JOSHUA 23:3 - Navajo Bible

³ áádóó díí hazhó'ó baa ákódanoozį́į́': Bóhólníihii nihiDiyin God éí díí ał'ąą dine'é t'áá ałtso nihiniinaa atíyííł'įįd, háálá Bóhólníihii nihiDiyin God nihá anaa' áyiilaa.

JOSHUA 23:3 ပူးပေါင်းရင်းမြစ်များ

EXODUS 14:14

Bóhólníihii nihá naabaah doo; nihí éí t'óó hasht'edínóht'é.

EXODUS 19:4

Áko Ííjip dine'é ááł'įįdígíí áádóó atsá bit'a' bee náás hojoojihígi át'éego náás nihiníjaa'ígíí índa ádínihiish'nilígíí daołtsą́.

EZEKIEL 20:28

Kéyah haa dideesh'áałgo hach'į' bee ádee hadeesdzíi'ii biih hóó'eezhgo wódahgo deílk'idii t'áá ałtso índa tsin díłch'ilgo naazkaadii dayiiłtsą́ągo ákwii nááhidoonihii náádayiisnii'; ákwii Bóhólníihii bee bá dahozhdoołchįįłii náádajiisnii'; ákwii tsin bijeeh dilidgo łikání halchinii náádajiisnii' índa yanáadzi'go nááhániihii yadajiinil.

MALACHI 1:5

Díí t'áá nihí nihináá' bee deidoołtséełgo ádadidoohniił, Ízrel dine'é bikéyah bilááhdę́ę́' Bóhólníihii ayóó át'éii nilį́.

DEUTERONOMY 1:30

Bóhólníihii nihiDiyin God nihilą́ąjį' hooleełii nihá ana'ał'į́į doo; jó, nihinááł Ííjip kéyahgi nihá áát'įįdígi át'éego nihá ááníił doo.

DEUTERONOMY 20:4

Háálá Bóhólníihii nihiDiyin God nihił yikahgo nihi'ana'í yich'į' nihá anaa' áhodoolíiłgo yisdánihidoonił.

DEUTERONOMY 4:9

Hazhó'ó ádaa ádahołyą́ áádóó haleebee ak'eh dahonoł'į́, áko t'áadoo le'é danóoł'į́į́' yę́ę doo baideidiyoohnah da, áádóó nihí dayéełkaahgóó doo nihits'ą́ąjį' kódooníił da, nidi nihada'áłchíní índa nihinálíké bee nidanohtin.

DEUTERONOMY 7:17

T'áá ádíyi'ídi kódííníniidgo, Díí ał'ąą dine'é shilááh ánéelą́ą'go haash yit'éego bik'eh dideeshdleeł?

DEUTERONOMY 7:24

Áádóó aláahgo binanit'a'í danilínígíí nihílák'ee yidii'aahgo yádiłhił biyaagi yízhí bee béédaho'dílzinígíí dadoołchxǫǫł, índa nihinááł diné ła' na'abaah doo yíneel'ą́ą́góó ałtso ádasoołdįįdjį' ákót'ée doo.

JOSHUA 10:14

Bóhólníihii éí diné bisodizin yidiizts'ą́'ígíí t'ah bítséedi áádóó bik'ijį' t'ah doo ákóhánéeh da nít'éé', háálá Bóhólníihii éí Ízrel dine'é yá anaa' áhoolaa.

JOSHUA 10:42

Áko díí aláahgo naat'áanii danilíinii áádóó bikédaayah t'ááłáhídiígíí Jáshowa bik'eh dazdeesdlį́į́', háálá Ízrel dine'é biBóhólníihii Diyin God nilíinii Ízrel dine'é yá anaa' áhoolaa.

JOSHUA 23:10

T'áá łah dinołt'éhígo diné t'ááłáhídi mííl nihaa nídidoojah, háálá Bóhólníihii nihiDiyin God éí nihá anaa' ííł'į́; jó, ákót'éego nihá yee nihoní'ą́.