JOSHUA 24:9 - Navajo Bible

⁹ Áko Zípor biye' Béílak wolyéii éí Mó'ab kéyahdóó aláahgo naat'áanii nídiidzáago Ízrel dine'é yich'į' anaa' hasłį́į́' índa Bíyor biye' Béílam wolyéii hóyée'go nihá hadoodzih biniyé nihich'į' yiyííł'aad,

JOSHUA 24:9 ပူးပေါင်းရင်းမြစ်များ

MICAH 6:5

Shidine'é nohłíinii, Mó'ab dine'é aláahgo binanit'a'í Béílak yinahazgizii áádóó Bíyor biye' Béílam hach'į' t'ą́ą́' yee hanáádzíi'ii índa Shíttim haz'ánídóó Gílgal kin haal'áajį' áhoodzaii béédaałniih, áko Bóhólníihii bit'áá ákogi át'éii nihił béédahodoozįįł.

NUMBERS 22:2

Áko Zípor biye' Béílak wolyéii Ízrel dine'é éí Ámor dine'é ádayííł'įįdígíí t'áá át'é bił bééhózin.

JUDGES 11:17

Ákohgo Ízrel dine'é éí Íídam dine'é aláahgo binanit'a'í yich'į' nidaal'a'í adayiis'a'go ádaaní, Nikéyah biyi'góó ch'ídii'néełgo baa nídaniikąąh. Nidi Íídam dine'é aláahgo binanit'a'í doo hwíists'ą́ą da nít'éé'. T'áá ákót'éego ałdó' Mó'ab dine'é aláahgo binanit'a'í yich'į' anááda'as'a', nidi doo t'áá k'ad ha'di'ní'ą́ą da. Ákohgo Ízrel dine'é éí t'áá Kéídesh haz'ánígi dah yinééł nít'éé'.

JUDGES 11:25

Da' Zípor biye' Béílak Mó'ab dine'é aláahgo binanit'a'í biláahgoósh yá'ádanoht'ééh? Da' łahgoósh Ízrel dine'é yich'į' ana' ndzin, doodaii' daats'í łahgo yił ałk'i néijah?