JOSHUA 20:8 - Navajo Bible

⁸ áádóó Jórdan tooh wónaanídi Jériko kin haal'áii ha'a'aahjígo honoojíígóó dziłgo haz'ánígi Bíízer hoolyéego Rúben dine'é bikin haal'áii, áádóó Gíliyad kéyah biyi' Réímath hoolyéego Géed dine'é bikin haal'áii índa Béíshan kéyah biyi' Gólan hoolyéego Manáseh dine'é bikin haal'áii nideidiyiiz'ą́.

JOSHUA 20:8 ပူးပေါင်းရင်းမြစ်များ

I KINGS 22:6

Nít'éé' Ízrel dine'é aláahgo binanit'a'í éí náásgóó áhodooníłígíí yaa dahalne'ii dį́įdi neeznádiingo diné áłah áyiilaago ííłní, Réímath-gíliyad daats'í bich'į' dishbááh, doodaii' ááhodeesht'įįł daats'í? Áko ádaaní, Ákóde dínááh, háálá Bóhólníihii éí aláahgo naat'áanii yeididoo'ááł.

II KINGS 8:28

Áádóó Eihazáíyah éí Éíhab biye' Jóram yił Síriya dine'é aláahgo binanit'a'í Házeiyel Réímath-gíliyad kin haal'áagi yik'ijį' naabaahgo Síriya dine'é bisiláo éí Jóram hadayííłk'ęh.

I CHRONICLES 6:78

Áádóó Jórdan tooh wónaaníjí Jériko kin haal'áhígíí binaashiijí, ha'a'aahjígo Rúben dine'é bikéyahgi honoojíidi Bíízer kin haal'áhígíí áádóó Jázah

I CHRONICLES 6:80

Géed dine'é bikéyahgi Gíliyad nahós'a'gi Réímath kin haal'áhígíí áádóó Meihanéíyim

DEUTERONOMY 3:10

Áádóó dadzígaigóó kin hadaas'áhígíí t'áá ałtso áádóó Gíliyad kéyahgóó áádóó Béíshan kéyahgóó t'áá Salííka kin haal'áajį' áádóó Édriyai kin haal'áajį' éí Béíshan kéyahgi Ag wolyéii aláahgo bee bóhólníihgo bił haz'ą́ągi kin hadaas'áhígíí t'áá át'é bighadasidiit'ą́.

DEUTERONOMY 4:43

Bíízer kin haal'áhígíí honoojí dził aghádaaz'áagi, t'áá éí Rúben dine'é bikéyahgi áádóó Gíliyad kéyahgi Réímath kin haal'áhígíí, t'áá éí Géed dine'é bikéyahgi, índa Béíshan kéyahgi Gólan kin haal'áhígíí t'áá éí Manáseh dine'é bikéyahgi iisxíinii yisdáhinichééh bá nahaz'ą́.

JOSHUA 20:7

Áko díí kin hadaas'áii nideidiyiiz'ą́: éí Kíídesh kin haal'áii Gálilii kéyah biyi', t'áá éí Náftalai dine'é bikéyah át'éego dah daask'idígi, áádóó Shííkem kin haal'áii Íífreiyim dine'é bikéyah dah daask'idígi, índa Kírjath-árba kin haal'áii, t'áá éí Hííbran ałdó' hoolyé; éí Júdah dine'é bikéyah dah daask'idígi,

JOSHUA 20:9

Díí éí kin hadaas'áii nideet'ánígíí Ízrel dine'é t'áá a łtso bá áádóó bitahgóó dé'éyóní t'óó átsééd kéédahat'ínígíí bá ádaat'é, áko doo t'áá ákónéehgo diné yiyiisxínígíí ákǫ́ǫ́ nídidoolwoł áádóó áłah ná'ádleehgi doogáałgo haa náhódóot'įįłjį' dił biniinaa k'ééhodidoodlíiłii doo hodiyoołhéeł da.

JOSHUA 21:27

Áádóó Gérshan dine'é, éí Líívai dine'é danilį́įgo baa deet'ánígíí, éí Manáseh dine'é ałníí'dóóígíí bikéyah biyi' kin hadaas'áhígíí, éí Béíshan kéyahgi Gólan kin haal'áii binaagóó dahootsooígíí t'áá bił yaa deideez'ą́; éí kin haal'áii bii'jį' yisdá'niichéehii iisxíinii bá át'é, áádóó Be'éshtarah kin haal'áii binaagóó dahootsooígíí t'áá bił; éí naakigo kin haal'áii hóó' daazlį́į́'.

JOSHUA 21:36

Áádóó Rúben dine'é bikéyah biyi' Bíízer kin haal'áii binaagóó dahootsooígíí t'áá bił, Jahéízah kin haal'áii binaagóó dahootsooígíí t'áá bił,

JOSHUA 21:38

Áádóó Géed dine'é bikéyah biyi', éí Gíliyad kéyahgi Réímath kin haal'áii binaagóó dahootsooígíí t'áá bił hóó' daazlį́į́'; éí kin haal'áii bii'jį' yisdá'niichéehii iisxíinii bá át'é, áádóó Meihanéíyim kin haal'áii binaagóó dahootsooígíí t'áá bił,