JOSHUA 22:11 - Navajo Bible

¹¹ Áádóó Ízrel dine'é éí kóhá'níigo deidiizts'ą́ą́', Jó, Rúben dine'é áádóó Géed dine'é índa Manáseh dine'é ałníí'dóóígíí Kéínan kéyahgi Jórdan tooh bibąąhgóó Ízrel dine'é ninínánígi bikáá' náá'iiniihí ádayiilaa.

JOSHUA 22:11 ပူးပေါင်းရင်းမြစ်များ

JOHN 1:28

Díí Jórdan tooh wónaanídi, Béthanii hoolyéedi, John tó yee da'íísį́'ígi áhóót'įįd.

JOHN 20:1

Áádóó Damį́įgo abínígo t'ah chahałheełgo, Mary Mágdaliin tséní'ootséelgi jiníyáá nít'éé' tsé dáádeelmááz nít'é'ígíí nahjį' eelmáazgo jiiłtsą́.

JOHN 20:12

áko diyingo naal'a'í naaki łigaigo hadít'éé léi', Jesus bits'íís sitį́į́ nít'é'ígi sikéego jiiłtsą́, ła' dzinées'ą́ą́ nít'é'ígi sidá, ła' dzidées'eez nít'é'ígi.

DEUTERONOMY 12:11

ákwii haz'ą́ągi Bóhólníihii nihiDiyin God t'áá bí náhodidoo'áłígi bízhi' dólzin doo; áadi náádahołniihii t'áá ałtso nidahohjáah dooígíí nihich'į' bee haasdziih: éí didlidgo náádahołniihii, áádóó nááhidoonihgo náádahołniihii, áádóó t'áadoo le'é neeznáá daníjaa'ígíí éí t'ááłá'ígo shijaa' Bóhólníihii baa nídahidoh'aahii, áádóó bił yádi'diilnihgo náádahołniihii, índa t'áá bee ádee hadasoohdzíi'ii ts'ídá yá'át'éehii t'áá ałtso Bóhólníihii bich'į' ádee hadasoohdzíi'go náádahołniihii nidahohjáah doo.

JOSHUA 2:7

Áko diné akéé' ííjé'ígíí Jórdan tooh áłt'ą́'ą́jį' tsé'naa nideetiiníjį' akéé' niníjéé', áádóó éí diné t'óó ch'íníjé'égo t'áá áko dání'deetą́.

JOSHUA 22:10

Áádóó Kéínan kéyahgi Jórdan tooh bibąąhgóó hoodzoíjį' yíkaigo Rúben dine'é áádóó Géed dine'é índa Manáseh dine'é ałníí'dóóígíí ákwe'é Jórdan tooh bibąąhgi bikáá' náá'iiniihí nitsxaago ádayiilaa.

JOSHUA 22:16

Bóhólníihii bidine'é áłah silį́'ígíí t'áá ałtso ádaaní, Ha'át'íí lá bee Ízrel dine'é biDiyin God bich'į' doo ákǫ́ǫ́ ádaot'įįdgóó Bóhólníihii bikéé' deínóhkááh nít'éé' yę́ę díí jį́ bits'áhisoohkaigo bikáá' náá'iiniihí ádá ádaahłaa? Jó, éí bee díí jį́ Bóhólníihii bich'į' nidasoołtee'.

JOSHUA 22:19

Nidi k'ad nihikéyah doo yá'áhoot'ééhgóogo, Bóhólníihii bikéyah biyi'jį' ha'naa ninádooh'néełgo Bóhólníihii biníbaal bii' hodílzinii si'ánígóó nihitahgi kéyah nídahodidooh'ááł. Bóhólníihii bich'į' áádóó nihí nihich'į' t'ááká ádił nidaołteeł lágo, Bóhólníihii nihiDiyin God bibikáá' náá'iiniihí t'ah biláhídi át'éii t'ááká bikáá' náá'iiniihí náánáła' ánáádaohdlééh lágo.

JUDGES 12:5

Áko Gíliyad dine'é éí Jórdan tooh ha'naa nihonít'i'ídóó Íífreiyim dine'é baa jíishjéé'. Áádóó Íífreiyim dine'é yóó'adahizhneezhchą́ą'ii ádazhdííniid, Tsé'naa ninishááh bee sha'diní'aah. Nít'éé' Gíliyad dine'é ádahałní, Da' Íífreiyim dine'ésh nílį́? Áko dooda jiníigo hadzoodzíi'go