JOSHUA 24:6 - Navajo Bible

⁶ Áko danihizhé'é yę́ę Ííjip kéyahdę́ę́' ch'íhoní'eezhgo tónteel siyíníjį' nooná, áko nít'éé' Tónteel Łichíí' siyínígíí bibąąhjį' danihizhé'é yę́ę Ííjip dine'é tsindaabąąs bijáád naakiígíí áádóó łį́į́' yee nidaabaahii yee hakéé' nahaakai yę́ę hóníłná.

JOSHUA 24:6 ပူးပေါင်းရင်းမြစ်များ

HEBREWS 11:29

Ízrel dine'é bida'oodlą' bee t'áá hóółtseigóó ádaat'į́ nahalingo Tónteel Łichíí' wolyéego siyínígíí tsé'naajį' ha'naa niheezná, nidi Ííjip dine'é t'áá ákót'éego yídaneeztą́ą́' nít'éé' t'óó tó ábísdįįd.

ACTS 7:36

Mózes éí Ííjipgi áádóó Tónteel Łichíí' yolyéego siyínígíí bik'ee t'óó ił ahayóigo ádahooníiłii índa Diyin God bibee adziilii bee béédahózinii ííł'į́įgo honí'eezh, índa honoojíidi dízdiin nááhaijį' nijildeehgo ałdó' ákódzaa.

MICAH 6:4

Jó, Ííjip kéyahdę́ę́' naalte' danohłį́į́ nít'éé' yę́ędóó nihik'é niná'níshdláago háánihíí'eezh; Mózes áádóó Éran índa Míriyam nihilą́ąjį' adasíł' a'.

PSALMS 78:13

Tónteel aháíyííłk'olgo ákóne' tsé'naa ho'níłnii', áádóó tó ałts'ą́ą́hjí ní'áago áyiilaa.

NEHEMIAH 9:11

Bidááhgóó tónteel aháíníłk'olgo tónteel bita' gónaa łeezh yíłtsei yikáá' ha'naa niníná, índa bik'ee nidanoochą́ą'ii éí tó ayóó íídéetą́ą'ii tsé biih jiyííłhanígi át'éego táłtł'ááh hwííníghaz.

EXODUS 12:51

Áádóó t'áá éí bijį́ Bóhólníihii éí Ízrel dine'é dah deínéehii Ííjip kéyahdóó ch'íiní'eezh.

EXODUS 12:37

Áádóó Ízrel dine'é éí Rámsiiz hoolyéédóó Sákath hoolyéejį' jiníná; diné t'éiyágo éí hastą́ądi neeznádiindi mííl ánéelą́ą́'; áłchíní t'áadoo bił éélta'góogo.