JOSHUA 3:7 - Navajo Bible

⁷ Áko Bóhólníihii éí Jáshowa áyidííniid, Díí jį́ Ízrel dine'é t'áá ałtso dabinááł ayóó át'éii nílį́įgo ándeeshłííł, áko díí bił béédahózin doo: Mózes bił honishłǫ́ yę́ęgi át'éego nił honishłǫ́ǫ doo.

JOSHUA 3:7 ပူးပေါင်းရင်းမြစ်များ

I CHRONICLES 29:25

Áádóó Ízrel dine'é t'áá ałtso binááł Bóhólníihii éí Sálaman ayóó át'éego baa ha'niihgo áyiilaa áádóó aláahgo ts'ídá ayóó át'éii naat'ááh ídlį́ haidiní'ą́, áko Ízrel dine'é bitahgi aláahgo naat'áanii nídaadleełii ts'ídá doo ła' ákót'ée da nít'éé'.

II CHRONICLES 1:1

David biye' Sálaman éí bee bóhólníhígíí t'áá íiyisí bóhólníihgo ábi'diilyaa, áko haBóhólníihii Diyin God hoł hólǫ́ǫgo t'áá íiyisí ayóó át'éii jílį́įgo áhoolaa.

JOB Naaltsoos Biyi' Job Baa Hane'ii 7:17

Dinéshą' ha'át'íí át'éego ayóó át'éii nilį́įgo íínísin áádóó baa nitsíníkees

PSALMS 18:35

Nibee yisdá'iildééh naagé ałdó' shaa dííní'ą́, áádóó nigaan nish'náájí bee de áshíínísin, áko ná áhwiinít'į́'íii bee ayóó ánísht'éego áshiinilaa.

JOHN 17:1

Jesus díí saad yee haadzíi'go, yá'ąąshgóó déé'į́į'go ání, ShiTaa', k'ad áajį' ahoolzhiizh; niYe' ayóó át'é ánílééh, áko niYe' ałdó' ayóó át'é ándoolííł,

PHILIPPIANS 1:20

Ts'ídá doo t'óó shaa yáhodoosįįł daígíí t'áá awołí bee bíká shił chohoo'į́įgo neíníshłí, nidi ts'ídá t'áadoosti'ee k'ad hinishná índa t'áá át'é yę́ęgi át'éego hinishnáá léi', doodago éí dasétsą́ą́ léi', t'áá sézį́į́ nít'éé' shee Christ baa ha'niih doo.

JOSHUA 1:17

T'áá ałtsojį' Mózes deísíníilts'ą́ą́' yę́ęgi át'éego daníísíilts'ą́ą' doo; Mózes yił hólǫ́ yę́ęgi át'éego Bóhólníihii niDiyin God éí nił hólǫ́ǫ doo.

JOSHUA 1:5

Diné ts'ídá doo ła' nik'eh dódle' át'éégóó níyoołkáał dooleeł; Mózes bił honishłǫ́ yę́ęgi át'éego nił honishłǫ́ǫ doo; ts'ídá doo ch'ééh ná ádeesht' įįł da; ts'ídá doo yóó'andideesh'áał da.

JOSHUA 1:9

Da' díísh doo bee nich'į' haasdzíi' da? Nidziilgo í'díí'nílzin áádóó chánah í'díí'nílzin; t'áadoo náníldzidí, doodaii' t'áadoo ádił nisindáhí, háálá Bóhólníihii niDiyin God éí t'áá hidínááhgóó nił hólǫ́.

JOSHUA 3:6

Áádóó Jáshowa éí nááda'iiłniihii áyidííniid, Tsits'aa' dílzinii éí bee aha'deet'áanii bii' sinilii nídadooh'aahgo diné bilą́ąjį' deínóh'aah doo. Áko tsits'aa' dílzinii éí bee aha'deet'áanii bii' sinilii nídeidii'ą́ągo diné yilą́ąjį' dah diikai.

JOSHUA 3:8

Áádóó bich'į' bee handziihgo nááda'iiłniihii éí tsits'aa' dílzinii éí bee aha'deet'áanii bii' sinilii deí'aahígíí ábidiní, Jórdan tooh bibąąhjį' oohkaigo Jórdan tooh ałníi'gi hazhó'ó deidoosįįł.

JOSHUA 4:14

Éí bijį́į́dą́ą́' Ízrel dine'é t'áá ałtso dabinááł Bóhólníihii éí Jáshowa ayóó át'éii nilį́įgo áyiilaa, áádóó Jáshowa deidísin nít'éé'; Mózes deidísin yę́ęgi át'éego Jáshowa abíyííłką́ąjį' bił danilį́į́ nít'éé'.