JOSHUA 4:5 - Navajo Bible

⁵ Áko Jáshowa éí áyidííniid, Bóhólníihii nihiDiyin God bitsits'aa' dílzinii bilą́ąjį' Jórdan tooh nílį́į́ nít'éé' yę́ęgóó dohkááh áádóó t'ááłá'í nootínígo nihiwos bee tsé hadahidoohjih; Ízrel dine'é ał'ąą dóone'é nohłínígíí éí bik'ehgo ákódaahnééh.

JOSHUA 4:5 ပူးပေါင်းရင်းမြစ်များ

GENESIS 31:46

Áádóó Jéíkab bik'isóó áyidííniid, Tsé áłah ádaahłééh, áko tsé nídayiizláa'go ałk'i yáádayiitsih, áko tsé ałk'i yanáa'áago yíighahgi da'ííyą́ą́'.

EXODUS 24:4

Áko Mózes éí Bóhólníihii bizaad t'áá át'é bee ak'e'jishchį́, áádóó t'ah abínígo nízhdii'na'go dziłtsį́įgi bikáá' náá'iiniihí ájiilaa, áádóó ákwii tsé naakits'áadahgo yadazhdíníishinígíí Ízrel dine'é naakits'áadahígíí bá ájiilaa.

DEUTERONOMY 27:2

Áko Bóhólníihii nihiDiyin God éí kéyah nihaidiní'ánígíí bich'į' Jórdan tooh ha'naa ninooná bijį́ ákwii tsé dantsaii adahidoohtsih áádóó dadoohdlish.

DEUTERONOMY 9:1

Ízrel dine'é danohłíinii, hazhó'ó da'íísółts'ą́ą́'; díí jį́ Jórdan tooh ha'naagóó ana'í nihiláahdi ayóó ádaat'éii áádóó ayóó ádabóodziilii dabikéyah ádíí' ádadoohłííł biniyé bich'į' ha'naa ninohnééh, kin hadaas'áago ayóó ádaat'éii áádóó k'asdą́ą́' yá bídaneel'ą́ągo tsé ditą́ągo ahéédaastł'inii t' áá bił.

JOSHUA 22:10

Áádóó Kéínan kéyahgi Jórdan tooh bibąąhgóó hoodzoíjį' yíkaigo Rúben dine'é áádóó Géed dine'é índa Manáseh dine'é ałníí'dóóígíí ákwe'é Jórdan tooh bibąąhgi bikáá' náá'iiniihí nitsxaago ádayiilaa.

JOSHUA 4:4

Áko Jáshowa éí diné naakits'áadahgo nízhdiinilígíí bíká ázhdííniid; éí Ízrel dine'é bitahdóó t'ááłá'í nítínígo ał'ąą dóone'é danilį́.

JOSHUA 4:6

Éí nihitahgóó bee ééhózinii át'ée doo; náás hodeeshzhiizhgóó nihada'áłchíní éí dabizhé'é nideídíłkidgo ádadidooniił, Díí tséshą', ha'át'íí biniyé át'é?