JOSHUA 4:11 - Navajo Bible

¹¹ Áádóó ákódzaago diné t'áá át'é ałtso tsé'naa niikaigo Bóhólníihii bitsits'aa' dílzinii tsé'naa niit'ą́ índa nááda'iiłniihii diné dabinááł tsé'naa niikai.

JOSHUA 4:11 ပူးပေါင်းရင်းမြစ်များ

ISAIAH 52:12

Jó, doo tsį́įłgo ch'ídoohkah da, doo nidi ch'ídadínóohchéeł da, háálá Bóhólníihii t'áá bí nihilą́ąjį' yigáał doo, índa Ízrel dine'é biDiyin God éí t'áá nihikéédę́ę́' nihaa áhályą́ą doo.

JOSHUA 24:11

Áko Jórdan tooh ha'naa ninoonáago Jériko kin haal'áajį' nooná, áádóó Jériko dine'é nihik' iijéé', áko Ámor dine'é, Píírez dine'é, Kéínan dine'é, Het dine'é, Gírgas dine'é, Háíva dine'é índa Jííbas dine'é éí t'áá ájít'é nihílák'ee hodíí'ą́.

JOSHUA 3:17

Áádóó nááda'iiłniihii éí Bóhólníihii bitsits'aa' dílzinii éí bee aha'deet'áanii bii' sinilii deí'aahgo ni' hóółtseigi Jórdan tooh ałníi'gi naazį́į́ nít'éé'; Ízrel dine'é t'áá ałtso ni' hóółtseigóó tsé'naa yikahgo diné ałtso Jórdan tooh ha'naa niikai.

JOSHUA 3:8

Áádóó bich'į' bee handziihgo nááda'iiłniihii éí tsits'aa' dílzinii éí bee aha'deet'áanii bii' sinilii deí'aahígíí ábidiní, Jórdan tooh bibąąhjį' oohkaigo Jórdan tooh ałníi'gi hazhó'ó deidoosįįł.

JOSHUA 4:10

Háálá nááda'ii łniihii éí tsits'aa' dílzinii deí'aahígíí Jórdan tooh nílį́į́ nít'éé' yę́ę ałníi'gi naazį́įgo Bóhólníihii éí Jáshowa yich'į' yee haadzíi'ii diné bich'į' ałtso bee hazdoodzih biniyé, Jáshowa éí Mózes hach'į' yee haadzíi'ii t'áá át'é bik'eh ádziidzaa. Haneetehee diné tsé'naa niildee'.

JOSHUA 4:12

Rúben dine'é áádóó Géed dine'é índa Manáseh dine'é ałníí'dóóígíí Ízrel dine'é yilą́ąjį' anaa' yiniyé hasht'e'ádadiilyaago tsé'naa niikai; Mózes hach'į' yee haadzíi'ii bik'eh ída'jiilaa.

JOSHUA 4:18

Áádóó nááda'iiłniihii éí Bóhólníihii bitsits'aa' dílzinii éí bee aha'deet'áanii bii' sinilii deí'aahígíí Jórdan tooh nílį́į́ nít'éé' yę́ędę́ę́' haaskaigo nááda'iiłniihii éí hóółtseijį' niikaigo Jórdan tooh t'ą́ąjį' anídahaazgo'go t'áá átséédą́ą́' nílį́į́ nít'éé' yę́ęgi át'éego náádląąd.