JOSHUA 24:2 - Navajo Bible

² Áádóó Jáshowa éí diné t'áá ałtso áyidííniid, Ízrel dine'é biBóhólníihii Diyin God kóní, Danihizhé'é yę́ę ałk'idą́ą́' tooh nílínígíí wónaanídi kéédahat'į́į́ nít'éé'; ła' éí Tíírah wolyé, éí Éíbraham áádóó Néíhor bizhé'é nít'éé', áádóó éí diyin dabidi'níinii yá nidaal'a' nít'éé'.

JOSHUA 24:2 ပူးပေါင်းရင်းမြစ်များ

GENESIS 11:22

Síírag jiináago tádiin honááhaigo Néíhor há yizhchį́.

GENESIS 11:24

Néíhor jiináago naadiin náhást'éí honááhaigo Tíírah há yizhchį́.

GENESIS 11:26

Áádóó Tíírah jiináago tsosts'ídiin honááhaigo Éíbram áádóó Néíhor índa Héíran há niheezhchį́.

GENESIS 11:27

Díí Tíírah ba'áłchíní náás da'ahílchíihii danilį́: Tíírah éí Éíbram áádóó Néíhor índa Héíran há niheezhchį́, áko Héíran éí Lat há yizhchį́.

GENESIS 31:19

Léíban bilį́į́' táididoogishgóó ííyáago Réíchel éí dinéshchíín bich'į' nidahadláhígíí hazhé'é bee dzineez'į́į́' lá.

GENESIS 31:30

Shizhé'é bighangóó nihideesh'nééł t'áá íiyisí bídin nilį́į́ nít'é'ígíí k'ad ákǫ́ǫ́ yínééł, nidi ha'át'íishą' biniyé dinéshchíín shee níní'į́į́'?

GENESIS 31:32

T'áá háiida dinééshchíín nits'ą́ą́' neijaahgo bik'ííníyáá shį́į́; éí háni'dii doo jiináa da doo. Nihik'éí dabinááł shee hólónígíí bitahgi ha'át'íhída nihígíí hanítáago nídiilé. Háálá Réíchel yineez'į́'ígíí doo hoł bééhózin da.

GENESIS 31:53

Éíbraham yę́ę biDiyin God índa Néíhor yę́ę biDiyin God éí hazhé'é yę́ę biDiyin God lá nihá yeinít'į́į doo. Áko Jéíkab bizhé'é Áízak biDiyin God yidósinígíí bee ádee hazdoodzíí',

GENESIS 35:4

Áko ana'í bi'eda'alyaii nidajijaahígíí t'áá a łtso índa jaatł'óół hajaa' bighá daaz'áhígíí Jéíkab baa dadziiznil, áko Jéíkab éí Shííkem bíighahgi chéch'il biyaagi nooh yishchį́.

I CHRONICLES 1:27

áádóó Éíbram, t'áá éí Éíbraham wosye'.

ISAIAH 51:2

Éíbraham nihizhé'é yę́ę áádóó Sárah yę́ę ninihiishchíinii bich'į' dadóh'į́į́'; éí t'áá sáhí nilį́įgo hágo bidííniid, áádóó bik'ijiisisdli', índa ba'áłchíní k'ee'ąą dínéest'ą́.

EZEKIEL 16:3

áko ábidiní, Jerúsalemgi kéédahoht'ínígíí, Bóhólníihii Diyin God kónihiłní, Kéínan dine'é bikéyahgi nidanihi'diizhchį́įgo áádóó haodéél; nihizhé'é éí Ámor dine'é nilį́į́ nít'éé'; nihimá éí Het dine'é nilį́į́ nít'éé'.

LUKE 3:34

Júdah éí Jéíkab biye', Jéíkab éí Áízak biye', Áízak éí Éíbraham biye', Éíbraham éí Tíírah biye', Tíírah éí Néíhor biye',

DEUTERONOMY 26:5

Áko Bóhólníihii nihiDiyin God binááł kódadidoohniił, Nihizhé'é yę́ę éí Síriya dine'é nilį́įgo k'ad dichin biiłhéego naagháá nít'éé'; Ííjip góyaa diné t'áá díkwíí yił eekai nít'éé'; áadi dine'é ayóó át'éii áádóó dabidziilii índa t'óó ahayóí silį́į́'.

JOSHUA 24:15

Ákondi Bóhólníihii bá nidaał'a' dooígíí nihił t'óó badaa'ihgo, díí jį́ háidíígíí bá nidaał'a' dooleełígíí nidadinoh'aah; tooh nílínígíí wónaanídi diyin dabidi'níinii danihizhé'é yę́ę deidísin nít'é'ígíí daats'í, doodaii' Ámor dine'é bikéyah bii' kéédahoht'ínígíí bidiyin dabidi'níinii daats'í, nidi shí éí índa shighandóó danilíinii bił Bóhólníihii bá nideiil'a' dooleeł.