JOSHUA 4:23 - Navajo Bible

²³ Háálá Bóhólníihii nihiDiyin God éí Jórdan tooh nihilą́ąjį' nihá nihoníłtseiigo ha'naa ałtso ninooná; Bóhólníihii nihiDiyin God éí Tónteel Łichíí' siyínígíí nihá ha'naa niiníłtseiigo ha'naa ałtso ninii'nánígi áhoodzaa.

JOSHUA 4:23 ပူးပေါင်းရင်းမြစ်များ

I KINGS 8:43

yá'ąąshdi kééhót'į́įdi didííts'į́į́ł áádóó dé'éyóní níyókeedígíí t'áá ałtso bá bi'díílííł, áko díí t'áá nidine'é Ízrel nízhi' deidósinígi át'éego nihokáá' dine'é t'áá át'é dandósin doo áádóó díí bił béédahózin: díí kin áshłaaígíí nízhi' bee wójí.

NEHEMIAH 9:11

Bidááhgóó tónteel aháíníłk'olgo tónteel bita' gónaa łeezh yíłtsei yikáá' ha'naa niníná, índa bik'ee nidanoochą́ą'ii éí tó ayóó íídéetą́ą'ii tsé biih jiyííłhanígi át'éego táłtł'ááh hwííníghaz.

PSALMS 78:13

Tónteel aháíyííłk'olgo ákóne' tsé'naa ho'níłnii', áádóó tó ałts'ą́ą́hjí ní'áago áyiilaa.

EXODUS 14:21

Áko Mózes éí tónteel yikáa'jigo dah didiilnii'go Bóhólníihii éí ha'a'aahdę́ę'go tł'éé' bíighah ayóó át'éego níyolgo áyiilaa; éí bee tónteel t'ą́ą́' anáálzhiizh; tónteelígíí ałts'á yííłk'olgo ni' yíłtseigo áyiilaa.

EXODUS 15:19

Jó, Féro bilį́į́' áádóó bitsindaabąąs bijáád naakiígíí índa łį́į́' yee nidaabaahii éí tónteel yiih yíná áádóó Bóhólníihii éí tónteel hak'ijį' anáyííłk'ol, nidi Ízrel dine'é t'éiyá tónteel biyi' ni' yíłtseii bikáá' ha'naa niníná.

ISAIAH 43:16

Bóhólníihii éí tónteel biyi'góó ch'íhonít'i' índa tó ayóó át'éii náádadiidáahii biyi'góó atiin áyoolíiłii;