JOSHUA 3:13 - Navajo Bible

¹³ Áádóó kót'ée doo: nááda'iiłniihii éí Bóhólníihii bitsits'aa' dílzinii deí'aah dooígíí taah dadeestáalgo, éí nahasdzáán t'áá át'é bee Bóhólníihii bitsits'aa' dílzinii éí bee Jórdan tooh áhodidoolzih, áko Jórdan tooh wódahdę́ę́' nílínígíí áhodiilzee'go doo nílį́į da dooleeł índa nihidii'áa dooleeł.

JOSHUA 3:13 ပူးပေါင်းရင်းမြစ်များ

I CHRONICLES 29:11

Bóhólníihii nílíinii, ayóó ánít'é áádóó nidziil áádóó naa ha'niih áádóó ak'eh hidídleeh áádóó aláahdi ánít'é, háálá yádiłhił biyi' dahólóonii índa nahasdzáán bikáá' dahólóonii t'áá ałtso níí' át'é; t'áá ałtso bee nóhólnííh, Bóhólníihii nílíinii, áádóó wódahgo áni'dólzingo t'áá ałtso binanít'á.

PSALMS 33:7

Tó ałt'anehegeehgo ałk'iditą́ągo áyiilaa; kin biyi' hasht'e'na'aznilígi át'éego tónteel ayóó íídéetą́'ígíí beełt'éego hasht'éyiilaa.

PSALMS 74:15

Tó hadaazlį́į doo biniyé áádóó tó danílį́į doo biniyé ąą bídazdííníłhaal, áádóó tooh ayóó ánéelą́ą́' danílį́į́ nít'éé' yę́ę nídéíníłtsei.

PSALMS 78:13

Tónteel aháíyííłk'olgo ákóne' tsé'naa ho'níłnii', áádóó tó ałts'ą́ą́hjí ní'áago áyiilaa.

EXODUS 15:8

Níníí'dę́ę́' bee náhidíyoołii bee tó ahąh íinilaa; tó ałt'ah nehegeehgo nídiidzá; tó ditáanii bitł'áahjį'go tónteel yíníłtł'is.

ISAIAH 54:5

Háálá Ániilaii éí nahastiin át'é; t'áá ałtsoní bee Bóhólníihii bi'di'ní, áádóó Ízrel dine'é biDiyin nilíinii nik'é niná'ídláii éí nahasdzáán t'áá náhwiiz'ą́ą́ nít'éé' biDiyin God bi'di'níi doo.

HABAKKUK 3:15

Tónteel éí ayóó át'éego yilk'oołgo bikáá' ha'naa łį́į́' nił niikai.

ZECHARIAH 4:14

Ákohgo áshidííniid, Díí nizhdilt'éego ak'ah bee alzį́įhii bee ats'áho'dee'nilgo nahasdzáán t'áá si'ą́ą́ nít'éé' bee Bóhólníihii bíighahdóó dzizíinii ájít'į́.

JOSHUA 3:11

Jó, nahasdzáán t'áá át'é bee Bóhólníihii bitsits'aa' dílzinii éí bee aha'deet'áanii bii' sinilii nihilą́ąjį' Jórdan tooh ha'naa nidoot'ááł.

JOSHUA 4:7

Áko éí bee bił nídahołne' dooleeł, Bóhólníihii bitsits'aa' dílzinii éí bee aha'deet'áanii bii' sinilii bidáahgi Jórdan tooh dah néísk'ol; éí Jórdan tooh ha'naa niit'aahgo Jórdan tooh ał'ąą niilk'ol. Áko díí tséhígíí éí Ízrel dine'é bee ééhániihii át'éego ahóyéel'áa dooleeł.