JOSHUA 3:4 - Navajo Bible

⁴ Ákót'ée nidi nihita' ahonízahgi bídadí'nóoł'aał go táadi mííl ké silá ánízahdę́ę́' bikéé' wohkah doo. Tsits'aa' dílzinii éí t'áadoo bit'áahjį' nidaahkaí, áko disoohkaigóó nihił béédahózin doo, háálá t'ah doo kojį' dohkáah da nít'éé'.

JOSHUA 3:4 ပူးပေါင်းရင်းမြစ်များ

GENESIS 31:2

Ákohgo Jéíkab éí Léíban baa ákozniizį́į'go t'ah nahdę́ę́' hach'į' át'éé nít'éé' yę́ę doo ákót'ée da.

I CHRONICLES 11:2

Hoolzhiizhdę́ę́' Saul aláahgo nihinanit'a'í nilį́ yę́ędą́ą́' ni lą́ą Ízrel dine'é niidlíinii dah nihidini'eezh áádóó yah anánihííní'eezh. Bóhólníihii nihiDiyin God ándííniid, Shidine'é Ízrel ba'íłtso' doo índa Ízrel dine'é aláahgo binanit'a'í nílį́į doo.

PSALMS 25:12

Háí diné shį́įshą' Bóhólníihii yidísinii nilį́? Éí diné joogááł dooleełgóó nizhdiní'ą́ągo ákǫ́ǫ́ Bóhólníihii nahonitin doo.

PSALMS 89:7

Éí Diyin God nilíinii bidiyį́į́' áłah nídaadleehgi t'áá íiyisí bits'ąą daasti'go ádabósin, áádóó binaagóó naaldeehii t'áá ałtso t'áá íiyisí bits'ąą daasti'go ádabósin.

EXODUS 19:12

Áko dziłtsį́į́góó diné bich'ą́ąhgi hoodzogo ádíílíiłgo ábididííniił, Ádaa ádahołyą́; t'ááká ła' dził bóohááh lágo; bibąąhgi nidi doo ła' bíhididooh'náał da; t'áá háiida dził yíhidéé'ná'ígíí t'áá aaníí hodi'yoolyééł.

EXODUS 3:5

Áádóó áhodííniid, T'áadoo wóshdę́ę́' hidínáhí; nikee' hadiidlé, háálá sínízínígi hodiyingo haz'ą́.

EXODUS 4:10

Nidi Mózes éí Bóhólníihii áyidííniid, Shoo, Bóhólníihii, t'áá shiidą́ą'dii shí doo ayóogo yáshti' da; ts'ídá átsé ná naal'a'í nishłíinii shich'į' háínídzíí' yę́ędóó nidi ch'ééh haasdziih; saad shił nantł'a.

ISAIAH 30:33

Háálá Tófet éí ałk'idą́ą́' hasht'ehoolyaa; t'áá aaníí, aláahgo naat'áanii nilíinii bá hasht'eelyaa; hótsaago áádóó nízaadgóó hooldzisgo áyiilaa; chizh bee adidoolk'ą́ąłii yanáa'áago ályaa; tsékǫ' adíínóód nahalingo Bóhólníihii biyol yee yididoołtłił.

ISAIAH 48:17

Bóhólníihii, nik'éniná'ídláii Ízrel dine'é biDiyin nilíinii ání, Shí Bóhólníihii niDiyin God nishłíinii éí ná yá'át'éehii áádóó ná honít'i'góó yínááł dooleełgo yínaniniłtinii nishłį́.

JOSHUA 3:3

diné yich'į' hadaasdzíi'go ádaaní, Bóhólníihii nihiDiyin God bitsits'aa' dílzinii éí bee aha'deet'áanii bii' sinilii Líívai dine'é nááda'iiłniihii éí deí'aahgo deidoołtsééł índa bikéé' dah didoohkahgo bikéé' wohkah doo.

JOSHUA 3:5

Áádóó Jáshowa éí diné áyidííniid, T'áá nihí diyingo áda'didoołnííł, háálá yiską́ągo nihitahgi Bóhólníihii álílee ayóó ádaat'éii íidoolííł.