JOSHUA 4:14 - Navajo Bible

¹⁴ Éí bijį́į́dą́ą́' Ízrel dine'é t'áá ałtso dabinááł Bóhólníihii éí Jáshowa ayóó át'éii nilį́įgo áyiilaa, áádóó Jáshowa deidísin nít'éé'; Mózes deidísin yę́ęgi át'éego Jáshowa abíyííłką́ąjį' bił danilį́į́ nít'éé'.

JOSHUA 4:14 ပူးပေါင်းရင်းမြစ်များ

I KINGS 3:28

Áko Ízrel dine'é t'áá át'é éí aláahgo naat'áanii á nihodiyii'aahgo hazhó'ó á nihodiní'ánígíí yaa dahodiizts'ą́ą'go aláahgo naat'áanii bił dáálįįd, háálá Diyin God bibee hódzáanii bii' hólǫ́ǫgo yee t'áá ákóne' át'į́įgo á nihodiyii'aahgo yaa ákodaniizį́į́'.

II KINGS 2:15

Nít'éé' Diyin God yá dahalne'ii bídahooł'aahígíí éí Jérikodę́ę́' dadéez'į́'ígíí ádaaní, Iiláíjah biníłch'i Iiláísha bik'i hoole' lá. Áko ákǫ́ǫ́ hadááh yíkaigo ni'jį' hach'į' yaa ádaadzaa.

I CHRONICLES 29:25

Áádóó Ízrel dine'é t'áá ałtso binááł Bóhólníihii éí Sálaman ayóó át'éego baa ha'niihgo áyiilaa áádóó aláahgo ts'ídá ayóó át'éii naat'ááh ídlį́ haidiní'ą́, áko Ízrel dine'é bitahgi aláahgo naat'áanii nídaadleełii ts'ídá doo ła' ákót'ée da nít'éé'.

II CHRONICLES 30:12

Áádóó Diyin God éí Júdah dine'é bitahgóó t'áá ła' bijéí yee tsídeideeskéezgo áyiilaa, áko aláahgo naat'áanii índa naat'áanii danilíinii yich'į' yee haadzí'ígíí Bóhólníihii bizaad k'ehgo ádaadzaa.

EXODUS 11:3

Áko Bóhólníihii éí Ízrel dine'é bich'oha'néego Ííjip dine'é baa dajooba'go ábiilaa, índa t'ah nááyówehgo Féro bá nidaal'a'í áádóó bidine'é binááł Ííjip kéyahgi Mózes ts'ídá ayóó át'éii jílį́.

EXODUS 14:31

Áko Ízrel dine'é éí Bóhólníihii ayóó át'éego Ííjip dine'é áyííł'įįdígíí dayiiłtsą́ągo Bóhólníihii deidísin silį́į́', áádóó Bóhólníihii índa bá naal'a'í Mózes dayoosdląąd.

PROVERBS 24:21

Shiye', Bóhólníihii áádóó aláahgo naat'áanii díínísin; nahat'á łahgo ándayoodlíiłii t'áadoo béédiilwo'í.

ROMANS 13:4

Háálá ná yá'át'ééh biniyé éí Diyin God yá naal'a'í nilį́. Nidi doo ákǫ́ǫ́ ánít'į́į́góó éí bik'ee nił yée' doo, háálá doo t'áadoo biniyéhígóó bibee adziilii hólǫ́ǫ da. Jó, éí Diyin God yá naal'a'í nilį́įgo doo ákǫ́ǫ́ ájít'íinii Diyin God t'óó báhádzidgo bibee até'él'íinii yee atíhodoolííł.

I CORINTHIANS 10:2

Áádóó t'áá át'é Mózes bikéé' jookah dooleełgo k'os bee índa tónteel bee dabi'doolzį́į́'.

JOSHUA 3:7

Áko Bóhólníihii éí Jáshowa áyidííniid, Díí jį́ Ízrel dine'é t'áá ałtso dabinááł ayóó át'éii nílį́įgo ándeeshłííł, áko díí bił béédahózin doo: Mózes bił honishłǫ́ yę́ęgi át'éego nił honishłǫ́ǫ doo.

JOSHUA 4:13

Diné dízdiindi míilgo anaa' yiniyé hasht'e'ádadólzinígíí ha'naa nidahaaznáago Bóhólníihii binááł Jériko honíteeljigo adahaazbaa'.

JOSHUA 4:15

Áádóó Bóhólníihii éí Jáshowa áyidííniidgo ání,

I SAMUEL 12:18

Ákohgo Sámuel éí Bóhólníihii náyooskango t' áá éí bijį́ Bóhólníihii éí adi'níigo nahałtingo áyiilaa; nít'éé' diné t'áá ałtso ayóó át'éego Bóhólníihii índa Sámuel yik'ee bił yéé' dahazlį́į́'.