JOSHUA 22:34 - Navajo Bible

³⁴ Rúben dine'é áádóó Géed dine'é éí bikáá' náá'iiniihí Ed wolyée doo, dadííniid, háálá ádaaní, Jó, éí nihita'gi díí bee ééhózin: Bóhólníihii Diyin God nilį́.

JOSHUA 22:34 ပူးပေါင်းရင်းမြစ်များ

GENESIS 31:47

Áko Léíban éí Jíígar-sahadútha hoolyée doo, dííniid, nidi Jéíkab éí Galíid hoolyée doo, dííniid.

GENESIS 31:48

Áádóó Léíban ání, Díí tsé ałk'i yanáa'áhígíí díí jį́ nihita'gi bee ééhózin doo. Éí biniinaa Galíid hoosye'.

I KINGS 18:39

Áko diné t'áá át'é éí dayiiłtsą́ągo ni'jį' tsé'yaa daneeshjoolgo ádaaní, Bóhólníihii éí Diyin God nilį́; Bóhólníihii éí Diyin God nilį́į́ lá.

ISAIAH 19:19

Éí yoołkáałdi Ííjip kéyah góne' Bóhólníihii bich'į' nidahojiłá biniyé bikáá' náá'iiniihí ádoolnííł, áádóó Ííjip kéyah hoodzogi Bóhólníihii bá tsé yadiitł'ingo ádoolnííł.

ISAIAH 43:10

Shá oo'íinii danohłį́, ní Bóhólníihii, áádóó shá naal'a'í éí nídiiłtíinii nílį́; shééhonísin áádóó shiinídlą́ą doo índa Diyin God nishłį́įgo bik'idi'díítį́į́ł biniyé nándiiłtį́; shítséedi doo diyin ła' hólǫ́ǫgo ályaa da, doo shikéédę́ę́' ła' hólǫ́ǫ da doo.

MATTHEW 4:10

Nít'éé' Jesus ánáádí'ní, Yówehdi naniná, Séítan! Háálá Diyin God bizaad bee ak'e'ashchíinii ání: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

JOSHUA 22:27

nidi nihita'gi áádóó niha'áłchíní náás da'ahílchíihii bita'gi bee ééhózinii át'ée doo, áko Bóhólníihii bich'į' nidahwiidláago Bí hólǫ́ǫgi didlidgo nihinááhániihii áádóó nihinááda'iiniihii índa hózhǫ́ǫ́jí nihináádahaniihii bich'į' náádahiilniih doo, áko nihí aají nihada'áłchíní éí nihí kojí nihada'áłchíní náasdi doo ádeididoo'niił da, Aají nihí Bóhólníihii doo nihídéét'i' da.

JOSHUA 24:27

Áádóó Jáshowa éí diné t'áá ałtso ábizhdííniid, Jó, díí tsé nihich'į' bee ééhózinii át'ée dooleeł, háálá adiizts'ą́ą'ii át'éego éí Bóhólníihii bizaad t'áá át'é nihich'į' yee hahaasdzíí'; éí bąą éí nihich'į' bee ééhózinii át'ée dooleeł, áko nihiDiyin God doo danohsingóó ákót'ée doo.