JOSHUA 24:8 - Navajo Bible

⁸ Áádóó Ámor dine'é bikéyah biih nihíí'eezhgo éí Jórdan tooh wónaanídi kéédahat'į́įgo nihił da'ahigą́ągo nihílák'ee bidíí'ą́, áko éí bikéyah ádíí' ádadoohłííł biniyé nihilą́ąjį' áséłdįįd.

JOSHUA 24:8 ပူးပေါင်းရင်းမြစ်များ

NEHEMIAH 9:22

Náá'áłdó' kédaayah áádóó dadine'é t'áá bił bee hódahólníih doo biniyé kéyah nidahós'a' t'áá át'é bá bitaa hosínízo, áko Héshban kin haal'áádóó aláahgo naat'áanii Sáíhan wolyéii bikéyah índa Béíshan kéyahdóó aláahgo naat'áanii Ag wolyéii bikéyah hwíí' daazlį́į́'.

EXODUS 23:23

Jó, shidiyingo naal'a'í nihilą́ąjį' yigáałgo Ámor dine'é áádóó Hét dine'é áádóó Píírez dine'é áádóó Kéínan dine'é áádóó Háíva dine'é índa Jííbas dine'é yich'į' nihidoo'ish, áko éí ádahodeeshdįįł.

AMOS 2:10

Shą́ą́', shí éí Ííjip kéyahdę́ę́' ch'ínihiní'eezhgo dízdiin nááhaijį' honoojíidi tánihidíí'eezh, áko Ámor dine'é bikéyah yá'áhoot'éehii nihíí' dooleeł biniyé biih nihíí'eezh ni'.

AMOS 2:9

Shí t'éí dahanááł Ámor dine'é ádeeshdįįł; éí gad alááh áníłnéezii nahalin índa chéch'il nahalingo bidziil, nidi bineest'ą' wódahdę́ę́' yaa nihideeshtih áádóó behétł'óól wóyahdę́ę́' hadeests'ǫł.

DEUTERONOMY 2:32

Áko Sáíhan wolyéii áádóó bidine'é yił nihik'ijį' nídadiibaa'go Jéíhazgi nihik'iijéé'.

JOSHUA 13:10

áádóó Ámor dine'é aláahgo binanit'a'í Sáíhan éí Héshbangi aláahgo naat'áanii bikin hadaas'áii t'áá át'é yinant'áá nít'éé' yę́ę, Áman dine'é bihoodzo bíighahjį' hóó' daazlį́į́',