JOSHUA 4:13 - Navajo Bible

¹³ Diné dízdiindi míilgo anaa' yiniyé hasht'e'ádadólzinígíí ha'naa nidahaaznáago Bóhólníihii binááł Jériko honíteeljigo adahaazbaa'.

JOSHUA 4:13 ပူးပေါင်းရင်းမြစ်များ

II KINGS 25:5

Áko Kaldíya dine'é bisiláo éí aláahgo naat'áanii baa dadeeyáago Jériko dzígaidi yíníjéé', áko hasiláo t'áá át'é hats'ąą taozhjéé'.

EXODUS 13:18

Nidi Diyin God éí diné yoo'ishgo honoojíígóó Tónteel Łichíí' bich'į'go yiní'eezh, áko Ízrel dine'é éí anaa' yiniyé hasht'e'ádadólzingo Ííjip kéyahdę́ę́' ch'íníná.

JEREMIAH 39:5

Nidi Kaldíya dine'é bisiláo dabidínéeshchą́ą'go Jériko binaagi dzígaidi Zedekáíyah yił dadeezdéél, áko dahoołtsoodgo Héímath kéyahdi Ríblah kin haal'áagi Bábilan dine'é aláahgo binanit'a'í Nébukadnézzar yaa dahazlóozgo ákwii há nihoní'ą́.

JEREMIAH 52:8

Nidi Kaldíya dine'é bisiláo éí aláahgo naat'áanii baa dadeeyáago Jériko dzígaidi yíníłná, áko hasiláo t'áá ałtso hats'ą́ą́' taozhjéé'.

NUMBERS 32:17

Nidi nihí éí Ízrel dine'é bilą́ąjį' anaa' biniyé hasht'e'ádadidiilnííł; kéyah daabíí' dooleełíjį' bił niniikaigo kéyahgi kéédahat'ínígíí biniinaa kin hadaas'á ditą́ągo binaa ahééda'astł'in góne' nihada'áłchíní kéédahat'į́į doo.

EPHESIANS 6:11

Béésh éé' bee na'abaahii Diyin God nihaidiní'ánígíí t'áá át'é bee hadadohne', áko níłch'i bida'iiníziinii binanit'a'í binahagiz bik'ijį' bídanooł'ą́ągo nidasoozį́į doo.

DEUTERONOMY 3:18

Áko íídą́ą́' bee ánihidííniidgo ádíshní, Bóhólníihii nihiDiyin God díí kéyah nihaidiní'ánígíí nihíí' ádaahłééh. Doo nídanilyéesii danohłíinii, bee na'abaahí hasht'eet'éego ádaahłéehgo nihik'isóó Ízrel dine'é danilíinii bilą́ąjį' ha'naa nidooh'nééł.

JOSHUA 4:12

Rúben dine'é áádóó Géed dine'é índa Manáseh dine'é ałníí'dóóígíí Ízrel dine'é yilą́ąjį' anaa' yiniyé hasht'e'ádadiilyaago tsé'naa niikai; Mózes hach'į' yee haadzíi'ii bik'eh ída'jiilaa.

JOSHUA 4:14

Éí bijį́į́dą́ą́' Ízrel dine'é t'áá ałtso dabinááł Bóhólníihii éí Jáshowa ayóó át'éii nilį́įgo áyiilaa, áádóó Jáshowa deidísin nít'éé'; Mózes deidísin yę́ęgi át'éego Jáshowa abíyííłką́ąjį' bił danilį́į́ nít'éé'.

JOSHUA 5:10

Ízrel dine'é éí Gílgalgi ninínáago éí átsé nídízídígíí binih, dį́į́'ts'áadahgóó yoołkáałgo i'íí'ą́ągo Jériko honíteelgi atis'adeesdzá bee bééhániihii bee nidahojisá.

JUDGES 20:1

Ákohgo Dan kin haal'áádóó Bíyer-shííba kin shijaa'jį' Ízrel dine'é t'áá ałtso nidahaaskaigo Gíliyad kéyah nahós'a'dę́ę́' ałdó' t'áá yił niheeskaigo éí Mízpeh kin haal'áagi t'áá ła' bizhi'ee Bóhólníihii yaa áłah silį́į́'.