JOSHUA 22:8 - Navajo Bible

⁸ áádóó áhodííniid, Da'oht'į́įgo nihighangóó nídeínóhkááh; nihilį́į́' t'óó adahayóigo áádóó béésh łigaii áádóó óola áádóó béésh łitsoii áádóó béésh nitł'izii índa éé' t'óó ahayóí nihee dahólǫ́ǫgo nihi'ana'í bindaalye'é bąąh nida'soołtseedígíí nihik'isóó bił ałts'ádadi'doohnił.

JOSHUA 22:8 ပူးပေါင်းရင်းမြစ်များ

I CHRONICLES 5:9

Áádóó ha'a'aahjigo Yufréítiiz tooh nílínídóó honoojí bich'į'go bee hóhólnííh nít'éé', háálá Gíliyad kéyahdi dahabéégashii k'ee'ąą nídeeshzhiizh.

II CHRONICLES 17:5

Éí bąą Bóhólníihii éí bee óhólníihii chánah áyiilaago yee hóhoos'níí', áko Júdah dine'é t'áá ałtso aa doolyéełii Jiiháshafat yaa dayiiznilgo yódí índa bee ił ídlíinii t'óó ahayóí bee hazlį́į́' nít'éé'.

II CHRONICLES 32:27

Heziikáíyah t'áá íiyisí ast'įįd áádóó ił yílįįd, áko yódí bá dahooghanígíí ádayiilaago éí bii'góó béésh łigaii áádóó óola áádóó tsé da'ílíinii áádóó spáis wolyéii áádóó naagé índa da'ílíinii ałtah ádaat'éii ákǫ́ǫ́ yah ayiizyį́.

PSALMS 68:12

Ana'í dah deínéehii éí aláahgo bindanit'a'í t'áá bił yóó'adahinichééh! Hooghandi asdzání nidaazdáhígíí éí ana'í binaalye'é daasnáanii nideiniih.

PROVERBS 3:16

Nízaadgóó iiná nish'náájí yee dah yoolééł, yódí índa ił ílį́ nishtł'ahjí yee dah yoolééł.

NUMBERS 31:27

Áko daasnánígíí ahádadoohniłgo nidaazbaa'ígíí éí ałníí'dóó baa dadoohnił áádóó łahjį'ígíí éí dah oonéłígíí baa dadoohnił.

I CORINTHIANS 15:58

Éí bąągo, shik'isóó ayóó'ánihósh'níinii, danołdzilgo, doo nihízhdóyííł át'éégóó t'áá áłahjį' t'ááłáhígi át'éego Bóhólníihii bá nidaał'a', háálá doo t'áadoo biniyéhígóó Bóhólníihii bá nidaał'a' dago nihił béédahózin.

HEBREWS 11:26

Christ biniinaa ódziih bik'ee ti'hoo'nííhjígo nizhdiní'ą́, éí Ííjipdóó naalye'é da'ílíinii biláahgo át'éego ílį́įgo baa tsízdeezkééz, háálá náasdi hwee hodooleełii bíká jidéez'į́į́'.

I SAMUEL 30:16

Áádóó ákóyaa hoł ní'áazhgo, shoo, kéyahgi t'áá át'éé nít'éé' diné yíl'áago ła' da'ayą́ áádóó da'adlą́ índa azhish baa na'aldeeh, háálá Filístiya dine'é bikéyahdóó índa Júdah kéyahdóó naalye'é t'óó ahayóí deisnáá lá.

I SAMUEL 30:24

Díí kót'éhígíí biniinaa háishą' nihíists'ą́ą' doo? Azhą́ nidasoobaa' nidi t'áá kǫ́ǫ́ naalye'é yaa ádahalyą́ą́ nít'é'ígíí t'áá aheełt'éego nihił ałts'ą́ą́' da'íłk'iiz doo.