JOSHUA 22:6 - Navajo Bible

⁶ Áko Jáshowa hak'ijisdli'go hwéé'níłnii' áádóó dahaghangóó anídadziiskai.

JOSHUA 22:6 ပူးပေါင်းရင်းမြစ်များ

GENESIS 14:19

Áko Melkízedek hak'ijisdli'go ádííniid, Diyin God Aláahgo Ayóó'át'éii, yádiłhił índa nahasdzáán áyiilaii, Éíbram yik'ijidlíi le'.

GENESIS 47:10

Áko Jéíkab éí Féro yik'ijisdli'go yits'ą́ą́' ch'ínádzá.

GENESIS 47:7

Áko Jóseph éí bizhé'é Jéíkab, Féro yich'į' yił yah íí'áázh, áádóó Jéíkab éí Féro yik'ijisdli'.

II SAMUEL 6:18

Áádóó David éí didlidgo nááhániihii índa hózhǫ́ǫ́jí nááhániihii ałtso náájiisnii'go t'áá ałtsoní bee Bóhólníihii bízhi' binahjį' diné yik'ijisdli'.

II SAMUEL 6:19

Áádóó diné t'áá ałtso bitahgóó éí Ízrel dine'é t'áá yíl'áá nít'éé' asdzání índa hastóí t'áá bił bitaa jigháago t'ááłá'í nítínígo łees'áán áádóó déit wolyéii bineest'ą' ahídiiłjée'ii índa ch'il na'atł'o'ii bineest'ą' ahídiiłjée'ii bitaa dziznii', áko diné t'áá ałtso t'ááłá'í nítínígo dabighangóó anídahaaskai.

II SAMUEL 6:20

Nít'éé' David ha'áłchíní bik'iizhdoodliił biniyé dah nízdiidzá. Áko Saul yę́ę bitsi' Máíkal éí David yidááh yílwodgo ííłní, Dooládó' ayói da, Ízrel dine'é aláahgo binanit'a'í díí jį́ t'áadoo yą́ą́h nilíinii yaa naagháago bá nidaal'a'í bich'ikéí nidaal'a'í díísh jį́ dabinééł'į́į́'; diné doo ílíinii ła' t'áadoo bił baa yáhásinígóó t'áadoo yą́ą́h nilíinii yaa naayáiigi áhoodzaa.

I KINGS 8:66

Tseebíí yiską́ąjį' diné dabighangóó yéé'iisnii', áko aláahgo naat'áanii yá'át'éehii yee yá hadaasdzíí' índa Bóhólníihii éí yá'ádaat'éehii t'áá át'é bá naal'a'í David yę́ę áádóó bidine'é Ízrel yá yaa naayáhígíí yaa bił dahózhǫ́ǫgo índa bijéí bił nidahoozhǫǫhgo dabiníbaalgóó anídahaaskai.

II CHRONICLES 30:18

Háálá diné t'óó ahayóí, Íífreiyim dine'é índa Manáseh dine'é, Ísakar dine'é índa Zébyulan dine'é t'áadoo áda'dooldee' da, áko azhą́ doo bee haz'ą́ą da, nidi atis'adeesdzá bee bééhániihiigi atah da'ííyą́ą́'. Nidi Heziikáíyah há sodoolzingo ání, Bóhólníihii jooba'ii éí t'áá ádzíłtso habąąhági át'éii há yóó'iididoo'ááł;

EXODUS 39:43

Áko Mózes éí naanish ałtso ła' dajiilaaígíí hayíísid; jó, Bóhólníihii éí hach'į' yee haadzíi'ii bik'ehgo ałtso nidaashnish lá. Ałtso nidajishnishígíí Mózes hak'ijisdli'.

LUKE 2:34

Símiyan hak'i sodoolzingo hamá Mary áyidííniid, Jó'akon, díí awéé' bik'ee Ízrel dine'é lą'í naa'ahidínóodah índa lą'í náhididookah biniyé niiltį́, áádóó Diyin God bits'ą́ą́dę́ę́' bee ééhózinii nilį́įgo diné lą'í bits'ą́ą́jí yádaałti' doo,

LUKE 24:50

Áko Béthanii bich'į'go ch'íhoní'eezh, nít'éé' yadidiilnii'go há sodoolzin.

JOSHUA 14:13

Ákohgo Jáshowa hak'ijisdli'go Jiifáneh biye' Kéíleb éí Hííbran dine'é bikéyah hóó' dooleeł biniyé haidiní'ą́.

JOSHUA 24:28

Ákohgo Jáshowa éí diné béé'jiisnii'go t'ááłá'í nítínígo kéyah bíí' dadooleełgóó anáhaaskai.

I SAMUEL 10:25

Ákohgo Sámuel éí aláahgo naat'áanii yinant'áa dooígíí bee diné bił hojoolne', áádóó Sámuel éí naaltsoos yikáá' áyiilaago Bóhólníihii yinááł niiní'ą́. Índa Sámuel éí diné, T'áá ánółtso nídayínóhkááh, bizhdííniidgo t'ááłá'í nítínígo t'áá bí bighangóó anídahaaskai.

I SAMUEL 13:2

Saul éí Ízrel dine'é táadi míilgo néidiinil; naakidi mííl éí t'áá Míkmash báhátis índa Béthel kin shijaa'gi Saul yił naakai nít'éé', áádóó miilgo éí t'áá Bénjamin bikéyah Gíbiyah kin haal'áagi Jánathan yił naakai nít'éé', áádóó łahjį' yidziihígíí éí dabiníbaalígóó anídziis'a'.

I SAMUEL 2:20

Ákohgo Íílai éí Elkéínah áádóó hwe'asdzą́ą́ yił yik'ijisdli'go ání, Bóhólníihii éí díí asdzání binahjį' áłchíní neidiyii'aahígíí Bóhólníihii baa nídinoo'áanii bitsásk'ehgi niha'áłchíní danilį́į doo. Áádóó haghangóó aníjoot'áázh.