JOSHUA 21:1 - Navajo Bible

¹ Áko Líívai dine'é bizhé'é danilíinii bada'áłchíní yá aląąjį' naazíinii éí náá'iiłniihii Eliyéízer áádóó Nan biye' Jáshowa índa Ízrel dine'é bizhé'é danilíinii bada'áłchíní yá aląąjį' naazíinii yaa yíkai,

JOSHUA 21:1 ပူးပေါင်းရင်းမြစ်များ

GENESIS 49:7

Báháchįįhígíí hóyée'go bá ha'iidziih, háálá t'áá íiyisí hashké Áádóó t'áá íiyisí doo jooba'góó báháchįįh; Jéíkab dine'é bitahgi ałts'ą́ąjį' ho'deesh'nih áádóó Ízrel dine'é bitahgi taizhdookah.

EXODUS 6:14

Díí dabizhé'é yę́ę dabighandóó alą́ąjį' nidaakaii: Ízrel bá alą́ąjį' yizhchínígíí Rúben wolyéii biye'ké éí Héínak áádóó Pállu áádóó Hézran índa Kármai daolyé. Díí Rúben ba'áłchíní ádaat'į́.

EXODUS 6:25

Éran biye' Eliyéízar éí Pútiyel bitsi'ké ła' be'asdzą́ą́ áyiilaa, áko Fíniyas yishchį́; díí Líívai dabizhé'é yę́ę bighandóó alą́ąjį' nidaakaii ba'áłchíní ádaat'į́.

NUMBERS 35:1

Áádóó Mó'ab kéyah nidzisgaigi éí Jériko binaashiijí Jórdan tooh nílíní ha'a'aahjigo haz'ánígi Bóhólníihii éí Mózes yich'į' haadzíi'go ííłní,

NUMBERS 35:8

Kin hadaas'áii aa dahidoh'aah dooígíí éí Ízrel dine'é danilíinii kin hadaas'áii t'óó ahayóí bee dahólónígíí kin hadaas'áii lą'í nideidii'aah doo; t'áá díkwíí bee dahólónígíí kin hadaas'áii t'áá díkwíí nideidii'aah doo; dine'é t'áá ádzíłtso hakin hadaas'áii hóó' daazlį́į'ii bik' ehgo Líívai dine'é baa dahizhdidoo'ááł.

JOSHUA 14:1

Áádóó Kéínan kéyah biyi' díí kédaayah Ízrel dine'é bíí' daazlį́į́'; Eliyéízar náá'iiłniihii nilíinii áádóó Nan biye' Jáshowa índa Ízrel dadine'é yá aląąjį' naazíinii éí kéyah bíí' dadooleełígíí baa dahideest'ą́.

JOSHUA 17:4

Éí náá'iiłniihii Eliyéízar áádóó Nan biye' Jáshowa áádóó naat'áanii danilíinii yaa yíkaigo ádayidííniid, Nihik'éí bitahgi kéyah nihíí' dadooleełii nihaa dadidoot'áałgo Bóhólníihii éí Mózes yich'į' yee haadzíi' ni'. Éí bąą Bóhólníihii yee haadzíi'ii bik'ehgo bizhé'é bik'isóó nilíinii bitahgi kéyah bíí' dooleełii beidiní'ą́.

JOSHUA 19:51

Díí éí kéyah hóó' dadooleełii náá'iiłniihii Eliyéízar áádóó Nan biye' Jáshowa índa Ízrel dine'é bidóone'é bik'ehgo yá aląąjį' naazíinii éí yáá'iilt'e' bik'ehgo Ízrel dine'é bá kéyah ałts'ádeizogo, Sháíloh haz'ánídi Bóhólníihii binááł níbaal bii' dahozdísinii bich'é'étiingi kéyah ałtso ałtaa deisdzo.