JOSHUA 4:24 - Navajo Bible

²⁴ Ákohgo nihokáá' dine'é t'áá át'é bił béédahodoozįįł: Bóhólníihii bigaan ayóó ábóodziilii nilį́, áádóó Bóhólníihii nihiDiyin God dadíínóhsingo ahool'áa doo.

JOSHUA 4:24 ပူးပေါင်းရင်းမြစ်များ

I KINGS 8:40

éí danihizhé'é yę́ę kéyah baa dííní'ánígíí yikáá' t'áá abídayiiską́ bijį́įjį' dandósin doo biniyé ákódíínííł.

I KINGS 8:60

áko nihokáá' dine'é t'áá át'é éí Bóhólníihii Diyin God nilį́įgo áádóó doo ła' nááhódlǫ́ǫ dago bił béédahodoozįįł.

II KINGS 19:19

Éí bąą k'ad, Bóhólníihii nihiDiyin God nílíinii, nánooshkąąh, nihokáá'góó bee ídahólníihii éí t'áá ni t'éiyá Bóhólníihii Diyin God nílį́įgo bił béédahodoozįįł biniyé éí bits'ą́ąjį' yisdánihínííł.

II KINGS 5:15

Áádóó bił nijikaígíí bił nát'ą́ą́' níjíkaigo Diyin God yá naal'a'í baazhníyáago bidááhdę́ę́' dziizį'go ájíní, Jó, Ízrel dine'é bikéyahgi Diyin God hólónígi át'éego nihokáá'góó t'áá át'éé nít'éé' doo ła' hólǫ́ǫ dago shił bééhoozin; éí bąą k'ad, ná naal'a'í neidooléłígíí nídiilé, baa nánooshkąąh.

I CHRONICLES 29:12

Yódí índa ił ídlį́ nits'ą́ą́dę́ę́' nihwiileeh áádóó t'áá ałtsoní binanít'á; bee adziilii índa ayóó é'ét'éii dah yílééł áádóó ayóó át'éii áálííł índa diné t'áá ałtso adziil baa hidí'aah.

JOB Naaltsoos Biyi' Job Baa Hane'ii 40:9

Diyin God bigaan nahalingoósh nigaan hólǫ́? Adi'ní nahalingo biinéé' diits'a'ígi át'éegoósh yáníłti'?

PSALMS 106:8

Azhą́ ákódzaa nidi, bee bidziilii ayóó át'éii bééhózínígo áyósin doo biniyé bízhi' binahjį' yisdáyíínil.

PSALMS 89:13

Nigaan bee ayóó ánóodziil, níla' ałdó' bee nidziil, dego níla' nish'náájí bee dah díílnih.

PSALMS 89:7

Éí Diyin God nilíinii bidiyį́į́' áłah nídaadleehgi t'áá íiyisí bits'ąą daasti'go ádabósin, áádóó binaagóó naaldeehii t'áá ałtso t'áá íiyisí bits'ąą daasti'go ádabósin.

EXODUS 14:31

Áko Ízrel dine'é éí Bóhólníihii ayóó át'éego Ííjip dine'é áyííł'įįdígíí dayiiłtsą́ągo Bóhólníihii deidísin silį́į́', áádóó Bóhólníihii índa bá naal'a'í Mózes dayoosdląąd.

EXODUS 15:16

Yéé' índa náhádzid bik'iidooldoh; nigaan ayóó át'éii bik'ee tsé doo haamáasii nahalingo doo nidajii'náa da doo, Bóhólníihii nílíinii, nidine'é háíní'nilígíí tsé'naa niikaijį' ákót'ée doo.

EXODUS 20:20

Mózes éí diné áyidííniid, T'áadoo nihił daayé'í, háálá Diyin God éí hanihisíid doo, áádóó dadíínóhsin doo yiniyé nihaa honíle', áko doo ádił nida'íiyohsíih da doo.

EXODUS 9:16

Nidi t'áá aaníí díí biniyé aláahgo naat'áanii ániishłaa: ninahjį' shibee adziilii bééhózingo ádeeshłííł áádóó nahasdzáán bikáá'góó shízhi' baa hane' doo.

ISAIAH 52:10

Ał'ąą dine'é binááł Bóhólníihii bigaan diyinii hach'į' yit'íní áyiilaa, áko nahasdzáán nidahonees'ą́ą́dę́ę́' diné t'áá ałtso nihiDiyin God bibee yisdá'iildéehii deizdoołtsééł.

JEREMIAH 32:40

áko éí há yá'át'ééh ádeeshłííł biniyé doo hats'ádeesháłígíí hool'áágóó bee hoł ahadideesht'ááł índa doo shits'ádahizhdookah da biniyé dashizdósin doogo hajéí biih dadeeshłééł.

DEUTERONOMY 28:10

Áádóó nihokáá' dine'é t'áá ałtso éí Bóhólníihii bízhi' binahjį' danihi'dójíigo yaa ákodaniizį́į'go nihik'ee bił daayée' doo.

DEUTERONOMY 6:2

áádóó ts'ídá haleebee Bóhólníihii nihiDiyin God dadíínóhsingo yee nihwiiz'áanii áádóó bibik'eh ó'oo'níiłii nihich'į' bee haasdzíi'ii t'áá át'é bik'eh dahonoł'į́; nihí áádóó nihiye'ké índa nihinálíké bił nihe'iina' dadoołt'i'góó bik'eh ánóht'éego as'ahgóó anihídayiiłkaah doo.

I SAMUEL 17:46

Díí jį́ Bóhólníihii shílák'ee nididoo'áałgo naa anízhdeeshtł'į́į́ł áádóó nitsiits'iin nidi'deesh'ááł, áko díí jį́ tsídii áádóó nahasdzáán bikáa'gi naaldlooshii da'ałchinii bich'į' Filístiya dine'é bisiláo dabits'íís nidaaztseedii ahideeshtł'ił, áko éí bee nahasdzáán nidahonees'ą́ą́góó kéédahat'íinii díí bił béédahodoozįįł: Ízrel dine'é bitahgi Diyin God hólǫ́.