JOSHUA 4:10 - Navajo Bible

¹⁰ Háálá nááda'ii łniihii éí tsits'aa' dílzinii deí'aahígíí Jórdan tooh nílį́į́ nít'éé' yę́ę ałníi'gi naazį́įgo Bóhólníihii éí Jáshowa yich'į' yee haadzíi'ii diné bich'į' ałtso bee hazdoodzih biniyé, Jáshowa éí Mózes hach'į' yee haadzíi'ii t'áá át'é bik'eh ádziidzaa. Haneetehee diné tsé'naa niildee'.

JOSHUA 4:10 ပူးပေါင်းရင်းမြစ်များ

PSALMS 119:60

T'áadoo át'ah hwiindziní nibik'eh ó'oo'níiłii bik'eh hosíł'įįd.

EXODUS 12:39

Ííjip kéyahdóó taos'nii' dah dazhdiijaa'ígíí éí díík'ǫsh t'áágééd bááh ádajiilaa; taos'nii'ígíí doo díík'ǫsh bił ályaa da nít'éé', háálá Ííjip kéyahdóó t'áadoo t'ah ílíní ch'íhodi'neelkaad; t'áadoo yist'éí ádá ádajilnéhí.

PROVERBS 27:1

Yiską́ągo kót'ée dooleeł, diníigo nahó'áago t'áadoo bee ádaa hó'niihí, háálá yiską́ągo ádahodooníłígíí doo nił bééhózin da.

ECCLESIASTES 9:10

T'áá bik'i hidiilníhígíí dziilí bee baa naniná, háálá díníyáhígóó naanish áádóó nahat'á áádóó ił ééhózin índa hódzą́ jishcháa'di ádin.

ISAIAH 28:16

éí bąą Bóhólníihii Diyin God ání, Záíyangi tsé bee naaná'ástł'inii bóhoneestą́ą'go t'áá íiyisí niłdzilgo ninish'aah, jó'akon, áko t'áá háiida boodlánígíí éí doo yánízin da doo.

II CORINTHIANS 6:2

háálá bí ání, Níídéests'įįłjį' ahoolzhiizhgo baa shił hózhǫ́ǫgo nidiséts'ą́ą́', índa yisdá'iildééh beiníłką́ yę́ędą́ą́' níká aashwod. Shoo, k'ad ts'ídá áajį' ahoolzhiizh; k'adyee' yisdá'iildééh bił hoolzhish.

DEUTERONOMY 31:9

Áádóó Mózes díí bee haz'áanii yee ak'e'ashchį́įgo Líívai dine'é nááda'iiłniihii éí Bóhólníihii bitsits'aa' dílzinii éí bee aha'deet'áanii bii' sinilii deí'aahígíí áádóó Ízrel dine'é bitahgi aląąjį' naazíinii t'áá ałtso baazhdiní'ą́.

JOSHUA 24:11

Áko Jórdan tooh ha'naa ninoonáago Jériko kin haal'áajį' nooná, áádóó Jériko dine'é nihik' iijéé', áko Ámor dine'é, Píírez dine'é, Kéínan dine'é, Het dine'é, Gírgas dine'é, Háíva dine'é índa Jííbas dine'é éí t'áá ájít'é nihílák'ee hodíí'ą́.

JOSHUA 3:13

Áádóó kót'ée doo: nááda'iiłniihii éí Bóhólníihii bitsits'aa' dílzinii deí'aah dooígíí taah dadeestáalgo, éí nahasdzáán t'áá át'é bee Bóhólníihii bitsits'aa' dílzinii éí bee Jórdan tooh áhodidoolzih, áko Jórdan tooh wódahdę́ę́' nílínígíí áhodiilzee'go doo nílį́į da dooleeł índa nihidii'áa dooleeł.

JOSHUA 4:11

Áádóó ákódzaago diné t'áá át'é ałtso tsé'naa niikaigo Bóhólníihii bitsits'aa' dílzinii tsé'naa niit'ą́ índa nááda'iiłniihii diné dabinááł tsé'naa niikai.

JOSHUA 4:9

Áádóó Jáshowa éí tsé naakits'áadahgo Jórdan tooh nílį́į́ nít'éé' yę́ę ałníi'gi ałk'i dziztł'in; nááda'iiłniihii éí tsits'aa' dílzinii éí bee aha'deet'áanii bii' sinilii deí'aahígíí naazínígi niinínil, áko éí díí jį́į́góó t'ahdii t'áá ákwii sinil.