JOSHUA 3:3 - Navajo Bible

³ diné yich'į' hadaasdzíi'go ádaaní, Bóhólníihii nihiDiyin God bitsits'aa' dílzinii éí bee aha'deet'áanii bii' sinilii Líívai dine'é nááda'iiłniihii éí deí'aahgo deidoołtsééł índa bikéé' dah didoohkahgo bikéé' wohkah doo.

JOSHUA 3:3 ပူးပေါင်းရင်းမြစ်များ

II SAMUEL 6:13

Ákódzaago Bóhólníihii bitsits'aa' dílzinii hastą́ą́h adées'eezjį' nideiz'ą́ągo hániik'ehgo ákwii béégashii índa béégashii yáázh daneesk'ahii náádahaaznii'.

II SAMUEL 6:3

Áko Diyin God bitsits'aa' dílzinii éí tsinaabąąs naadlózígíí ániidígíí yikáá' dah deiz'ą́; éí Abínadab bikindóó ch'ídeiz'ą́; Gíbiyah kin haal'áagi kééhat'į́įgo Abínadab biye'ké Ázah índa Aháíyo éí tsinaabąąs naadlózígíí ániidígíí dah yidiilóóz.

I KINGS 8:3

Áko Ízrel dine'é aląąjį' naazíinii neheeskaigo nááda'iiłniihii éí Bóhólníihii bitsits'aa' dílzinii nídeidii'ą́.

JEREMIAH 33:18

Shinááł Líívai dine'é bits'ą́ą́dóó náás oochíiłgo náá'iiłniihii danilínígíí éí didlidgo nááhániihii áádóó ak'áán nááhániihii índa náá'iiłniih dooleełii ts'ídá doo bídin hóyée' da doo.

NUMBERS 10:33

Áádóó Bóhólníihii bidziłdóó dashdiináago tágí jį́ joonééł; há dazdéez'į́į'go Bóhólníihii bitsits'aa' dílzinii éí bee aha'deet'áanii bii' sinilii halą́ąjį' yit'áałgo tágí jį́ joonééł, áko haa'ída nidahizhdoonéełgi baa nidazh'nitá.

NUMBERS 4:15

Áko nihináá'í'néehgo Éran áádóó biye'ké éí hodiyingo haz'ą́ągi bee hahodít'éii áádóó hodiyingo haz'ą́ągi chodao'íinii t'áá át'é ałtso hasht'éédayiil'įįhdóó bik'ijį' Kóhath dine'é binaanish ádayósingo deíyeeh doo yiniyé nídaakah doo; éí t'áá ha'át'íhída diyinígíí doo yidadólchííd át'ée da doo, éí doodaii' ła'da yideelchidgo dadootsaał. Éí níbaal bii' dahozdísinii bii'ígíí Kóhath dine'é da'ahílchíihii dabiyéél.

MATTHEW 16:24

Áko Jesus éí hódahooł'aahii ábizhdííniid, Diné t'áá háiida shikéé' dashdiigháhígíí éí ádeizhdiyoo'nah, áko hatsin ałnáoszid nízhdidootį́į́ł áádóó shikéé' joogáał doo.

MATTHEW 8:19

Nít'éé' bee haz'áanii yínda'niłtinii ła' níyáago áhodííniid, Na'nitiní, t'áá nanináágóó nikéé' naasháa doo.

DEUTERONOMY 31:25

Mózes éí Líívai dine'é bich'į' díí bee hadzoodzíí'; Bóhólníihii bitsits'aa' dílzinii éí bee aha'deet'áanii bii' sinilii yaa ádahalyą́ągo nidei'áii ábijiní,

DEUTERONOMY 31:9

Áádóó Mózes díí bee haz'áanii yee ak'e'ashchį́įgo Líívai dine'é nááda'iiłniihii éí Bóhólníihii bitsits'aa' dílzinii éí bee aha'deet'áanii bii' sinilii deí'aahígíí áádóó Ízrel dine'é bitahgi aląąjį' naazíinii t'áá ałtso baazhdiní'ą́.

JOSHUA 3:4

Ákót'ée nidi nihita' ahonízahgi bídadí'nóoł'aał go táadi mííl ké silá ánízahdę́ę́' bikéé' wohkah doo. Tsits'aa' dílzinii éí t'áadoo bit'áahjį' nidaahkaí, áko disoohkaigóó nihił béédahózin doo, háálá t'ah doo kojį' dohkáah da nít'éé'.

JOSHUA 3:6

Áádóó Jáshowa éí nááda'iiłniihii áyidííniid, Tsits'aa' dílzinii éí bee aha'deet'áanii bii' sinilii nídadooh'aahgo diné bilą́ąjį' deínóh'aah doo. Áko tsits'aa' dílzinii éí bee aha'deet'áanii bii' sinilii nídeidii'ą́ągo diné yilą́ąjį' dah diikai.

JOSHUA 3:8

Áádóó bich'į' bee handziihgo nááda'iiłniihii éí tsits'aa' dílzinii éí bee aha'deet'áanii bii' sinilii deí'aahígíí ábidiní, Jórdan tooh bibąąhjį' oohkaigo Jórdan tooh ałníi'gi hazhó'ó deidoosįįł.

JOSHUA 4:10

Háálá nááda'ii łniihii éí tsits'aa' dílzinii deí'aahígíí Jórdan tooh nílį́į́ nít'éé' yę́ę ałníi'gi naazį́įgo Bóhólníihii éí Jáshowa yich'į' yee haadzíi'ii diné bich'į' ałtso bee hazdoodzih biniyé, Jáshowa éí Mózes hach'į' yee haadzíi'ii t'áá át'é bik'eh ádziidzaa. Haneetehee diné tsé'naa niildee'.

JOSHUA 6:6

Áko Nan biye' Jáshowa éí nááda'iiłniihii hágo bizhdííniidgo ábizhdííniid, Tsits'aa' dílzinii éí bee aha'deet'áanii bii' sinilii nídadooh'aah áádóó háni' nááda'iiłniihii tsosts'id yilt'éego éí Bóhólníihii bitsits'aa' dílzinii bilą́ąjį' deenásts'aa' bidee' bee í'dílzoołí tsosts'idgo dayíjáah doo.

REVELATION 14:4

Díí lą́ą asdzání doo yee ádadoolchǫ'ii; doo da'ayéehii danilį́. Díidí Dibé Yázhí nilíinii t'áá naagháágóó yikéé' nidaakai; díidí átsé aneest'ą' danilį́įgo diné bitahdóó Diyin God índa Dibé Yázhí nilíinii ádá nááyiisnii'.

I SAMUEL 6:15

Áádóó Líívai dine'é éí Bóhólníihii bitsits'aa' dílzinii áádóó éí bíighahgi óola bee bééda'alyaii tsits'aa' biyi' sinilígíí adadeiz'ą́ągo, tsé ayóó áníłtsoii yikáa'gi dah deiznil, áko Beth-shíímesh dine'é éí didlidgo náádahaniihii índa náádahidoonihgo náádahaniihii t'áá éí bijį́ Bóhólníihii yich'į' náádayiisnii'.