JOSHUA 3:12 - Navajo Bible

¹² Éí bąą k'ad Ízrel dine'é bitahdóó diné naakits'áadahgo nídiinííł; diné t'ááł á'í nítínígo ał'ąą dóone'é danilį́įgo nídidíínił.

JOSHUA 3:12 ပူးပေါင်းရင်းမြစ်များ

NUMBERS 13:2

Diné dadíł'áago Kéínan kéyah hadeidoosił; éí Ízrel dine'é baa dinish'aahígíí dabizhé'é yę́ę bidine'é t'áá ałtso bitahdóó aląąjį' naazínígíí ła' dadííł'aał.

JOSHUA 3:13

Áádóó kót'ée doo: nááda'iiłniihii éí Bóhólníihii bitsits'aa' dílzinii deí'aah dooígíí taah dadeestáalgo, éí nahasdzáán t'áá át'é bee Bóhólníihii bitsits'aa' dílzinii éí bee Jórdan tooh áhodidoolzih, áko Jórdan tooh wódahdę́ę́' nílínígíí áhodiilzee'go doo nílį́į da dooleeł índa nihidii'áa dooleeł.

JOSHUA 4:2

Diné bitahdóó diné naakits'áadahgo nídidíínił; t'ááłá'í nítínígo ał'ąą dóone'é danilį́įgo nídidíínił.

JOSHUA 4:4

Áko Jáshowa éí diné naakits'áadahgo nízhdiinilígíí bíká ázhdííniid; éí Ízrel dine'é bitahdóó t'ááłá'í nítínígo ał'ąą dóone'é danilį́.

JOSHUA 4:9

Áádóó Jáshowa éí tsé naakits'áadahgo Jórdan tooh nílį́į́ nít'éé' yę́ę ałníi'gi ałk'i dziztł'in; nááda'iiłniihii éí tsits'aa' dílzinii éí bee aha'deet'áanii bii' sinilii deí'aahígíí naazínígi niinínil, áko éí díí jį́į́góó t'ahdii t'áá ákwii sinil.