JOSHUA 3:11 - Navajo Bible

¹¹ Jó, nahasdzáán t'áá át'é bee Bóhólníihii bitsits'aa' dílzinii éí bee aha'deet'áanii bii' sinilii nihilą́ąjį' Jórdan tooh ha'naa nidoot'ááł.

JOSHUA 3:11 ပူးပေါင်းရင်းမြစ်များ

I CHRONICLES 29:11

Bóhólníihii nílíinii, ayóó ánít'é áádóó nidziil áádóó naa ha'niih áádóó ak'eh hidídleeh áádóó aláahdi ánít'é, háálá yádiłhił biyi' dahólóonii índa nahasdzáán bikáá' dahólóonii t'áá ałtso níí' át'é; t'áá ałtso bee nóhólnííh, Bóhólníihii nílíinii, áádóó wódahgo áni'dólzingo t'áá ałtso binanít'á.

JOB Naaltsoos Biyi' Job Baa Hane'ii 41:11

Háísh éí t'áadoo le'é sheiníláago bich'į' niná'deeshdlééh? Yá'ąąsh biyaagi t'áá át'é t'áá ha'át'íhída dahólóonii éí t'áá ałtso shí.

PSALMS 24:1

Nahasdzáán éí Bóhólníihii bí áádóó bee hadít'éii ałdó' t'áá ałtso bí; nahasdzáán índa yikáá' kéédahat'íinii ałdó' bíí' danilį́,

PSALMS 97:5

Nahasdzáán t'áá si'ą́ą́ nít'éé' bee Bóhólníihii honíle'go bik'ee ak'ah dííłhį́'ígi át'éego dził dadííłhį́į́'.

ISAIAH 3:12

Shidine'é danilíinii éí áłchíní hach'į' nidahwiiłná áádóó sáanii ałdó' hwee ádídahólnííh. Shidine'é danohłíinii, nihindanit'a'í t'áá áhoodzaagóó danihí'éésh áádóó bik'ehgo dayínóhkáahii nihits'ą́ą́' nidayiishchxǫ'.

ISAIAH 54:5

Háálá Ániilaii éí nahastiin át'é; t'áá ałtsoní bee Bóhólníihii bi'di'ní, áádóó Ízrel dine'é biDiyin nilíinii nik'é niná'ídláii éí nahasdzáán t'áá náhwiiz'ą́ą́ nít'éé' biDiyin God bi'di'níi doo.

JEREMIAH 10:7

Ał'ąą dine'é Aláahgo Binanit'a'í nílíinii, háísh doo nidósin da doo? Jó, ákódajit'į́į doo nít'éé', háálá ał'ąą dine'é bitahdóó diné dahóyáanii t'áá ałtso índa bee ídahólníihgo bił nahaz'ą́ą́góó t'áá ałtso éí bitahdóó t'áadoo ła' nigi át'éhí da.

MICAH 4:13

Záíyan bich'é'é nílíinii, nídiidááh áádóó ha'í'íł'éés; jó, béésh nitł'izii nidee'go índa béésh łitsoii nikee'go ándeeshłííł, áko lą'í diné nihidííłhał áádóó há ída'iidélígíí índa hanaalye'é danilíinii éí nahasdzáán t'áá át'é biBóhólníihii bá ats'ádideesh'ááł.

ZEPHANIAH 2:11

Ts'ídá t'óó báhádzidígi át'éego Bóhólníihii hak'ijį' dooleeł, áko nahasdzáán bikáá' diyin dabidi'níinii t'áá ałtso yaa nididoodaał, áádóó ał'ąą dine'é t'ááłá'í nítínígo t'áá bił nahaz'ą́ą́dę́ę́' t'áá ałtso hach'į' nidahałáa doo.

ZECHARIAH 14:9

Áko Bóhólníihii éí nahasdzáán nidahonees'ą́ą́góó t'áá át'é yinant'áa doo. Éí bijį́įdi t'ááłá'í Bóhólníihii nilį́į doo índa t'ááłá'í t'éí bízhi' doo.

ZECHARIAH 4:14

Ákohgo áshidííniid, Díí nizhdilt'éego ak'ah bee alzį́įhii bee ats'áho'dee'nilgo nahasdzáán t'áá si'ą́ą́ nít'éé' bee Bóhólníihii bíighahdóó dzizíinii ájít'į́.

ZECHARIAH 6:5

Nít'éé' diyingo naal'a'í áshidííniid, Díí yá'ąąshdę́ę́' níłch'i dį́į́' ał'ąą át'éego Bóhólníihii yidááhdóó naazį́į́ nít'ée'ii ni' nidahonees'ą́ą́góó dadeeskaígíí ádaat'į́.

DEUTERONOMY 9:3

Éí bąą díí jį́ díí bik'ida'doohtįįh: Bóhólníihii nihiDiyin God kǫ' ó'oołdįįłígi át'éego nihilą́ąjį' ha'naa nihodooleełgo áhodoołdįįł. Nihidáahjį' yi'iiłníihgo ch'ídahidínóołkał, áádóó t'áadoo hodina'í ałtso ádadoołdįįł; jó, Bóhólníihii ákónihidííniid.

JOSHUA 3:13

Áádóó kót'ée doo: nááda'iiłniihii éí Bóhólníihii bitsits'aa' dílzinii deí'aah dooígíí taah dadeestáalgo, éí nahasdzáán t'áá át'é bee Bóhólníihii bitsits'aa' dílzinii éí bee Jórdan tooh áhodidoolzih, áko Jórdan tooh wódahdę́ę́' nílínígíí áhodiilzee'go doo nílį́į da dooleeł índa nihidii'áa dooleeł.