JOSHUA 24:7 - Navajo Bible

⁷ Áádóó Ízrel dine'é éí Bóhólníihii yich'į' hadadeeshghaazhgo, nihí áádóó Ííjip dine'é nihita'gi chahałheełgo áyiilaa, áko Ííjip dine'é tónteel bik'i diilkǫ' índa Ííjip kéyahgi atí'iishłaa yę́ę t'áá nihí danóoł'į́į́', áko honoojíidi kéédahoht'į́įgo nízaadgóó nihoolzhiizh.

JOSHUA 24:7 ပူးပေါင်းရင်းမြစ်များ

EXODUS 14:10

Áko Féro éí Ízrel dine'é yit'áahjį' yinéełgo dabiiłtsą́, jó, Ííjip dine'é hakéé' yinééł lá. Áko t'óó báhádzidgo Ízrel dine'é nídadzisdzíidgo éí Bóhólníihii yich'į' hadadeeshghaazh.

EXODUS 14:20

Áko Ííjip dine'é dah yinéełii índa Ízrel dine'é dah yinéełii bita' gónaa niildo, áko Ííjip dine'é bich'į'go éí k'os áádóó chahałheeł hazlį́į́', nidi łahjiígíí éí tł'ée'go bá adinídíín, ákohgo t'áadoo ałt'áahjį' dazdeeskaí yiską́.

EXODUS 14:31

Áko Ízrel dine'é éí Bóhólníihii ayóó át'éego Ííjip dine'é áyííł'įįdígíí dayiiłtsą́ągo Bóhólníihii deidísin silį́į́', áádóó Bóhólníihii índa bá naal'a'í Mózes dayoosdląąd.

DEUTERONOMY 1:46

Áko íídą́ą́' Kéídeshgi kéédahoht'į́įgo lą'í danihiiską́; éí yoołkáłígíí bik'ehgo áadi kéédahoht'į́į́ nít'éé'.

DEUTERONOMY 2:14

Kéídesh-barníya hoolyéédóó dah dii'náago Zííred yíldzis góyaa tó nílínígóó t'áá yii'néełgo tádiindóó ba'aan tseebíí nááhai. Oonéłígíí bitahgi diné nidaabaahii ałtso daneeznáajį' díigi át'éego naasdee'; Bóhólníihii ábidííniidígi ádahoodzaa.

DEUTERONOMY 29:2

Áádóó Mózes éí Ízrel dine'é t'áá ałtso hágo yidííniidgo ííłní, Bóhólníihii áát'įįdii t'áá át'é danóoł'į́į'go Ííjip kéyahdi aláahgo naat'áanii Féro áádóó bá nidaal'a'í t'áá ałtso índa bikéyah t'áá át'é nihinááł atíyííł'įįd.

DEUTERONOMY 4:34

Doodaii' da' Diyin God kóhoolaaígíí náánáła' dine'é bitahdę́ę́' náhodiinilgo t' áá bí bidine'é jidooleełgo, na'íhonitaah yee, bee éédahózinii yee, álílee k'ehgo áhooníłígíí yee, anaa' hwiindzin yee, bíla' yee ayóó ábóodziilgo yee, bigaan bits'áhoníyée'ii yee, ts'ídá t'áá íiyisí bik'e'íyé'ígíí yee ádáásh náhodiinil? Éí Bóhólníihii nihiDiyin God nilíinii Ííjip kéyahgi t'áá ałtsojį' nihinááł nihá ákwáát'įįd.

HEBREWS 3:17

Háishą' dízdiin nááhaijį' Diyin God hach'į' doo bił hóózhǫǫd da? Honoojíidi bąąhági ádajit'į́įgo biniinaa nahózdįįdii lą́ą!

JOSHUA 5:6

Háálá Ízrel dine'é éí honoojíidi naaldeehgo dízdiin nááhai; éí diné anada'ał'íinii t'áá ałtso Ííjip kéyahdę́ę́' ch' ídahaaznánígíí t'áá ałtso ádadzisdįįdjį' tádííná, háálá Bóhólníihii bizaad doo bik'eh dahojíł'į́į da nít'éé'. Bóhólníihii éí kéyah doo deizdoołtsééłgóó yich'į' yee ádee hadoodzíí'; t'áá éí kéyahígíí dahazhé'é yę́ę yich'į' yee ádee hadoodzíi'go nihaididoo'áłígíí bikáá' abe' índa tsés'ná bitł'izh bee áda'azįįd.