JOSHUA 4:6 - Navajo Bible

⁶ Éí nihitahgóó bee ééhózinii át'ée doo; náás hodeeshzhiizhgóó nihada'áłchíní éí dabizhé'é nideídíłkidgo ádadidooniił, Díí tséshą', ha'át'íí biniyé át'é?

JOSHUA 4:6 ပူးပေါင်းရင်းမြစ်များ

PSALMS 44:1

Diyin God nílíinii, t'áá nihí dasidiits'ą́ą́', éí danihizhé'é bídayéełkaah yę́ędą́ą́' baa nisíníyáhígíí yee nihił dahoolne'.

PSALMS 71:18

Diyin God nílíinii, t'áá są́ baa'níłdįįdjį' áádóó shitsii' yiigaiijį' t'ááká yóó'ashidóó'ááł lágo. K'ad oochíłígíí áádóó náás oochííłgóó t'áá ałtso bitahgóó nidziilígíí áádóó nibee adziilígíí baa táhodeeshni'jį' t'ááká yóó'ashidóó'ááł lágo.

EXODUS 12:14

Áko éí t'áá ła'a jínígo néit'aahígíí nihá bééhániihii át'ée doo, áádóó Bóhólníihii bich'į'go hodílzingo áłah náhdleehígíí náás da'ahíínółchííhgóó nídaoł'aah doo; díí hodílzingo áłah náhdleeh nídaoł'aahígíí bik'eh hoogáałgo ahool'áa doo.

EXODUS 13:14

Áko ííshją́ą́ háadida léi' niye' nanídééłkidgo kóníigo, Díishą' ha'át'íí biniyé kódaaht'į́? Áko kót'éego bich'į' hadíídzih, Bóhólníihii bibee adziilii yee Ííjip kéyahdi naalte' daniidlį́ yę́ędóó háánihíí'eezh.

EXODUS 13:9

Áko díí bee ééhózinii níla' bikáa' doo, áádóó bee ééhániihii nítáa'gi bikáa' doo, áko Bóhólníihii bibee haz'áanii baa yáníłti' doo, háálá Bóhólníihii bibee adziilii yee Ííjip kéyahdę́ę́' háánihíí'eezh.

EXODUS 31:13

Ízrel dine'é kóbididííniił, Shiháá'áyį́į́h jínígíí hodiyingo ádayínóhsin doo, háálá náás da'ahidoołchį́į́góó nihita'gi éí bee ééhózinii át'é, áko shí Bóhólníihii nishłį́įgo diyingo ninihidiish'aahígíí nihił béédahózin doo.

ISAIAH 38:19

Díí jį́ dahináanii, éí dahinánígíí ásht'ínígi át'éego naa dahaniih doo; azhé'é nilíinii éí ba'áłchíní nit'áá aaníinii yił yéédahodoosįįł.

ISAIAH 55:13

Ch'il dadeeníinii bitsásk'ehgi ch'ó hadadínóot'į́į́ł, áádóó ch'il da'dishahii bitsásk'ehgi tsin mértal sikaadii hadadínóot'į́į́ł, áko índa Bóhólníihii bízhi' bi'dójíigo éí hool'áágóó bee ééhózinii nilį́įgo doo nahjį' kódoolnííłgóó ádoolnííł.

EZEKIEL 20:12

Áádóó shí Bóhólníihii diyingo ádahashłéehgo hoł béédahodoozįįł biniyé shí áádóó hó nihita'gi shiháá'áyį́į́h jį́ bee ééhózin doo biniyé haa diní'ą́.

EZEKIEL 20:20

Shí Bóhólníihii nihiDiyin God nishłį́įgo nihił béédahodoozįįł biniyé shí áádóó nihí nihita'gi bee ééhózinii át'éego shiháá'áyį́į́h jį́ ná'oodleełii hodílzingo ádeínóhsin doo.

NUMBERS 16:38

Díí diné ádił da'asiihgo t'áá bí yá nináninídee'; bíni'dii tsin bijeeh dilidgo łikání halchinii bee nidaakáhígíí éí dootsiłgo niteelgo ádadoolníiłgo didlidgo bikáá' náá'iiniihí bik'ínáltihígíí ádoolnííł, háálá Bóhólníihii binááł bee nááda'iiniihgo chodao'į́į́ nít'éé'; éí bąą dadílzin; éí Ízrel dine'é bich'į'go bee ééhózinii át'ée doo.

ACTS 2:39

Háálá éí nihí áádóó niha'áłchíní índa nízaadi nidaakaii bił nihíí' dadooleełgo yee nihoní'ą́, Bóhólníihii nihiDiyin God hágo deididooniiłígíí t'áá ałtso baa deet'ą́.

DEUTERONOMY 11:19

Áádóó éí saadígíí bee niha'áłchíní nidanohtin, áádóó nihighan góne' bił nidahisóotą́ągo éí baa yádaałti', áádóó bił tádadohkááhgóó áádóó danohjeehgo índa nídahidoohjeehgo bee bich'į' yádaałti'.

JOSHUA 22:27

nidi nihita'gi áádóó niha'áłchíní náás da'ahílchíihii bita'gi bee ééhózinii át'ée doo, áko Bóhólníihii bich'į' nidahwiidláago Bí hólǫ́ǫgi didlidgo nihinááhániihii áádóó nihinááda'iiniihii índa hózhǫ́ǫ́jí nihináádahaniihii bich'į' náádahiilniih doo, áko nihí aají nihada'áłchíní éí nihí kojí nihada'áłchíní náasdi doo ádeididoo'niił da, Aají nihí Bóhólníihii doo nihídéét'i' da.

JOSHUA 4:21

Áko Ízrel dine'é ábizhdííniid, Náás hodeeshzhiizhgóó nihada'áłchíní bizhé'é nideídíłkidgo ádadidooniił, Díí tséshą', ha'át'íí biniyé át'é?

JOSHUA 4:5

Áko Jáshowa éí áyidííniid, Bóhólníihii nihiDiyin God bitsits'aa' dílzinii bilą́ąjį' Jórdan tooh nílį́į́ nít'éé' yę́ęgóó dohkááh áádóó t'ááłá'í nootínígo nihiwos bee tsé hadahidoohjih; Ízrel dine'é ał'ąą dóone'é nohłínígíí éí bik'ehgo ákódaahnééh.