíílííł; Éran éí Ízrel biye'ké dabízhi' hawostisgi bik'i sinilgo bee Bóhólníihii yee hwénálniih doo biniyé binááł yah aníjídáah doo.

EXODUS 30:16

Ízrel dine'é bits'ą́ą́dóó béeso bee á k'ééhojooldǫǫłii nídidííniłgo níbaal bii' dahozdísinii bii' choo'į́į doogo ats'ádíínił; éí bee Ízrel dine'é yénálniihgo Bóhólníihii binááł ákót'ée doo; éí nihá bee k'ééhoodǫǫłii át'é.

ISAIAH 66:3

Béégashii dziisxíinii éí diné dziisxínígíí bił aheełt'é; dibé yázhí náádziisnii'ii éí łééchąą'í bik'os k'ízhníti'ígíí bił aheełt'é; ch'iyáán náájiiłniihígíí éí bisóodi bidił náájiiłniihígíí bił aheełt'é, índa t'áá háiida tsin bijeeh dilidgo łikání halchinii nááhániihii náájiiłniihígíí éí e'elyaii bich'į' nahojiłá nahalin. T'áá aaníí, t'áá bí deinízinígíí bik'ehgo nideideez'ą́, áádóó t'óó baa'ihii yaa naakaígíí bił dahóshǫ́.

NUMBERS 16:40

Díí Ízrel dine'é bich'į' bee ééhániihii át'ée doo, áko diné ła' doo Éran biye'ké náás ahoolchíiłii jílį́į́góó Bóhólníihii binááł tsin bijeeh dilidgo łikání halchinii nááhizhdoołnih biniyé doo áháníjį' nizhdoogáał da; éí doo Kórah áádóó bił dah yikah yę́ę ádabi'diilyaaígi doo áhodi'doolníił da. Díí éí Mózes binahjį' Bóhólníihii hach'į' haadzíí'.

NUMBERS 17:5

Ákohgo diné bigish nídideeshtį́łígíí éí ch'ilátah hózhóón bąąh hodooleeł, áádóó Ízrel dine'é nich'į' saad dahółónígíí dabidideeshxił.

I CORINTHIANS 11:24

áádóó sozdoolzingo Diyin God bich'į' baa ahééh jiniizį́į'go nidziizti'go ázhdííniid, Díí shits'íís nihá atélnéhígíí át'é. T'áá nídaahdį́į́h bik'eh díí bee shéédaałniih dooleeł.

DEUTERONOMY 16:3

Díík'ǫsh bił bááh ályaii éí náádahołniihii t'áadoo bił daohsání; tsosts'id jį́ díík'ǫsh t'áágééd bááh ályaii éí bááh ach'į' nahwii'náago ályaii nídaohdį́įh doo, háálá t'óó hatsxį́įłgo Ííjip kéyahdę́ę́' ch'ínooná. Kót'éego Ííjip kéyahdę́ę́' ch'ínoonánígíí náás nihídeídíiską́ą́góó béédaołniih doo.

JOSHUA 4:6

Éí nihitahgóó bee ééhózinii át'ée doo; náás hodeeshzhiizhgóó nihada'áłchíní éí dabizhé'é nideídíłkidgo ádadidooniił, Díí tséshą', ha'át'íí biniyé át'é?