JOSHUA 22:9 - Navajo Bible

⁹ Áko Rúben dine'é áádóó Géed dine'é índa Manáseh dine'é ałníí'dóóígíí dabighangóó anídahaaskai; Ízrel dine'é áłah nilínídóó, éí Sháíloh haz'ánígi Kéínan kéyah biyi'dóó Gíliyad kéyahgóó dah nídahidiikai; kéyah bíí' daazlį́į'go bíí' ádayiilaaígíí yich'į' anáhaaskai; éí Mózes biniit'aa Bóhólníihii yee haadzíi'ii bik'ehgo hóó' ádajiilaa.

JOSHUA 22:9 ပူးပေါင်းရင်းမြစ်များ

II SAMUEL 2:9

Áadi Gíliyad kéyah áádóó Ásher dine'é índa Jézriyel kin haal'áii áádóó Íífreiyim dine'é índa Bénjamin dine'é áádóó Ízrel dine'é t'áá ałtso aláahgo yinanit'a'í nilį́įgo áyiilaa.

I CHRONICLES 5:9

Áádóó ha'a'aahjigo Yufréítiiz tooh nílínídóó honoojí bich'į'go bee hóhólnííh nít'éé', háálá Gíliyad kéyahdi dahabéégashii k'ee'ąą nídeeshzhiizh.

PSALMS 60:7

Gíliyad éí shí; Manáseh éí shí; Íífreiyim éí shibéésh ch'ah át'é. Júdah éí bee haz'áanii ííł'íní shá nilį́.

NUMBERS 32:1

Rúben dine'é áádóó Géed dine'é ba'áłchíní bilį́į́' t'óó adahayóí, áko Jéízer hoolyéedi áádóó Gíliyad hoolyéedi kéyah hadeidees'į́į́'; jó, éí haz'ą́ągi nida'nilkaadígi le' áhoot'é.

NUMBERS 32:20

Áko Mózes áhodííniid, Jó, ákódaahnééh ládą́ą́', t'áá nihí hasht'e'ádadołnééh ládą́ą́' Bóhólníihii binááł ákǫ́ǫ́ dadohbáahgo

NUMBERS 32:22

Bóhólníihii binááł éí kéyahgi kéédahat'ínígíí bik'eh dasidoohdlį́į'go índa nídoohkah, áádóó Bóhólníihii índa Ízrel dine'é binááł doo nihihodiit'i' da doo, áko Bóhólníihii binááł díí kéyah danihíí' dooleeł.

NUMBERS 32:26

Nihada'áłchíní, nihida'asdzą́ąda, danihidibéda, danihilį́į'da t'áá át'é Gíliyad kéyahdi kin hadaas'áágóó dahólǫ́ǫ doo,

NUMBERS 32:29

Ákohgo Mózes áhodííniid, Géed dine'é áádóó Rúben dine'é Jórdan tooh nílíní ha'naa nihił niikaigo Bóhólníihii binááł diné t'áá ałtso dadoobah yiniyé hasht'e'ádadiilyaaígíí nihilą́ąjį' kéyahgi kéédahat'ínígíí yik'eh dadeesdlį́į́' ládą́ą́' ííshją́ą́ Gíliyad kéyah daabíí' dooleeł biniyé baa dadidooh'ááł,

DEUTERONOMY 3:18

Áko íídą́ą́' bee ánihidííniidgo ádíshní, Bóhólníihii nihiDiyin God díí kéyah nihaidiní'ánígíí nihíí' ádaahłééh. Doo nídanilyéesii danohłíinii, bee na'abaahí hasht'eet'éego ádaahłéehgo nihik'isóó Ízrel dine'é danilíinii bilą́ąjį' ha'naa nidooh'nééł.

DEUTERONOMY 3:20

Bóhólníihii éí nihik'isóó danilíinii hasht'ehodít'é yeidiní'ą́ągo áádóó nihí ałdó' nihaidiní'ą́ągo áádóó Jórdan tooh wónaanídi Bóhólníihii nihiDiyin God nilíinii kéyah haidiní'ánígíí hóó' ádajiilaago índa t'ááłá'í nootínígo kéyah nihaa diní'ánígíí nihíí' ádadoohłííłgóó nihéédahidoohkah.

DEUTERONOMY 34:1

Mó'ab kéyah dadzígaidóó Mózes dah diiyáago Dzi ł Nííbo yąąh híiyáago Dził Pízgah bighą́ą'jį' haayá; éí Jériko binaashiijí dził si'ánígíí át'é, áko Bóhólníihii éí Gíliyad kéyahdóó Dan dine'é bikéyahjį' t'áá át'é hach'į' ííshją́ą́ áyiilaa.

JOSHUA 13:11

áádóó Gíliyad kéyah áádóó Gíísher dine'é áádóó Méíyakah dine'é bikéyah áádóó Dził Hérman t'áá át'é, áádóó Béíshan kéyahgóó t'áá át'é Sálkah kin haal'áajį' hóó' daazlį́į́'.

JOSHUA 13:25

Dabikéyahígíí éí Jéízer kin haal'áádóó áádóó Gíliyad kéyahdóó kin hadaas'áii t'áá ałtso áádóó Áman dine'é bikéyah ałníí'dóó Rábah kin haal'áii ha'a'aahjígo Aró'er kin haal'áajį' baa deet'ą́.

JOSHUA 13:31

áádóó Gíliyad kéyah ałníí'dóóígíí índa Béíshan dine'é aláahgo binanit'a'í Ag wolyéii bee bóhólnííh nít'éé' yę́ę biyi' Áshtarath áádóó Édriyai kin hadaas'áii, díí éí Manáseh biye' Méíkir bidine'é ałníí'dóóígíí ahii' háá'ahiyoolchíłígíí bik'ehgo bá ałts' ádaasdzo.

JOSHUA 22:10

Áádóó Kéínan kéyahgi Jórdan tooh bibąąhgóó hoodzoíjį' yíkaigo Rúben dine'é áádóó Géed dine'é índa Manáseh dine'é ałníí'dóóígíí ákwe'é Jórdan tooh bibąąhgi bikáá' náá'iiniihí nitsxaago ádayiilaa.

JUDGES 20:1

Ákohgo Dan kin haal'áádóó Bíyer-shííba kin shijaa'jį' Ízrel dine'é t'áá ałtso nidahaaskaigo Gíliyad kéyah nahós'a'dę́ę́' ałdó' t'áá yił niheeskaigo éí Mízpeh kin haal'áagi t'áá ła' bizhi'ee Bóhólníihii yaa áłah silį́į́'.

JUDGES 5:17

Gíliyad dine'é éí Jórdan tooh wónaanídi t'óó nidaakai, áádóó ha'át'íísh biniinaa Dan dine'é t'áá tsinaa'eeł t'óó yii' hólǫ́? Ásher dine'é éí tábąąhgi táłts'á da'ii'eełígi t'ahdii t'óó nidaakai.