JOSHUA 3:1 - Navajo Bible

¹ T'ah abíínídą́ą́' Jáshowa nídii'na'go Shíttimdóó dah náádadii'ná, áko Jórdan toohjį' Ízrel dine'é t'áá ałtso bił jiníná, índa t'ah doo ha'naa niinééhgóó t'áá ákwii dabiiską́.

JOSHUA 3:1 ပူးပေါင်းရင်းမြစ်များ

GENESIS 21:14

Áko Éíbraham t'áá íiyisí abínígo nízhdii'na'go bááh áádóó tó abid bił nízhdiinilgo Héígar baazhnínilgo nihiiníłjid, áádóó ashkii bił dashdiił'a'go dah dii'áázh, áádóó Bíyer-shííba hoolyéedi kéyah bii' doo naagháhídi niji'aash.

GENESIS 22:3

Áádóó Éíbraham t'áá íiyisí abínígo nízhdii'na'go hatélii bik'i dah adziznil áádóó hatsíłkéí naaki ádíjii'nil; haye' Áízak ałdó' bił bee adidlidgo náá'iiniih biniyé chizh ahizhdííłkaal. Diyin God doohkah hałnínę́ęgóó dashdiikai.

PSALMS 119:60

T'áadoo át'ah hwiindziní nibik'eh ó'oo'níiłii bik'eh hosíł'įįd.

JEREMIAH 25:3

Éíman biye' Josáíyah éí Júdah dine'é aláahgo yinant'áago táá'ts'áadah náhááh góne' áádóó wóshdę́ę́' díí jį́įjį' Bóhólníihii shich'į' hanádzihgo naadiin táá' nááhai, áko t'ah abíínídą́ą́' náádiish'nahgo nihich'į' yáshti'go t'áadoo dasidoots'ą́ą' da.

JEREMIAH 26:5

áko t'ah abínídą́ą́' náádiish'nahgo Diyin God yá dahalne'ii shá nidaal'a'í danilíinii bá deínółts'ą́ą' dooleeł biniyé nihich'į' ahéł'a', nidi t'áadoo bá dasidoots'ą́ą' da,

JEREMIAH 7:13

Áko k'ad díí t'áá ałtso baa nisíníyá, ní Bóhólníihii, áádóó t'ah abíínídą́ą́' náádiish'nahgo nich'į' yéíłti', nidi t'áadoo disíníts'ą́ą' da, índa nich'į' haasdzíi' nidi, t'áadoo shich'į' ééhosínísįįd da;

MICAH 6:5

Shidine'é nohłíinii, Mó'ab dine'é aláahgo binanit'a'í Béílak yinahazgizii áádóó Bíyor biye' Béílam hach'į' t'ą́ą́' yee hanáádzíi'ii índa Shíttim haz'ánídóó Gílgal kin haal'áajį' áhoodzaii béédaałniih, áko Bóhólníihii bit'áá ákogi át'éii nihił béédahodoozįįł.

NUMBERS 25:1

Shíttimgi Ízrel dine'é kééhat'į́įgo Mó'ab dine'é bitsi'ké yił ajił yaa nídiikai.

MARK 1:35

Biiskání t'ah ni' halzhingo nízhdii'na'go doo naagháhígóó ajííyá, ákwe'é sozdoolzin.

JOSHUA 2:1

Áádóó Nan biye' Jáshowa éí Shíttim hoolyéédóó diné naalchi'í nidilt'éego dashdiił'a'go ábijiní, Nihílááh, nahont'in nahaz'ą́ą́dóó Jériko kéyah hazhó'ó hadoohsiłgóó doh'aash. Áádóó ákǫ́ǫ́ jiní'áazhgo ałjiłnii asdzání léi' Réíhab wolyéii bighan góne' yah ajíí'áazhgo ákwii dzizkéé nít'éé'.

JOSHUA 6:12

Áko Jáshowa t'ah abínídą́ą́' nídii'na'go nááda'iiłniihii éí Bóhólníihii bitsits'aa' dílzinii nídeidii'ą́.

JOSHUA 6:15

Ákódzaago tsosts'id jį́ aleeh góne' t'óó hayííłką́ą́dą́ą́' nízhdiijéé' áádóó t'áá ádajit'į́į́ nít'éé' yę́ęgi át'éego kin haal'á tsosts'idi binínáádzískai; t'áá hazhó'ó éí bijį́ t'éí kin haal'áhígíí tsosts'idi binídzískai.

JOSHUA 7:16

Ákohgo t'ah abínídą́ą́' Jáshowa nídii'na'go Ízrel dabidine'é bik'ehgo nijiizh'eezh; nít'éé' Júdah dine'é nídii'nil.

JOSHUA 8:10

Áko t'ah abínídą́ą́' Jáshowa nízhdii'na'go diné dadeezbaa'ígíí hadzíísid áádóó Ízrel dine'é yiląąjį' naazíinii bił alą́ąjį' Éí'ai kin haal'áágóó dashdiikai.

JUDGES 20:19

Ákohgo Ízrel dine'é t'ah abínídą́ą́' nídiijée'go, Gíbiyah dine'é yik'iidoojah biniyé niníná.

I SAMUEL 17:20

Áko David t'ah abínídą́ą́' nízhdii'na'go dibé índa na'niłkaadii t'áá ákǫ́ǫgo bidookįįłii nízhdiinilgo dashdiiyá; Jésii áhodííniidígi át'éego dah da'ínéehgi jiníyáago ayóó át'éego anaa' baa ní'diildee'go hahóó'áá lá.