JOSHUA 3:14 - Navajo Bible

¹⁴ Ákódzaago diné dabiníbaaldóó Jórdan tooh ha'naagóó dah dadiináago tsits'aa' dílzinii éí bee aha'deet'áanii bii' sinilii diné yilą́ąjį' deí'aahgo yikah.

JOSHUA 3:14 ပူးပေါင်းရင်းမြစ်များ

PSALMS 132:8

Bóhólníihii nílíinii, díldzííł, háánílyį́įh dooleełgóó tsits'aa' dílzinii nidziil bee bééhózinii bił dínááh.

JEREMIAH 3:16

Éí yoołkáałdi kéyah t'áá náhwiist'ą́ą́ nít'éé' bii' k'ee'ąą dínóoht'ą́ągo t'óó ahayóí soolį́į'go, Bóhólníihii bitsits'aa' bee aha'deet'áanii, doo daaníi da doo. Éí doo bąą tsínáhodookos da, doo bééhodoonih da, doo baa nináhodínóotaał da, doo ánáádoolníił da, ní Bóhólníihii.

DEUTERONOMY 31:26

Díí naaltsoos bii' bee haz'áanii bee ak'e'ashchínígíí nídooh'aahgo Bóhólníihii nihiDiyin God bitsits'aa' dílzinii bíighahgi ninoh'aah; nihidiilkaalgo yáłti' doo biniyé ákwii si'ą́ą doo.

HEBREWS 9:4

Ákóne' bikáá' náá'iiniihí óola bik'ésti'go si'ą́, éí bikáa'gi tsin bijeeh dilidgo łikání halchinii nídídli', áádóó tsits'aa' dílzinii óola t'áá át'éé nít'éé' bik'ésti'go ałdó' si'ą́, éí biyi' góne' óola ásaa' éí bááh mána wolyéii bee siką́ągo bii' siką́, áádóó Éran bigish ch'il nahalingo bílátah da'iichiihii ałdó' bii' sitą́, índa bee aha'deet'áanii bee tsé bik'e'ashchį́įgo ałdó' bii' sinil.

JOSHUA 24:11

Áko Jórdan tooh ha'naa ninoonáago Jériko kin haal'áajį' nooná, áádóó Jériko dine'é nihik' iijéé', áko Ámor dine'é, Píírez dine'é, Kéínan dine'é, Het dine'é, Gírgas dine'é, Háíva dine'é índa Jííbas dine'é éí t'áá ájít'é nihílák'ee hodíí'ą́.

JOSHUA 3:3

diné yich'į' hadaasdzíi'go ádaaní, Bóhólníihii nihiDiyin God bitsits'aa' dílzinii éí bee aha'deet'áanii bii' sinilii Líívai dine'é nááda'iiłniihii éí deí'aahgo deidoołtsééł índa bikéé' dah didoohkahgo bikéé' wohkah doo.

JOSHUA 3:6

Áádóó Jáshowa éí nááda'iiłniihii áyidííniid, Tsits'aa' dílzinii éí bee aha'deet'áanii bii' sinilii nídadooh'aahgo diné bilą́ąjį' deínóh'aah doo. Áko tsits'aa' dílzinii éí bee aha'deet'áanii bii' sinilii nídeidii'ą́ągo diné yilą́ąjį' dah diikai.

JOSHUA 6:6

Áko Nan biye' Jáshowa éí nááda'iiłniihii hágo bizhdííniidgo ábizhdííniid, Tsits'aa' dílzinii éí bee aha'deet'áanii bii' sinilii nídadooh'aah áádóó háni' nááda'iiłniihii tsosts'id yilt'éego éí Bóhólníihii bitsits'aa' dílzinii bilą́ąjį' deenásts'aa' bidee' bee í'dílzoołí tsosts'idgo dayíjáah doo.