JOSHUA 22:5 - Navajo Bible

⁵ Haleebee hazhó'ó ádaa ádahołyą́ągo bik'eh ó'oo'níiłii áádóó bee haz'áanii bik'eh dahonoł'į́; éí Bóhólníihii yá naal'a'í Mózes hazhó'ó yee ánihidííniid, áko Bóhólníihii nihiDiyin God ayóó'ádeínóh'ní, áádóó bihonít'i'ii t'áá ałtso bik'ehgo dayínóhkááh, áádóó bibik'eh ó'oo'níiłii bik'eh dahonoł'į́, áádóó t'áá bí t'éí bí'ádadíínółtą', índa nihijéí t'áá át'é bee áádóó nihii' sizíinii t'áá át'é bee bá nidaał'a'.

JOSHUA 22:5 ပူးပေါင်းရင်းမြစ်များ

PSALMS 106:3

Doo haada yit'éégóó dahináanii, t'áá áłahjį' t'áá ákogi ádaaníiłii éí bik'idahojidlí!

PSALMS 78:7

Áko Diyin God binahjį' bił chodahoo'į́į doo áádóó Diyin God binaanish nilíinii doo yaa deidiyoonah da, nidi bibik'eh ó'oo'níiłii yik'eh dahół'į́į doo.

EXODUS 15:26

kóníigo, Bóhólníihii nihiDiyin God biinéé' hazhó'ó deísółts'ą́ą'go áádóó yá'át'éehgo binááł ádaahníiłgo, áádóó bibik' eh ó'oo'níiłii índa yee nihwiiz'áanii t'áá ałtso deísółts'ą́ą'go bik'eh dahonoł'į́įgo naałniih éí Ííjip dine'é bik'ijį' kóshłaaígíí doo ła' nihik'ijį' kódeeshłíił da, háálá shí, Bóhólníihii hadaałt'é ánánihoodlíiłii nishłį́.

EXODUS 20:6

nidi shí baa a'ááh nisinígíí haa shį́į́ néelą́ą'di mííl ádanéelą́ą'go ayóó'ádashó'nínígíí áádóó shibik'eh ó'oo'níiłii yik'eh dahół'íinii bik'idajishdlí.

EXODUS 23:13

Áko bee nihich'į' haasdzí'ígíí t'áá ałtso baa dahonohsą́, áádóó diyin dabidi'níinii dabízhi' t'áadoo bee hahídziihí; doo nidi baa yáníłti' da doo.

EXODUS 23:25

Bóhólníihii nihiDiyin God bich'į' nidahohłáa doo, áko nihich'iyą' índa nihito' łą́ągo yee nihik'ijidlíi doo, áádóó naałniih nihiníí'dóó nahgóó kódeeshłííł.

PROVERBS 4:23

Ts'ídá haleebee nijéí baa áhólyą́, háálá éí biyi'dóó iiná dahidit'ééh.

ISAIAH 55:2

Ha'át'íísh biniyé doo bááh nilíinii nihibéeso bik'é nidahohłé áádóó doo bee hwiih ídlíinii bik'é nidaołnish? Haleebee dashíínółts'ą́ą'go yá'ádaat'éehii daohsą́ áádóó nihii' naazíinii áda'azįįd yee hwiih danilį́įgo bił dahózhǫ́ǫ doo.

JEREMIAH 12:16

T'áá Béíyal bízhi' yee ádee hadahididziihgo bíndabizneestą́'ígi át'éego t'áá ákót'éego Bóhólníihii hiná, dajiníigo bee ádee hadahizdidziihgo bídahojiił'ą́ą'go, áko lá índa shidine'é bitahgi hadziilgo ádahodi'doolníił ni.

MATTHEW 22:37

Jesus áhodííniid, Nijéí t'áá át'é bee, áádóó nii' sizíinii t'áá át'é bee, índa níni' t'áá át'é bee Bóhólníihii niDiyin God ayóó'ííní'ní.

MATTHEW 4:10

Nít'éé' Jesus ánáádí'ní, Yówehdi naniná, Séítan! Háálá Diyin God bizaad bee ak'e'ashchíinii ání: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

MATTHEW 6:24

Diné ła'da doo t'áá łahjį' naat'áanii naaki bá nijól'a' át'ée da, háálá ła' bik'eezhdiniih doo, ła' éí ayóó'ájó'níi doo, éí doodaléi' ła' doo nahdi jó'níi da doo, ła' éí jijoołáa doo. Diyin God índa at'į́ doo t'áá łahjį' bá nijól'a' át'ée da.

LUKE 1:74

éí nihida'ana'í bílák'eedę́ę́' yisdánánihi'doo'nilgo t'áadoo nídeildzidí bich'į' nidahwiidláa doogo nihaididoo'ááł,

JOHN 12:26

Diné t'áá háiida ła' shá nijil'a'ígíí, éí ts'ídá shikéé' joogáał doo, áko naasháhídi shinaal'a'í jílíinii ałdó' áadi nijigháa doo; diné t'áá háiida ła' shá nijil'a'go, t'áá éí shiTaa' bił jílį́į doo.

JOHN 14:15

Ayóó'ádashíínóh'níí ládą́ą́' bee nahoséł'áanii bik'eh dahonoł'į́į doo.

ACTS 11:23

Ákwii jiníyáago Diyin God bibee ajooba' baa ákozniizį́į'go, baa hoł hóózhǫǫd, áko, Da'iinohdlánígíí dziilí bee índa Bóhólníihii bí'ídóltą' nihíni' danilį́į le', dabijiníigo biyadahozhniiłįįd;

ACTS 27:23

Háálá tł'éédą́ą́' Diyin God bíí' nishłíinii áádóó dinisinii, bidiyingo naal'a'í shíighahgi yiizį',

ROMANS 1:9

T'áadoo áhodiiszéhé danihííníshíigo nihá sodiszinígíí Diyin God shá bił bééhózin. Éí biYe' baa hane' yá'át'éehii baa hashne'go bee ádiih tsééskéezgo bá naash'a'.

ROMANS 12:9

Ts'ídá haleebee ayóó'áda'ahíínóh'ní. Doo yá'át'éehii bik'ee dadinohniih le', yá'át'éehii t'éiyá yéego bąąh dashoojéé'.

ROMANS 8:28

Diyin God ayóó'ádayó'níinii t'áá bí yinahaz'áanii bik'ehgo yíká ádííniidígíí bich'į' áhooníłígíí t'áá ałtso bá yá'át'éeh dooleełgo ahindaalnish áyósingo nihił béédahózin.

DEUTERONOMY 10:20

Bóhólníihii nihiDiyin God dadíínóhsin, áádóó t'áá bí t'éí bá nidaał'a', áádóó t'áá bí t'éí bąąh dashoojéé' índa bízhi' bee ádee hadahidohdziih.

DEUTERONOMY 11:1

Éí bąą Bóhólníihii nihiDiyin God ayóó'ádeínóh'ní; éí yich'į' nihííł'aadii áádóó yee nihwiiz'áanii áádóó yee nihodii'aahii índa bibik'eh ó'oo'níiłii t'áá áłahjį' bik'eh dahonoł'į́.

DEUTERONOMY 11:13

Áádóó kót'ée dooleeł: bik'eh ó'oo'níiłii díí jį́ nihich'į' bee haasdzí' ígíí haleebee deísínółts'ą́ą'go, áko Bóhólníihii nihiDiyin God ayóó'ádeínóhníigo nihijéí t'áá át'é bee áádóó nihii' sizíinii t'áá át'é bee bá nidaał'a'go,

DEUTERONOMY 11:22

Jó, díí bik'eh ó'oo'níiłii bee nihich'į' haasdzí'ígíí haleebee bik'eh dahonoł'į́įgo, éí Bóhólníihii nihiDiyin God ayóó'ádeínóh'níigo, áádóó bik'ehgo deínóhkáahgo, índa bąąh dashoojée'go.

DEUTERONOMY 13:4

Bóhólníihii nihiDiyin God bikéé' wohkah áádóó dadíínóhsin áádóó bibik'eh ó'oo'níiłii bik'eh dahonoł'į́įgo biinéé' deísółts'ą́ą́' índa bá nidaał'a'go bąąh dah shoojéé'.

DEUTERONOMY 4:29

Nidi áádóó Bóhólníihii nihiDiyin God hádaoht'į́įgo béédahodoohsįįł; nihijéí t'áá át'é bee áádóó nihii' sizíinii t'áá át'é bee hádaoht'į́įgo béédahodoohsįįł.

DEUTERONOMY 4:4

Nidi Bóhólníihii nihiDiyin God bí'ídadínóołnánígíí łá'í nootínígo díí jį́ dahinohná.

DEUTERONOMY 4:6

Éí bąą bik'eh dahonoł'į́ áádóó baa dahonohsą́, háálá ał'ąą dine'é dabinááł díí nihibee hódzáanii áádóó nihibee ak'idi'yiitįįhii át'é; éí díí yee nihwiiz'áanii t'áá ałtso deidiizts'ą́ą'go kódadidooniił, T'áá aaníí díí dine'é ayóó át'é hóyáanii índa ak'idi'yiitįįhii nilį́į́ lá.

DEUTERONOMY 4:9

Hazhó'ó ádaa ádahołyą́ áádóó haleebee ak'eh dahonoł'į́, áko t'áadoo le'é danóoł'į́į́' yę́ę doo baideidiyoohnah da, áádóó nihí dayéełkaahgóó doo nihits'ą́ąjį' kódooníił da, nidi nihada'áłchíní índa nihinálíké bee nidanohtin.

DEUTERONOMY 5:10

nidi shí baa a'ááh nisinígíí haa shį́į́ néelą́ą'di mííl ádanéelą́ą'go ayóó'ádashó'nínígíí áádóó shibik'eh ó'oo'níiłii yik'eh dahół'íinii bik'idajishdlí.

DEUTERONOMY 6:17

Jó, Bóhólníihii nihiDiyin God bibik'eh ó'oo'níiłii áádóó yee hahaasdzíi'ii índa yee nihodiiz'áanii nihich'į' yee haadzí'ígíí haleebee bik'eh dahonoł'į́.

HEBREWS 12:15

Áyąądą́ą́' diné t'áá háiida t'ááká Diyin God bibee ajooba' t'áadoo shóyoołt'eeh da lágo, baa dahonohsą́ą le', índa ayi' nahodik'ǫǫsh bihétł'óól nihich'į' hodiyółnáałgo nohłą́'í nihółchǫǫh lágo.

JAMES 1:12

Diné nabóhonitaahgo ha'ólnínígíí bik'ihojidlí, háálá na'íhonitaah bik'esdeesdlį́į'go bééhoozingo iináájí naat'á ch'ah Diyin God haididoo'ááł, éí Bóhólníihii ayóó'ádabó'níinii bíí' dooleełgo yee yich'į' haadzíí'.

JAMES 2:5

Da'íísółts'ą́ą́', shik'isóó ayóó'ánihósh'níinii, jó, nihokáa'gi badahojoobá'íii oodlą' deidoot'įįłgo índa Diyin God bee bóhólníihgo bił haz'áanii bíí' dadooleełgo ts'ídá nábiizláá'. Éí ayóó'ádabó'níinii bíí' dooleełgo yee nihoní'ą́.

JOSHUA 23:8

nidi Bóhólníihii nihiDiyin God bí'ádadíínółtą'; ákónóht'éego díí jį́į́góó hoolzhish.

REVELATION 15:3

Mózes éí Diyin God yá naal'a'í biyiin, áádóó Dibé Yázhí nilíinii biyiin yee dahataałgo kódaaní: Ninaanish ayóó ádaat'é áádóó t'óó bik'eda'ayóí, Bóhólníihii Diyin God Aláahgo Ayóó'ánóodziilii nílíinii. Ts'ídá t'áá ákogi át'éego áádóó t'áá aaníigo át'éii bee áánííł, Diyin God bidiyį́į́' Aláahgo biNanit'a'í nílíinii.

I SAMUEL 12:20

Áko Sámuel éí diné áyidííniid, T'áadoo ádił dahonołyé'í; ts'ídá doo yá'áshónígi ánáádaaht'į́įgo t'áadoo yee' t'ą́ąjį' dahohjahí; Bóhólníihii bikéé' dayínóhkááh, ákót'éego nihijéí t'áá át'é bee Bóhólníihii bá nidaał'a'.

I SAMUEL 12:24

T'áá hazhó'ó Bóhólníihii t'éí dadíínóhsin, áádóó nihijéí t'áá át'é bee ts'ídá t'áá aaníinii bik'ehgo bá chodaoh'į́, háálá nabik'ítsáhákeesgo ts' ídá ayóó ádaat'éii nihá áyiilaa.

I SAMUEL 7:3

Ákohgo Sámuel éí Ízrel dine'é t'áá ałtso ábizhdííniid, Danihijéí t'áá át'é bee Bóhólníihii bich'į' nináhóhkááh, áko diyin dabidi'níinii áádóó Áshtarath diyin dabidi'níinii yóó'adahidoh'aah; danihijéí Bóhólníihii baa dahidoh'aah, áádóó t'áá bí t'éiyá bá nidaał'a'; ákódaaht'į́įgo t'éiyá Filístiya dine'é bits'ą́ąjį' yisdánihidoonił.