JOSHUA 3:8 - Navajo Bible

⁸ Áádóó bich'į' bee handziihgo nááda'iiłniihii éí tsits'aa' dílzinii éí bee aha'deet'áanii bii' sinilii deí'aahígíí ábidiní, Jórdan tooh bibąąhjį' oohkaigo Jórdan tooh ałníi'gi hazhó'ó deidoosįįł.

JOSHUA 3:8 ပူးပေါင်းရင်းမြစ်များ

II KINGS 2:6

Áádóó Iiláíjah áháłní, T'áá kǫ́ǫ́ sínídá, baa nánooshkąąh, háálá Bóhólníihii éí Jórdan toohgóó shííł'aad. Áko ání, Ts'ídá t'áá aaníí Bóhólníihii hiná índa hiníná; ákót'éego ts'ídá t'áá aaníí doo nits'ádeesháał da. Áádóó t'áá ájíłah náás dashdii'áázh.

II CHRONICLES 29:15

Áko dabik'isóó áłah ádayiilaago hodiyingo ádadooldee'go yah eekai, áádóó Bóhólníihii yee has'áanii bik'ehgo aláahgo naat'áanii haadzíi'go Bóhólníihii bikin bii' sohodizin hasht'éédahojidlééh biniyé yah ajookai.

II CHRONICLES 29:27

Áko Heziikáíyah éí bikáá' náá'iiniihí bikáa'jį' didlidgo náádi'yoonihgo yee haadzíí'. Didlidgo náá'iiniihí bee hahoolzhiizhgo béésh dilní bee í'dílzoołí áádóó Ízrel dine'é aláahgo binanit'a'í David yę́ę bibee nida'a'néhígíí biłgo Bóhólníihii biyiin ałdó' yee nídadiine'.

II CHRONICLES 29:30

Náá'áłdó' aláahgo naat'áanii Heziikáíyah áádóó naat'áanii danilíinii éí Líívai dine'é yida'asnii'go David yę́ę índa áhodooníiłii yaa halne'ii Éísaf yę́ę bizaad bee Bóhólníihii baa dahohniihgo bich'į' dahohtaał deidííniid. Áko yaa dahaniihgo bił dahózhǫ́ǫgo dahóótáál áádóó yaa'ádaat'éego nidahasá.

II CHRONICLES 30:12

Áádóó Diyin God éí Júdah dine'é bitahgóó t'áá ła' bijéí yee tsídeideeskéezgo áyiilaa, áko aláahgo naat'áanii índa naat'áanii danilíinii yich'į' yee haadzí'ígíí Bóhólníihii bizaad k'ehgo ádaadzaa.

NEHEMIAH 13:22

Áádóó índa Líívai dine'é ábidííniid, Áda'dołdéehgo áádóó háá'áyį́į́h jínígíí diyingo óolzin doo biniyé nihidoohkahgo dáń'dítį́hí baa ádahołyą́ą doo. ShiDiyin God nílíinii, díí ałdó' bee shéénílniihgo ayóó át'éego aa a'ááh nínízinii bik'ehgo shaa sínízid doo.

NEHEMIAH 13:28

Áko aláahgo náá'iiłniihii Iiláíyashib biye' Jóíyada biye' ła' éí Hóran dine'é Sanbálat yaadaaní nilį́į́ lá; éí bąą hó éí níwehjį' ahonííłchą́ą́'.

EXODUS 14:13

Áko Mózes éí dine'é áyidííniid, T'áadoo nídaałdzidí; dziilí bee adahidíínóhsį́, áko Bóhólníihii bee yisdá'iildéehii deidoołtsééł; éí díí jį́ nihich'į' ííshjání íidoolííł, jó, Ííjip dine'é díí jį́ daoh'ínígíí hool'áágóó doo náádeidoołtséeł da.

LAMENTATIONS 3:26

Bóhólníihii yee yisdá'iiníiłii yíká diné bił chohoo'į́įgo áádóó hazhó'ógo yiba' hasht'edít'éego yá'át'ééh.

JOSHUA 3:17

Áádóó nááda'iiłniihii éí Bóhólníihii bitsits'aa' dílzinii éí bee aha'deet'áanii bii' sinilii deí'aahgo ni' hóółtseigi Jórdan tooh ałníi'gi naazį́į́ nít'éé'; Ízrel dine'é t'áá ałtso ni' hóółtseigóó tsé'naa yikahgo diné ałtso Jórdan tooh ha'naa niikai.

JOSHUA 3:3

diné yich'į' hadaasdzíi'go ádaaní, Bóhólníihii nihiDiyin God bitsits'aa' dílzinii éí bee aha'deet'áanii bii' sinilii Líívai dine'é nááda'iiłniihii éí deí'aahgo deidoołtsééł índa bikéé' dah didoohkahgo bikéé' wohkah doo.

JOSHUA 3:7

Áko Bóhólníihii éí Jáshowa áyidííniid, Díí jį́ Ízrel dine'é t'áá ałtso dabinááł ayóó át'éii nílį́įgo ándeeshłííł, áko díí bił béédahózin doo: Mózes bił honishłǫ́ yę́ęgi át'éego nił honishłǫ́ǫ doo.

JOSHUA 3:9

Áko Jáshowa éí Ízrel dine'é áyidííniid, Wóshdę́ę́' hidohkááh, Bóhólníihii nihiDiyin God bizaad dadidoohts'į́į́ł.

JOSHUA 4:11

Áádóó ákódzaago diné t'áá át'é ałtso tsé'naa niikaigo Bóhólníihii bitsits'aa' dílzinii tsé'naa niit'ą́ índa nááda'iiłniihii diné dabinááł tsé'naa niikai.