JOSHUA 3:16 - Navajo Bible

¹⁶ áko íídą́ą́' tooh wódahdę́ę́' nílínígíí Záretan t'áá áyídígi Ádam kin haal'áhídóó nízaadi i'nool'ąądgo áhodiilzee'go doo nílį́į da índa nihidii'á silį́į́'; dzígaigi tónteel siyínígíí, éí Tónteel Dók'ǫ́ǫzhii hoolyéii, bich'į'go tó nílínígíí íígo', índída Ízrel dine'é éí Jériko bich'ijigo tsé'naa niníná.

JOSHUA 3:16 ပူးပေါင်းရင်းမြစ်များ

GENESIS 14:3

Díí t'áá ádzíłtso Sídim honíteelgi ahídajiiznáago ałch'odadzis'ni'; ákwii Tónteel Dók'ǫ́ǫzhii hoolyé.

I KINGS 4:12

Aháílad biye' Béíyana éí Téíyanak kin haal'áádę́ę́' áádóó Megído kin haal'áádę́ę́' índa Beth-shíyan nahós'a' t'áá át'é bits'ą́ą́dóó éí Jézriyel kin haal'á biyeigóó Zartéínah haz'ání bíighahgóó nahós'a'ígíí índa Beth-shíyan kin haal'áádóó Éíbel-miihólah kin shijaa'jį' éí Jákniyam kin shijaa' bilááhdę́ę́' ch'iyáán nináyiijááh.

I KINGS 7:46

Jórdan tooh bíighahgi halgai hóteelgi aláahgo naat'áanii bíniik'ehgo Sákath haz'ání áádóó Zárthan haz'ání bita'gi bis hólónígi béésh łitsoii doolyį́į'go chodao'íinii áyiilaa.

PSALMS 114:3

Tónteel iiłtsą́ągo dah diina'; Jórdan tooh t'ą́ą́' anábi'doolk'ol.

PSALMS 114:5

Tónteel yinílyéii, haash yinidzaago dah dinina' lá? Jórdan tooh yinílyéii, haash yinidzaago t'ą́ą́' anáń'doolk'ol?

PSALMS 29:10

Tó yíląąd yę́ędą́ą́' Bóhólníihii hoo'áałgo dah sidáá nít'éé'; t'áá aaníí Bóhólníihii aláahgo naat'áanii nilį́įgo hoo'áałgo dah sidáago ahóyéel'áa doo.

PSALMS 33:7

Tó ałt'anehegeehgo ałk'iditą́ągo áyiilaa; kin biyi' hasht'e'na'aznilígi át'éego tónteel ayóó íídéetą́'ígíí beełt'éego hasht'éyiilaa.

PSALMS 66:6

Tónteelgi hóółtseigo áhoolaa. Diné t'áá ni' tooh ha'naa niníná; áadi hwee nihił nidahoozhǫǫh nít'éé'.

PSALMS 74:15

Tó hadaazlį́į doo biniyé áádóó tó danílį́į doo biniyé ąą bídazdííníłhaal, áádóó tooh ayóó ánéelą́ą́' danílį́į́ nít'éé' yę́ę nídéíníłtsei.

PSALMS 77:19

Tónteel biyi'góó nik'eh honít'i'; tó ayóó át'éii bii'góó ne'atiin, nidi nikék'eh hashchíín doo bééhózin da.

PSALMS 78:13

Tónteel aháíyííłk'olgo ákóne' tsé'naa ho'níłnii', áádóó tó ałts'ą́ą́hjí ní'áago áyiilaa.

EXODUS 14:21

Áko Mózes éí tónteel yikáa'jigo dah didiilnii'go Bóhólníihii éí ha'a'aahdę́ę'go tł'éé' bíighah ayóó át'éego níyolgo áyiilaa; éí bee tónteel t'ą́ą́' anáálzhiizh; tónteelígíí ałts'á yííłk'olgo ni' yíłtseigo áyiilaa.

EXODUS 14:22

Áko Ízrel dine'é éí tónteel biyi' ni' yíłtseii yikáá' ha'naa deezná, áko honish'náájí índa honishtł'ají ałts'ą́ą́hjí tó nihidii'á silį́į́'.

EXODUS 14:29

Nidi Ízrel dine'é éí tónteel biyi' ni' yíłtseii yikáá' ha'naa niníná, jó, honish'náájí índa honishtł'ají ałts'ą́ą́hjí tó nihidii'á.

EXODUS 15:8

Níníí'dę́ę́' bee náhidíyoołii bee tó ahąh íinilaa; tó ałt'ah nehegeehgo nídiidzá; tó ditáanii bitł'áahjį'go tónteel yíníłtł'is.

ISAIAH 50:2

Ha'át'íísh bąą aadi níyá yę́ędą́ą́' doo naagháhí da? Nihíká ádííniid yę́ędą́ą́' ha'át'íísh bąą t'áadoo shich'į' hadasoohdzíi' da? Da' nihik'é niná'deeshdléełgiísh shíla' bi'oh neel'ą́? Da' háánihideeshniłgi doósh bich'į' shidziil da? Jó, hoshishkéego tónteel nínáltsih índa tooh danílíinii hóółtseiigo ánásh'įįh; tó ádaadinígíí biniinaa łóó' dibáá' nídabigą́ą́h áádóó nídadiłdzi'go daniłchxon łeh.

EZEKIEL 47:8

Áádóó áshíłní, Tó nílínígíí éí ha'a'aahjigo nahós'a'góó íílį́įgo honoojí biih yílį́į́dóó tónteel biih yílį́, áko tónteel dík'ǫ́ǫzhii łikango ánéidoodlííł.

NAHUM 1:4

Tónteel néiditehgo nínéíłtsih, índa tooh danílíinii ałtso nínádeiłtsih. Béíshan kéyahgi áádóó Dził Kármelgi ałtso dahazgan. Dził Lébanangi ch'ilátah hózhóón bił dahazgango bił yóó'ahóóyá.

HABAKKUK 3:8

Łį́į́' bee nida'abaahii áádóó nitsindaabąąs bijáád naakiígíí bee yisdá'iildéehii bee nanibaah yę́ędą́ą́', Bóhólníihii nílíinii, tooh danílínígíísh bich'į' doo nił hóózhǫǫd da? Da' tooh danílínígíísh bich'į' náhóóchįįd? Doodaii' tónteel siyínígíísh bich'į' hashké ninidzį́į́'?

NUMBERS 34:3

áko shádi'ááhjí hoodzo dooígíí éí honoojí Zin hoolyéédóó Íídam bihoodzo booshk'iizhgóó éí shádi'ááhjí nihoodzo dooígíí Tónteel Dók'ǫ́ǫzhii nineel'ánídóó ha'a'aahjigo hoodzo dooleeł,

DEUTERONOMY 1:1

Mózes díí saadígíí bee Ízrel dine'é t'áá ałtso bich'į' bee hadzoodzíí': éí Jórdan tooh ha'a'aahjigo k'íhoneezláá góyaa Tónteel Łichíí' binaashiijí éí Péíran honoojí áádóó Tófel áádóó Léíban áádóó Hazíírath índa Dáízahab nahós'a'gi hadzoodzíí'.

DEUTERONOMY 3:17

Jórdan tooh bibąąhgi dahoníteelígóó Kíniireth hoolyéédóó Tónteel Dók'ǫ́ǫzhii hoolyéhíjį' éí Dził Pízgah bitsį́į́dóó ha'a'aahjigo ałdó' baa diní'ą́.

JOSHUA 12:3

áádóó ha'a'aahjigo Áraba dzígaidóó be'ek'id Kíniirathjį' áádóó Beth-jéshimath kin shijaa' bich'ijígo Áraba dzígaigi be'ek'idíjį', t'áá éí Tónteel Dók'ǫ́ǫzhii hoolyéejį' índa shádi'áahjigo Dził Pízgah bitsį́įjį' yee bóhólnííh nít'éé',

JOSHUA 15:2

Áádóó shádi'ááhjí bihoodzo dooígíí éí Tónteel Dók'ǫ́ǫzhii nineel'ánídóó, táłts'á hiníyínídóó hodeesdzo,

JOSHUA 16:7

índa Janówahdóó Átarath kin shijaa'jį' índa Néíyarah kin shijaa' góyaa hodeesdzo, áádóó Jériko kin haal'áajį' índa Jórdan toohjį' hodeesdzo.

JOSHUA 3:13

Áádóó kót'ée doo: nááda'iiłniihii éí Bóhólníihii bitsits'aa' dílzinii deí'aah dooígíí taah dadeestáalgo, éí nahasdzáán t'áá át'é bee Bóhólníihii bitsits'aa' dílzinii éí bee Jórdan tooh áhodidoolzih, áko Jórdan tooh wódahdę́ę́' nílínígíí áhodiilzee'go doo nílį́į da dooleeł índa nihidii'áa dooleeł.

JOSHUA 4:22

Ákohgo díí nihada'áłchíní bee bił dahołne'go bił béédahodoozįįł, Ízrel dine'é bá díí Jórdan tooh ha'naa nihoníłtseiigo tsé'naa niníná.

JOSHUA 5:1

Ákódzaago Ámor dine'é aláahgo bindanit'a'í t'áá ałtso Jórdan tooh biláahdi e'e'aahjigo kéédahat'ínígíí índa Kéínan dine'é aláahgo bindanit'a'í t'áá ałtso tónteel bíighahgóó kéédahat'ínígíí Bóhólníihii éí Jórdan tooh ha'naa niiníłtseiigo Ízrel dine'é binááł tsé'naa ałtso ninii'nánígíí yaa dahodiizts'ą́ą'go éí yik'ee bijéí nitsidaastłah índa doo bił chodahóó'įįd da, háálá Ízrel dine'é biniinaa ákódadziidzaa.

JUDGES 7:22

Deenásts'aa' bidee' bee í'dílzoołí táadi neeznádiingo yee ádaaníigo Bóhólníihii éí ana'í t'áá át'é t'ááłá'í nítínígo bidiltłish yee ałtaa alghaałgo áyiilaa, índa ana'í éí Beth-shítah kin shijaa'góó Zerérah nahós'a' bich'į'go aheezhjéé' áádóó Éíbel-miihólah kin shijaa'góoda éí Tábath nahós'a'góó ałdó' aheezhjéé' lá.