JOSHUA 4:3 - Navajo Bible

³ Áádóó bich'į' hadíídzihgo ábididííniił, Jórdan toohdę́ę́' éí nááda'iiłniihii naazínídóó tsé naakits'áadahgo nídadidoohnił; éí danihiidoołkáłíjį' dadoohjihgo díí tł'éé' danihiiłkaahígi nidadoohnił.

JOSHUA 4:3 ပူးပေါင်းရင်းမြစ်များ

GENESIS 28:22

áádóó tsé íí'áago íishłaaígíí éí Diyin God bighan doo, áádóó t'áá ałtso shaa hidí'aahígíí neeznáá daníjaa'ígíí éí t'ááłá'í shijaa' naa náhidish'aah doo.

PSALMS 103:2

Shii' sizíinii nílíinii, Bóhólníihii baa hóniih, áádóó yee naa joozba'ii éí t'ááká baa yóónééh.

PSALMS 11:4

Bóhólníihii éí diyingo bikin bii' sohodizin yii' hólǫ́; Bóhólníihii bibikáá'dóó nahat'áii yá'ąąshdi hólǫ́; nihokáá' diné yoo'į́ áádóó haisííd.

LUKE 19:40

Áko haadzíi'go ání, Ánihidishní, Azhą́ díí dadiiłheel nidi, tsé nidi hadadidoolwosh.

JOSHUA 24:27

Áádóó Jáshowa éí diné t'áá ałtso ábizhdííniid, Jó, díí tsé nihich'į' bee ééhózinii át'ée dooleeł, háálá adiizts'ą́ą'ii át'éego éí Bóhólníihii bizaad t'áá át'é nihich'į' yee hahaasdzíí'; éí bąą éí nihich'į' bee ééhózinii át'ée dooleeł, áko nihiDiyin God doo danohsingóó ákót'ée doo.

JOSHUA 3:13

Áádóó kót'ée doo: nááda'iiłniihii éí Bóhólníihii bitsits'aa' dílzinii deí'aah dooígíí taah dadeestáalgo, éí nahasdzáán t'áá át'é bee Bóhólníihii bitsits'aa' dílzinii éí bee Jórdan tooh áhodidoolzih, áko Jórdan tooh wódahdę́ę́' nílínígíí áhodiilzee'go doo nílį́į da dooleeł índa nihidii'áa dooleeł.

JOSHUA 4:4

Áko Jáshowa éí diné naakits'áadahgo nízhdiinilígíí bíká ázhdííniid; éí Ízrel dine'é bitahdóó t'ááłá'í nítínígo ał'ąą dóone'é danilį́.

JOSHUA 4:8

Áko Ízrel dine'é éí Jáshowa yee haadzí'ígíí yik'eh ádaadzaa; Jórdan tooh nílį́į́ nít'éé' yę́ęgi ałníí'dę́ę́' tsé naakits'áadahgo hadeizhjaa'; Bóhólníihii éí Jáshowa áyidííniidígi át'éego Ízrel dine'é éí ał'ąą dóone'é bik'ehgo dahwiidoołkáłíjį' tsé deizhjaa'go ákwii nideiznil.

I SAMUEL 7:12

Áko Sámuel éí tsé néidii'ą́ągo Mízpeh kin shijaa' áádóó Shen tsé yadiit'ąhí bita'gi ayíítsigo Ében-íízer hoolyée doo, dííniid, háálá ájíní, Kónízahjį' Bóhólníihii nihíká eelwod.