JOSHUA 24:1 - Navajo Bible

¹ Áko Jáshowa éí Ízrel dine'é t'áá át'é Shííkem kin haal'áagi áłah áyiilaago Ízrel dine'é hastóí danilíinii áádóó aląąjį' naazíinii áádóó ándahodii'aahii índa á dah naazdáii hágo yidííniidgo Diyin God hólǫ́ǫjį' niikai.

JOSHUA 24:1 ပူးပေါင်းရင်းမြစ်များ

GENESIS 12:6

Éíbram éí kéyah bii'góó Shííkem hoolyéego chéch'il sikaadgo Móreh hoolyéegi nizh'níná. Íídą́ą́' éí kéyahgi Kéínan dine'é kéédahat'į́.

GENESIS 35:4

Áko ana'í bi'eda'alyaii nidajijaahígíí t'áá a łtso índa jaatł'óół hajaa' bighá daaz'áhígíí Jéíkab baa dadziiznil, áko Jéíkab éí Shííkem bíighahgi chéch'il biyaagi nooh yishchį́.

I KINGS 12:1

Riihobówam éí Shííkemgóó ííyá, háálá Ízrel dine'é t'áá ałtso aláahgo naat'áanii adahodoolííł biniyé Shííkemgi neheeskai.

II KINGS 23:1

Áko aláahgo naat'áanii i'iis'a'go Júdah dine'é bitahdóó áádóó Jerúsalem kin haal'áádóó hastóí aląąjį' naazíinii haa áłah ádayiilaa.

ACTS 10:33

Éí bąą t'áá áko níká i'ííł'a', áko yíníyáhígíí yá'át'éhígi íinidzaa. Áko k'ad kóne' t'áá áníiltso Bóhólníihii yee ná haadzí'ígíí t'áá ałtso dadidiits'į́į́ł biniyé Diyin God binááł áłah niidlį́.

DEUTERONOMY 29:9

Éí bąą díí saad bee aha'deet'áanii bik'eh ádanoht'éego bida'íínóhsin, áko baa nidaahkaígíí t'áá át'é yá'át'éehgo nihá ááníił doo.

JOSHUA 20:7

Áko díí kin hadaas'áii nideidiyiiz'ą́: éí Kíídesh kin haal'áii Gálilii kéyah biyi', t'áá éí Náftalai dine'é bikéyah át'éego dah daask'idígi, áádóó Shííkem kin haal'áii Íífreiyim dine'é bikéyah dah daask'idígi, índa Kírjath-árba kin haal'áii, t'áá éí Hííbran ałdó' hoolyé; éí Júdah dine'é bikéyah dah daask'idígi,

JOSHUA 23:2

áko Jáshowa éí Ízrel dine'é t'áá ałtso áádóó hastóí danilíinii áádóó aląąjį' naazíinii áádóó ándahodii'aahii índa á dah naazdáii hágo yidííniidgo áyidííniid, K'ad t'áá íiyisí hasistih áádóó t'óó ahayóí shinááhai,

JUDGES 20:26

Ákohgo Ízrel dine'é t'áá ałtso, siláo danilínígíí t'áá át'é, Béthel haz'ánígóó aheeskaigo áadi Bóhólníihii yinááł daachago áádóó shá bíighah t'áadoo da'ayání i'íí'ą́, índa didlidgo náádahaniihii áádóó hózhǫ́ǫ́jí náádahaniihii Bóhólníihii yich'į' náádayiisnii'.

I SAMUEL 10:19

Nidi díí jį́ nihiDiyin God doo danoozį́į' da; éí yee nihik'ijį' danilíinii t'áá ałtso áádóó bik'ee ti'dahoohníihii yits'ą́ąjį' t'áá bí yisdánihíínil, nidi nihí ádabidooniid, Doo nił daniidlį́į da; aláahgo naat'áanii ła' nihá ółééh. Éí bąą k'ad dine'é danohłíinii índa mííl danołt'é bik'ehgo Bóhólníihii binááł ádéé dahonołzįįh.